مين تعرف الشبزي

فيه وجبه اسمها شبزي بس ما اعرفها بدقه كيف اسويها كل اللي اعرفه ان مكوناتها من الحشائش الخضراء وممكن تجي مع اللحم
مين ممكن تفيدنا فيها؟

أعتقد أن أمي تعرفها زين لأنها تسويها لنا بس مو متأكدة متشككة بينها وبين طبخة ثانية ، راح أكتبها اليوم من عندها وأرسلها لك بكرة إنشاء الله….

اختي بريق الأمل غالي والطلب رخيص بقولج على طريقتي لأن الولد الله يحفظه يحبه وايد وااايد,,,,,,,,,

أول شئ تحمرين بصل مفروم مع شوي زيت وزبدة و ملعقة كركم بعدين تضيفين عليه لحم مكعبات مع أو بدون عظم براحتك,,,,,وتقلبينه شوي مع البصل في الزيت وتضيفين عليه الماي,,, وتخلينه يطبخ لمدة ساعة أو ساعة ونص لين يستوي الحم,,,,في جدر ثاني حمري بصل مفروم مع زيت وزبدة وأذا تحبين حطي ثوم,,((أنا أحيان ما أحط )) بس عادي مايفرق وضيفي على البصل كيس سبانخ مثلج العملاق الأخضر,, وشدة كزبرة وبصل أخضر الأوراق بس و قليل أشبنت وملعقة بزار وملح,,,وحركي و صبي هذا كله فوق اللحم ((( يعني ضيفي حمسة الخضرة على اللحم اللي في الماي)) وخليه يطبخ ربع ساعة وأخر شي عصري ليمونة وصبيها في الجدر وخلية دقيقتين …. بعدين قدميه مع الرز الأبيض,,,,,,,,,,,,,,,

في ناس يحطون فيها فاصواليا حمرا بس أنا ما أحبه……….. وان شاء الله يكون هذا اللي طلبتيه,,,,,,,,,,,,,,,,,,,,,,,

اختي نوران
ياهلا فيك بالأول ,ما تتصوري مدى سعادتي بردك ايه هي كذا نفس المطلوووووووب بالزبط بس ما كنت اعرف بالضبط المكونات بس بالنهايه تطلع مثل ما قلتي خضرا وفيها لحم وتقدم مع الرز الأبيض (عاد انا حبيتها لوحدها من غير رز اطعم وألذ) وبقولك ان اللي اكلتها الظاهر عاملين فيها بدل الفاصوليا حمص (نخج بالعامي) طالعه بعد حلوه مع الليمون

يسلمو ومشكووووووووووووووووره واجد واجد واجد

اختي رانيا

اشكر لك مرورك واهتمامك وردك ولا تعبي الوالده ولا شي ما قصرت نوران
إلا اذا ناويه تتعلمي وتريحي امك من الطباخ(r) عاد كيفك

بالتوفيق(f)

سامحيني تـأخرت بالرد بس اليوم آنه مداومة، ماعندي نت ببيتي…

الطريقة: حمسي البصل مع اللحم ( كمية الخضرة 1 ونصف إلى 2 كيلو من اللحم) وأتركيه حتى ينضج..

في قدر ثاني حطي هالكمية 1 صرة اشبنت، 1 صرة كزبرة، 1/2 حلبة، 1/4 كيلو سلك، 1 صرة بقل (أخلطي الكمية حتى يتحول لونها للبني) .

لما يكون اللحم قد نضج حطي عليه الثوم ومدقوق 1 فلفل حار، وبعدين أخذي الخضرة الموجودة بالقدر الثاني وحطيها عليه مع 1/2 كيلو طماطم مقطع و1/2 علبة طماطم معجون وأضيفي الماى مع فاصوليا بيضاء… وفي النهاية عصري فيه ليمونة..

ومرة ثانية أعتذر على التأخير وسامحيني…

هلا والله رانيا

مشكوره اختي تعبتي نفسك معاي والله اقدر لك تجاوبك وما قصرتي وبعدين خذي راحتك الأكل ما بطير مسموحه ومثل ما قلت لك ما قصرتي وطريقه امك تختلف شوي عن اللي قالتها الأخت نوران
بجرب الثنتين وبشوف اللي يناسب

يسلموووووووووووووووووو والله يوفقك دايم انشاء الله

هذي أكله ايرانيه واااااااايد احبها .. انا عندي فكره اذا انتي عايشه فالإمارات روحي مطعم ابشار الإيراني في دبي كل أكله حلو واحلى أكله عنده السبزي وجربي طريقة البنات وشوفي اي وحده منهم طريقتها تشبه السبزي اللي في المطعم.لأن كل وحده تختلف طريقتها وهذا المطعم يسوي السبزي الأصلي <—————-صج اني متفرغه عروس

هلا كتكوته

ايه صح هي اصلها ايراني
بس اختي انتي كتبتي سبزي أنا اللي اعرفه انه ينطق شبزي ولا انا اللي غلط!

على العموم مشكوره اختي وانا اول ما جربت الوجبه في ايران يعني من الأصل تذوقتها واعتقد ان طريقة الاخت نوران هي الأقرب للأصليه والله اعلم

نورتي الموضوع

اعتقد ان الإيرانيين يسمونه شبزي والعراقيين يسمونه سبزي وانا اول مره كلت هالأكله من ناس عراقيين وهم ماخذين هالطبخه من الايرانيين..

اترك تعليقاً إلغاء الرد