السلام عليكم خوااااتي .. كل عااااااااام وأنتو بخير
سؤالي باين من عنوانه
هل أقدر أطبخ بعض الأكلات ثم أجمدها ثم أعيد تسخينها وقت اللزوم تعرفون العيال ما يعطون فرصه للطبييييخ
أو ممكن أجهز نص المقادير ثم وقت الطبخ يكون سريع لأن نص الطبخه جاهزه
مثلا هل أستطيع تبهير الدجاج ووضعه فالفريزر
أو صينية الباشميل بس بدون جبنه ووقت اللزوم أضع عليها الجبن وأدخلها فالفرن
شو هي الأكلات الثانيه اللي أقدر أجمدها
وشو هي الأشياء الثانيه اللي أقدر أسويها عشان تسهل عليه الطبيخ وتخليه أسرع فنفص الوقت مثلا
:thumbs_up:
وتسلموووووووووووووووووووون
F
:
طبعا الاشياء اللي تقدرين تجهزينها وتجمدينها
السمبووسة بجميع حشواتها سواء لحم دجاج جبن أي شي
الكفتة ( دجاج ولحم )
السبرينق رول بجميع حشواته
عجينة البيتزا بعد تقدرين تعجنينها وتفرزنينها وقت اللي تبين تستخدمينها اطلعينها تذوب شوي وتخلين عيها اللي تبين
الكبة وورق العنب
طبعا اللحم والدجاج ماتقدرين تبهرينه وتجمدينة
بس تقدرين تنظفينه وتبهرينه وتخلينه في الثلاجة تحت عشان يتخمر
لمدة يومين بالكثير
وفي ناس تفرزن حتى الخضروات
يعني مثلا البصل تفرمينه وتخلينه في أكياس صغيرة على حسب الكمية اللي بتستخدمينها كل مرة
اذا احتجتي اطلعينه وتستخدمينه
والطماطم بعد تبشرينه وتخلينه في حافظه كبيرة وكل ماتحتاجين تستخدمين منه
انشالله أفدتج
بسبب الكتكوت اجهز اغراض كثيرة واحطهم بالفريزر
دائما بعد مااشتري الدجاج انضفه وابهره واحطه بالفريزر
ويكون جاهز للطبخ
خضراوات بعضها اشتريها مجمدة وبعض طازج
اجهز قيمة بالتوابل المفضلة والبصل وبقدونس واحطهم بالمجمدة
لزوم الكبة وغيرها
اجهز عصير طماطم
اشتري كمية كبيرة واطبخه
بعد الطبخ اضربه بالخلاط اليدوي واقسمه الى قسمين القسم الاول احطه باكياس الفريزر واجمده
وقسم الثاني اتبله بتوابل الاسباجتي واجمده
وتكون صلصة المعكرونة جاهزة:thumbs_up:
طبعا عادي اي شي تجمدين شوفي بالاسواق عندهم اكلات جاهز بس مجمدة
تجيبينه للبيت بس تدخلينه الفرن او الميكروويف ويكون جاهز
يعني حتى بيتزا تقدرين تسوينه جاهز العجينة والحشوة حتى الجبنة خليها عالبيتزا
وغلفيه بورقف النايلون ودخليه الفريزر
لحم مفروم اقسمه الى اجزاء واحطهم باكياس صغيره عشان وقت الضيق اطلعه من الكيس واطبخه فورا
تقدرين تجهزين كبة بانواعها وتجمدينها
التجميد ابد ماياثر عالاكل تقدرين تجمدين اي شي
بعض الاكلات المطبوخة مو لوقت كثير يعني ممكن لمدة 2-3 اشهر
بس اللحوم والخضراوات وجبن وفواكه وصلصات طماطم ممكن لمدة 6 شهور
والكبه بتقدري تعمليها وتحطيها بحافظه وعند الزوم تطلعبها وتقليها
مشكورييييييييييييين عالإفاده يا أمهات
ما فيه أحلى من التجهيز المسبق خاصة الكتاكيت اللي عندنا ما يخلولنا مجال نآكل فكيف نطبخ هههه ^^
وبعد حبيت أفيدكم ممكن تحمرون كمية كبيره من شرايح البصل وتجمدونها بالفريزر وتستخدمونه وقت اللزوم للرز مثلا أو الكشري
بس تآخذين كميه منه وتحطينه عالأكل وهو حاااار
وجزاكم الله خيييييير
^^