الحقونى قبل لتجنن انا كل لما اروح لكوافيرة و اسألها عن الزيوت تقولى بتجفف الشعر
انا شخصيا مش مصدقة لكن انا حصلت معايا حاجة غريبة اوى انا فى يوم من الايام شعرى كان نوعه عادى و كان يطول
حاليا تحول الى جاف و اصبح بطيىء النمو ومش بيطول و يدوخنى لما اقصه على ما يطول تانى
و طبعا انا شفت خلطات كتير من ياللى فى المنتدى هنا و مدونة اخرى
لكن انا حاليا استعمل زيت الخروع و احيانا استعمل زيوت اخرى زى زيت الزيتون و جوز الهند
و الغريبة كمان انه مرة سمعت من واحدة من الكوافيرات انه زيت الزيتون يقصف الشعر
والله الواحد دماغه لفت ومش عارف مين بيتكلم صح ومين بيتكلم غلط
فكروا معايا كده ليه طبيعة شعرى اتغيرت صحيح انا امر بظروف نفسيه سيئة تختلف عن قبل كده لكن انا عملت شى غلط كمان كنت عملت ميش اصفر فى شعرى من حوالى سنتين من وقتها شعرى خرب تماما
ساعدونى بقى وقولوا لى اعمل ايه و ياريت بنات مصر يشاركوا علشان انا من مصر و يمكن حد يعرف يساعدنى
و سامحونى كمان انه طولت عليكم
لكن انا حبيت احكى تجربتى فى خراب شعرى 🙁
خدى الرابط دة يمكن تستفادى منهhttp://www.3roos.com/forums/showthre…57#post2431657
يعنى قشرت الثوم و فرمته ناعم و سخنته مع زيت جوز الهند و زيت عباد شمس و زيت لوز و زيت زيتون خلط كل ده مع بعضه و بعد لما سخن الزيت و الثوم رفعتهم من على النار و صبيتهم فى زجاجة بدون ما اصفيهم من الثوم احتفظت بالثوم مع الزيت و صبيت كله فى زجاجة و اقوم برج الزجاجة قبل الاستخدام
و استخدمها فى نهاية كل اسبوع يعنى مثلا ادهن فروة شعرى و شعرى من الدخل يوم الاربعاء و اكرر العملية يوم الخميس بدون ما اغسل شعرى من المرة بتاع يوم الاربعاء يعنى ازيته مرتين و ابات بيه و بعدين اغسله يوم الجمعة الصبح ممكن قبل لما اغسله احط عليه فوطة مغطسة فى ماء ساخن الف شعرى بيها لمدة ربع ساعة و بعدين اغسله
و ادهنه زيت خروع
دى طريقتى ياللى بعملها دلوقت علشان نفسى شعرى يطول بسرعة
لانه حزينة من وقت ما اقصيته مدرج لانه كمان سمعت انه الشعر المدرج يقصف الشعر و براحة ياللى قصة لى اخدت منه كتير
ربنا يستر و يطول
انا اسفة طولت بس انا حبيت اعرض تجربتى و اقول انا بعمل ايه علشان ياللى يحب يعمل زيى
بل بيحطواه على اطرافه كمان و هذا يجفف الشعر
و طبعا كل شعر و طبيعته
و كمان في فصل الصيف لابد من التقليل من استخدام الزيوت واستبدالها الكريمات المرتطبة و المغذية لشعر
لو فى حد كمان عنده رأى تانى يتفضل يقول
ومشكورين
وانا استخدم زيت اللوز .. يرطب الشعر وينعمه
الشعر الجاف ده مشكلة بتواجه كتير من البنات وماباقصدش بالشعر الجاف الطبيعي، يعني اللي طبيعته بتكون جافة، لأ باقصد لما الشعر يكون عادي أو حتى دهني وفجأة يجف بدون أي مقدمات..
عايزين تعرفوا ليه؟
أسباب جفاف الشعر
الحقيقة فيه أسباب كتير زي استخدام كيماويات ضارة على الشعر زي الصبغات وشامبوهات مش قد كده أو مش مناسبة لنوع الشعر، ده بالإضافة لكثرة استخدام المكواة والسشوار.
وده غير السبب الأساسي اللي هو التغذية، لأن الشعر جزء من الجسم وتنعكس عليه حالة الجسم كله، يعني لو بتاكلي كويس يبقى شعرك بيتغذى، ولو بتاكلي أكل مش مفيد يبقى شعرك كمان هيبقى مش صحي خالص.
كما إنه من الضروري جدا تناول الأغذية المحتوية على زيت أوميجا 3 (موجود في الصيدليات)، ولزيادة الاحتياط ممكن تستشيري الدكتور وتطلبي منه إنه يكتب لك على فيتامينات تحتوي على زيت كبد الحوت لأنه بيعتبر وقاية ضد أي نقص غذائي.
ماسك البيض
بللي جذور الشعر بالبيض المخفوق (بيضتان) بواسطة فرشة أسنان، وبعدين وزعي بقية البيض على أنحاء الشعر, ودلكي الشعر حوالي نص ساعة قبل ما تغطيه ببونيه الاستحمام حوالي ساعة وشيليه بعدها وسيبيه لغاية ما ينشف عليه البيض (نحو ساعة) وبعدين اغسليه بالشامبو والماء
ماسك المايونيز
فيه بقى وصفة طبيعية ونتايجها فورية لعلاج جفاف الشعر، وهي أن تضيفي إلى مجموعة الزيوت اللي تفضلي استخدامها -ده بالإضافة لزيت اللوز وزيت الزيتون- ملعقة كبيرة من المايونيز، وتخلطيهم كويس قوي، وتحطيهم على شعرك لمدة ثلاث ساعات، وبعد كده تغسلي شعرك، وهتلاقي نتيجة سريعة وفورية.
ماسك زيت الزيتون
معلقه زيت زيتون.
معلقه حبة البركة مطحونة.
صفار بيضة.
اخلطي جميع المقادير وحطيها على فروة الرأس وغطي شعرك ببونيه الاستحمام لمده ساعة على الأقل، وممكن مضاعفة الكمية لو ماكفّيتش. استخدمي الوصفة دي مرة كل أسبوع ولو عاوزة نتيجة سريعة استخدميها كل يوم وهتلاحظي مفعولها في تنعيم الشعر.
يارب تجربي وان شاء الله بتجيب نتايج كويسة ويارب اكون افدتك
فيه نااس ينااسبهم الزيت وفيه ناااس يعدم شعرهم
فاذا مااناسبك الزيت استخدمي الكريم