شحالكم؟؟؟ شخباركم؟؟؟
ابغي اشتري نبتة الصبار حق شعري
😮
وابى اعرف كيفية استخدام الصبار للشعر
يعني اطلع المادة اللزجة و احطه ع شعري
و لا اقطعه و اغلي في ماء و استخدم الماء كبلسم للشعر
اي طريقة هي الصحيحة:think:
و بغيت اعرف في نوع خاص حق الشعر و لا كله نفس شىء
و بعد في وايد اشكال
اتريا ردودكم يا حلوات
:Zd_bye_3:
تحياتي
واللي جربته النوع الثاني
اني غليته وي الماء وتركته يبرد شوي
وبعدين حطيته على شعري بعد الشامبو مثل البلسم
انا جربته مدة وفادني كثير …
احيانا كنت اخذه ازيل الشوك من الجوانب وابشر القشر شويه واقطعه واحطه بالخلاط واستخدمه كريم
( بس للعلم لمن تستخدميه مع قشره يسبب لك حكه اول الايام ) ولكن للحق يوقف التساقط ويزيد كثافة الشعر
بس نصيحه اياك ثم اياك يجي على وجهك ( لانه منشط لخلايا الشعر وسبب لنمو الشعر )
وبدون ماء ولا غليان بس خذى الماده الى مثل الجيلي بداخله .. يكون لونها مائى شفاف واستخدميها وحدها
او مثل ماقلت مع القشر … يرجع لك الامر
عن نفسي استخدمته بقشره بس الحكه تعبتني فبطلت القشر وصرت استخدم بس الجيلي الى داخله
اتمنى اكون قدمت لك شى مفيد