————–
شلونكم خواتي
وشخباركم
:::::::
في موضوع صاااارله فترة يجووووووول في خاطري (( احم احم ))
وحااابة اتكلم في ونشارك مع بعض في الدردشه
الموضوع هو كالتالي
*********************************&&*************** **************************
انخطبتي وو ملجتي (( يعني انكتب الكتاب)) وصار عندج زوج
بس تو الناس ع العرس ….. نقول بعد سنه او اقل شوي
هل انتي تأيدين أو تحبين وتفضلين
بعد ( الملكة) تسوين حفلة لج
في بيتكم او في قاعة وتعزمين اهلج وصديقاتج واهل المعرس
ويحضر يلبسج الشبكة
تأيدين هالشي ولا لأ
^^^^^^^^^^^^^^^^^^^^^^^
وناااااااااطره مشاركاتكم
:salam:
بس ماتكون وايد كبيرة
بس بين اهلج القراب واهله القراب:shy:
ماراح اتكلم عن عادات وتقاليد
او كل قبيلة وشنو خصوصياتهاا
لأن على الرغم من انه في قبايل ترفض انه تقام للبنت حفلة في بيتها او شي
الحـين قامو يسوون والبنت تروح الصالون وتلبس وتكشخ وحالتها حاله وتكون حيل جرئيه قدام المعازيم
هذا واهي توهاا _ مملجه _ عيل شلون بليله العرس
لووووووووووووول يمكن تقوم وترقص
==============
لكن ماا ودي مثل انه البنت ماتفرح وتنبسط وخاصة انها تزوجت وصار عندها رجال واكيد طووول هالفترة لين يحن وقت العرس واهي بتكون معاه على الاتصال
————–
يعني من رائي اذا البنت او اهلها حبوا يسون حفلة لبنتهم
تكون حفلة جداا جداا محدوده
يعني يحضرهاا
عماتها وخالاتها واهل بيتهاا
وتحضر ام الزوج وخواته يقدمون المهر والحين كلنا شفنا الفناتك في هالامور والشبكه يلبسها المعرس حق زوجته
وبس
لاكن ماله داعي اروح واسوي حفلة ورقص وطقطه واعزم الديرة كلهاا
احس فيها جراة
وكإن االبنت ماصدقت تزوجت
=====================================
واصلاا معروف انه البنت او الولد بس يملجون
اكيد الأهل والاقارب بيحضرون يباركون
وهذي تكفي
والله
=================================
ومشاااااااركاتكم مالنا غنا عنهااا
فـ شاركو عشان نعرف جميع الأراء
واللي ملجت وسوت حفلة ممكن تكلمناا عن حفلتهاا
يمكن يكون في اختلاف او شي
وناخذ ونعطي مع بعض
ونوصل لــ النتيجة السليمه ان شاء الله
ويعطيكم العافية مقدماا
الله لايحرمناا من هالمشاركات
وبالفعل كلامج عدل
اذا كانت بسيطه بين الاهل القراب حيل حيل
تكون احلا وافضل
وشكرا لج حبيبتي
:clap:
انا سويت حفله ملجة
وحفلة خطوبة ههههههههههههه
حاله والله بس استانست وايد
حبيبتي كل عروس تتمنى هالشي بس انا عندي ماله داعي حق هالسوالف حلاتها العروس تطلع بليلة عرسها ملكه اذا الحين اكشخت والبست والكل شافها ماراح تتغير بليلة عرسها وعندي تنطر لي عرسها احلى ووناسه كلها ليلة بالعمر مو جم حفله
وانشالله رايي يعجبج
تسلمي أختي على الموضوع الحلوة اللي يفتح مجال للنقاش
بصراحة انا ضد فكرة تطويل الفترة بين الملكة والزواج
يعني مابين شهرين إلين 6شهور بزيادة
لأنه كل ماطالت الفترة زادت الشاكل سواء بين الزوجين أو بين الاهل
أما الحفلة فعندنا غالباً الملكة أو الشبكة بتكون على أهل العروسة والزواج إما شراكة أو عزومة الرجال علىأهل العروسة
والحريم على أهل العريس أو العكس
خصوصا عايلتنا دايما يسوون حفلة ملجة طبعا تكون في البيت بس ما يظل أحد ما يحضر
وبعدها بأسبوع أو أسبوعين حفلة الخطوبة اللي تكون في صالة أفراح ويعزمون فيها القريب والبعيد والأبعد والأهل اللي في الخليج حشه ما صدقوا يعرسونها هههههههه
وبعد كم شهر يعني عادة البنات عندنا يظلون في حدود السنة أو أقل على ما يجهزون المكان اللي راح يسكنون فيه، طبعا لازم عرس ولكن بعضهم يسوون عرس في البيت إذا سوت الخطوبة في صالة أفراح وتعزم الأهل بس والجيران بعد مب عدله يسمعون الطقطقة وما نعزمهم، والبعض الثاني على اللي سوته من الحفلات ما تكتفي وتسوي حفلة عرس كبيرة وما تخلي شي ما تسويه فيها وحتى أوقات ما يصير عندهم فلوس كفاية عشان يسافرون شهر العسل صج خسارة.
لكن أنا رأيي واللي قاعدة أقنع فيه بنات العايلة:
إن الوحدة لازم تفرح والعرس إشهار لكن بحدود المعقول يعني حفلة الملجة إحنا لازم نسويها بس تكون ضيقة جدا بينا وبينهم يعني بلا حشرة الأهل والقوم والعشيرة، والحفلة الثانية تكون العرس يعني بدون حفلة خطوبة وبلاوي وخساير وتكون الفترة أقل يعني من 4 شهور إلى 6 شهور لأن الواحد لما يتقدم يكون مجهز كل شي ومفكر وين بيسكن هذي إذا ما فرش الشقة على ذوقة.
وحفلة العرس هي ليلة في عمري وإشهار للناس بعد يعرفون فيها إني خلاص طلقت العزوبية بالثلاث ههههههههه
لأن حلات الحفلة تكون في العرس وأنا أنزف على زوجي أحسن من حفلات سخيفة حق سواليف الناس والقيل والقال.
وإلا شرايكم يا بنيات ….. حشة يدتهم
عدل كلااااااامج اختي
ومشكورة على مشاركتج الطيبة
:clap:
كندريه حلوه
وعليكم السلام والرحمه
وعدل كلامج وانا أأيدج هالرأي
ان ماله داعي هالحفلات قبل حفلة العرس الكبيرة
:clap:
المكاوية السمرا
هلا فيج اختي
وصحيح كلامج حلووو ان كل شي يصير بسرعه
يعني لاااتطول فترة الملجة … لأن ممكن حزتهاا البنت والولد الكل منهم مثلاا يبي يشوف الثاني وجذي
والاهل بعد مااايقصرون ممكن تصير خلافات
حلوو كل شي يصير بسرعه
وانا مافهمت الجزء الثاني من كلامج ….. ماعرفت شلون طريقه العرس عندكم … لان شكلها غير عن عروسنا بالكويت
:clap:
قطاف
مشكورة يالغاليه ع المشاركه
وامبين ان هالشي مو بس انا اللي افكر فيه
تقريبااا هذا موضوع كل البنوتات
وطبعااا انا ماأيد الحفلات الكثار والمتعدده قبل العرس وان المعرس والعروس يشوفون بعض ويطلعون مع بعض
احس مو حلوة كلش
لو يكتفي فقط بتلبيسها الشبكه بحفلة محدودة يكون افضل جداا
:clap:
انا مع ان البنت تسوي لها حفله …
ليش ماتسوي هي بتنخطب كم مره مره وحده فقط …
بصراحه لو ما اسوي حفله كان مدري شنو يصير فيني هههههه …
احنا قبيلتنا لازم حفله و كبيره …