سلام عليكم ..
كيف حالكم أمهات ؟؟
بإختصار .. أنا محتاجة لكم لا تخيبوني .. اي وحدة عندها حل تكتبه حتى لو مو مجربة لان عن جد اعاني من هالشي
وواجد افكر ..
المشكله هي ان اني واجد اشيل هم تأكيل ولدي الا الحين عمره 10 شهور و دقيقة في تأكليله يعني واجد انوع له
و أهيأ له جو مناسب للأكل حتى ما يمل .. و اول مااقعد من نومي و اني في بالي تأكيله و المعركة اللي يسويها
اني مااجبره على الاكل ابدا .. لكن هو يكره شي اسمه اكل من اول ما صرت اعطيه .. و الشي الوحيد المفضل عنده
هو منتجات الصحة ( قمح و فواكه ) و مااعطيه الا نادرا حتى ما يتعود ..
الحين اني اعطيه خضار و ارز و دجاج مطحون بالخلاط و اعبيه في زجاجات يعني قوامه تقريبا شبه سائل ..
ولازم بهالعمر يتعود يأكل اكلات قوامها صلب لان ماشاء الله عليه عنده 6 اسنان و لاحظته ياكل الخبز باسنانه
..
شنو اسوي له ؟؟
لازم اتخلص من الاكلات السايلة .. و استبدلها باكلات خشنة شوي .. مااعرف شنو اسوي له من طبخات ؟؟
ارجوكم ردو علي بسرعة حتى اقدر اسيطر عليه و اعوده على اكلات ثانية ..
والفاكهه اسلقيها وبالشوكه وشويه شويه ياكل الفاكهه علطول من غير سلق
ومتجات صحه بدل المسحوق هاتيله بسكوتات الاطفال اللي بياكلها بسنانه بتساعده بالتسنين,,,وعلى فكره ابنك خلاص بياكل سمك دلوقتي عادي ,,بس المشوي لان المقلي تقيل عليه يعني ابدايله سمك مشوي وبعدين مقلي من غير الجلد
والمكرونه ياكلها من غير ماتهرسيها بس قطع صغيره
وربنا يوفقك
شكرا حبيبتي فيك الخير ..
10 اللي قرو معاناتي و لا كسرت خاطرهم و ردو علي ..
بجرب الطريقة و بشوف ..
بس اسمحيلي ما عندي خبرة ولدي عمره 6 شهور بس اعطيه كله مخلوط فالخلاط ..
والسمووووحه ..
كفت ووفت وانا اوافقها برايها
شكرا للجميع
الارز هم بعد اهرسيه بيدك فقط..
عوديه من الحين على الاكل مالكم.. عشان اذا كمل السنة خلاص لازم يعتمد تماما على اكل البيت وتتركين منتجات الصحة 
انا اعطي بنوتتي من الحين بعض الاشياء من اكلنا مثل الخضراوات اللي اطبخها ع البخار. او الدجاج المسلوق.. وحتى العيش والخبز مالنا افتتهم بيدي قطع صغيرة واخليها تاكل منه.. صح للحين ما عندها اسنان بس ما شالله لثتها حادة وتمضغ وتؤدي الغرض..
ايي لاحظت بعد انها تحب تمسك الاكل بيدها تأكل بنفسها.. فاعطيها خبز اقطعه طوالي تاكله او بسكوتها مال التسنين.. او حتى قطع طوليه من اليح والشمام تققرضهم تمووت في هالشيء..
بالتوفيق.
لكن هو من نوع اللي يطلع الاكل من بوزه .. بيتعود اذا ظليت احاول معاه على طول ؟؟
شكله عنده صعوبة في تعلم البلع.. خلي الاكل قطع صغيرة .. وجربي معاه وايد..
الله يعطيك العافية.. شكله مجننك من الزين في الاكل..
جربتي تشربينه ورا الاكل عشان يبلع؟