انا اسمع و اقراء بنات وايد يقولون الحنة ما تصبغ و الي خايفة حق عرسها او مناسبة ما يصبغ فقررت انزل الموضوع علشان تستفيدوا منه و هاي الموضوع من تجربتي للحنة , على بركة الله بدينا:
1. في البداية اذا انت حابة تحطين حنة احف يديك قبل ما تحطين بيومين اذا كانت بالشيرة او البراون اما بالموس فانا عادي في نفس اليوم او يوم قبل اذا بشرتك حساسة افضل تشيلين بالموس يوم قبل
2. اهم شيء في موضوع الحنة انك اختاري الي بتحط لك الحنة سواء بالصالون او تجيكي البيت مع الستايل الي تبينه و بقول لك ليش بعدين مهم تكوني تعرفين الستايل و تكوني تشرحين لها بوضوح شنو تبين و انك مجربة شغلهم قبل
3. سواء كنتي في البيت او صالون حالتك النفسية تكون مهم لصبغ الحنة و السبب ان الحالة النفسية تاثر بالدورة الدموية و هي الي تجفف الحنة الي على يدك فاذا كنت مرتاحة بتجف الحنة بالصورة الطبيعية و تصبغ عدل اما اذا كنت معصبة او متنرفزة فبتجف الحنة بسرعة و ما تصبغ او تغمق و ابدا لا تستعملين الدفاية لان تجفف الحنة بسرعة و ما تخلي الحنة تغمق و هاي عن تجربة
4. تاكدي ان يدك تكون نظيفة من اي مواد دهنية او كريمة سواء كنت بتحطين حنة حمرة اة سوداء
5. قبل ما تتخذين قرارك الاخير بخصوص من تحط لك روحي جربي عندهم مثلا انا احط في ريلي من فوق او كتفي و زندي المهم اشوف ستايلهم او يقدرون يضبطون الستايل الي ابي و اذا حنتهم تصبغ او لا و معاملتهم اشلون او تقدرين تاخذين الاطفال الي يحبون حنة و تشوفين ستايلهم و ايد مهم انك تشوفينهم بعينيك مو صور لان بتشوفين اشلون يقدرون يتصرفون اذا اخترب او مو عاجب
6. لما تجف الحنة في بنات وايد يحطون شيرة او ليمون او فيكس او فازلين على الحنة علشان تغمق اما انا اقول لما تجف قشري الحنة بعدين غسليها و بعدين حطي فازلين قد ما تقدرين هاي احسن طريقة , لان اذا حطيتي اي شيء سوائل قبل ما تغسلينه راح يرطب الحنة و تجعلها تسيح و بيصير لي كل لون برتقالي في الفراغات و هاي مب حلو الا اذا انت تحبين جذي و تحملي تحطين فيكس على يدك او ريليك من فوق خصوصا اذا انت توك حافة لان بيلتهب لك
7. تجنبي تحطين المنطقة المتحنية فيها في الماي وايد لان يساعد على فتح اللون و كثري من استخادم الفازلين او كريم لان المنطقة التي حطيتي فيها حنة تجف وايد
8. بالنسبة للي بتستخدم حنة سوداء اول مرة انصحك في البداية ان تعملي اختبار لبشرتك لان مو كل بشرة تستحمل . حطي لك في منطقة صغيرة على يدك او كتفك او مكان ما يبين علشان تشوفين بشرتك تتاثر فيها او لا
9. في حالة تبين تشيلين الحنة لا تستخفين و تحطين بالاوي على بشرتك لان في بنات يقولون يغسلون الصحون بكلوركس علشان تروح الحنة كل الي تسوينه ان تحطين لك سكراب الي دايما تستخديمنه مع مفركة الحمام المغربي و يروح ساعات ياخذ له مرتين او مرة بس لا تفركين بشدة علشان بشرتك
اتمنى تستفيدون من المعلومات و سامحوني اذا كان الموضوع طويل او اخطاء املائية
😮 تسلـــــــــــم ايدك
شكــــــــــــــرا الله يعطيك العافيه ولايحرمنا من المواضيع الحلوه الي جذي
ان كنتي متزوجة ربي يسعدج معا زوجج وان ماكنتي متزوجة ربي يرزقج بولد الحلال الصالح ويزقج بالذرية الصالحة
ربنا يسعدك ويهنيك ويرزقك يارب