نجمة الليل سؤالين ممكن تساعديني ؟

بالنسبه للبيس حبيبتي اهوه يعتبر قاعدة الاساس و ضروري انج تستخدمينه ..

فوايده حلوه : يغنيج عن كريم المرطب و الاهم انه يكون عازل بين بشرتج و بين الاساس اللي تحطينه عشان يحمي البشره من كل المكياج اللي تحطينه عليها و يخلي مكياجج طبيعي ..

طريقة وضع البيس اول شي تسوينه انج تنظفين بشرتج عدل من اي ترسبات تكون موجوده سوي سنفره لبشرتج السنفره حيل حلوه و تنظف البشره .. و نظفيها بالملك او الاسكينول و بعدين خلي بشرتج ترتاح شويه خمس دقايق و بعدين حطي البيس و طريقته انج تدهنينه مثل ما تدهنين الكريم و اذا كان اللي تستخدمينه بلون لا تحطينه تحت عينج لانه في بيس مخصوص للعين .. و خليه خمس دقايق و بعدين بلشي مكياجج ..

و البيس انواع و تلاقينه بأكثر من ماركه موجود بس تختلف كل ماركه عن الثانيه بجودته و نسبة ترطيبه ..

* البيس اللي يجي لونه اخضر يغطي الاحمرار اللي يكون على البشره

* البيس البنفسجي يغطي الصفار او الشحوب اللي بالوجه

* البيس الابيض يفتح لون البشره

* البيس الوردي يغطي اي شحوب على البشره الفاتحه اللي اهيا البيضه

* البيس البرتقالي يعطي رونق للبشره اللي يكون لونها اسمر

* البيس الاصفر يعطي اضاءه

* البيس الازرق يستخدم حق البشره اللي تكون بيضه حيل

و فيه بعد انواع للبيس فيه للعيون و للشفايف و غيرها يعني ما يختص للبشره كامله ..

اللوس بودر تستخدمينه بعد ما تحطين كريم الاساس عشان تثبتين الاساس

انشالله افدتج حبوبه