هل تأثر المصاصه على الرضاعه الطبيعيه أحس بالذنب لأني عطيته المصاصه 2024.

السلام عليكم ورحمة الله وبركاته

شخباركم خواتي … كل عام وأنتو بخير

من أسبوع تقريبا ولدي أستوى صياح يصيح بالساااااااااعات ما يسكت وأمي تترجاني اعطيه المصاصه عشان يسكت

بس كنت خايفه من تأثيره عالرضاعه الطبيعيه يعني أخاف أنه ما يرضع من صدري ويقل الحليب وجي

في وحده منكم رضعت عيالها سنتين وفنفس الوقت كانت تعطيهم المصاصه !!!!!

أفيدوني يزاكم الله خير

انا ماعطيت بنتي مصاصة وكنت اتمنى لو اني عطيتها من البداية لأنها صياحة والحين هي تمص اصبعها ورضاعتها قلييلة كانت والحين مرة وحدة قطعت تشرب مني وتشرب فقط مرضعة.
مسامحة ما افدتج بشيء بس ماحبيت ادخل وما ارد..

ما في اي اثر حبيبتي

بالنسبة لي جربتها مع ولدي والحمد لله شرب حليبي وما اثر شي علي وفي نفس الوقت يشرب المصاصة بس لزوك الدراسة قطع الحليب بعد 9 شهور

اما مع بنتي الحمد لله كملت معاها شرب الحليب الطبيعي مدة سنتين وفي النفس الوقت كانت تاخذ المصاصة وما اثر شي عليها وعلى الرضاعه

أهمشي تعطينها حقها من الحليب واكيد الطفل ما يتقبل المصاصة لو كان عطشان وهذا اللي لاحظته مع اعيالي لما يكونون عطشانين يبون حليب اعطيهم المصاصة على ما اجهز نفسي للرضاعه بس مستحيل يقطون المصاصة ويبون الحليب ..

اذا ولدج صياح اسمعي كلام الماما وعطيهالمصاصة مع ان الكل ما يشجع المصاصة بس والله اتهدأ الطفل وبعدين لو حبيتين تقطعينه في الف طريقة وطريقة علشان يهدها

اتوكلي على الله ..

اختي انتي عطيه لكن لا تاخرين رضاعته و تحطين مكانها المصاصة يعني كل ساعتين او 3 رضعيه و قطعيها عنه من 6 شهور منها اهو بده يقل اصياحه و لأن بعد الست اشهر تكون خطرة على شكل الإسنان

بولدي علاوي ماعطيته مصاصة وتعبت وايد معاه ..عطيها المصاصة بعد ماتشبع رضاعة تحسينها وتبي بس جذي ترضع ..

اقتباس

المشاركة الأساسية كتبها نور الورد

	ما في اي اثر حبيبتي بالنسبة لي جربتها مع ولدي والحمد لله شرب حليبي وما اثر شي علي وفي نفس الوقت يشرب المصاصة بس لزوك الدراسة قطع الحليب بعد 9 شهور اما مع بنتي الحمد لله كملت معاها شرب الحليب الطبيعي مدة سنتين وفي النفس الوقت كانت تاخذ المصاصة وما اثر شي عليها وعلى الرضاعه أهمشي تعطينها حقها من الحليب واكيد الطفل ما يتقبل المصاصة لو كان عطشان وهذا اللي لاحظته مع اعيالي لما يكونون عطشانين يبون حليب اعطيهم المصاصة على ما اجهز نفسي للرضاعه بس مستحيل يقطون المصاصة ويبون الحليب .. اذا ولدج صياح اسمعي كلام الماما وعطيهالمصاصة مع ان الكل ما يشجع المصاصة بس والله اتهدأ الطفل وبعدين لو حبيتين تقطعينه في الف طريقة وطريقة علشان يهدها اتوكلي على الله ..

مشكوووووووووووووووره ألف شكر على ذكر تجربتج طمنتيني الله يطمن قلبج

الحمدلله الحين أحاول أعطيه المصاصه بس يوم يوصل حده من الصياح وما نفع وياه كل الطرق الثانيه في تهدئته

اقتباس

المشاركة الأساسية كتبها reddish

	اختي انتي عطيه لكن لا تاخرين رضا عته و تحطين مكانها المصاصة يعني كل ساعتين او 3 رضعيه و قطعيها عنه من 6 شهور منها اهو بده يقل اصياحه و لأن بعد الست اشهر تكون خطرة على شكل الإسنان

إن شاء الله ما بعطيه المصاصه إلا إذا رضعته وتأكدت من أنه شبعان

وتسلمين عالمرور ألف شكر لج حبيبتي

اقتباس

المشاركة الأساسية كتبها ام علاوي

	بولدي علاوي ماعطيته مصاصة وتعبت وايد معاه ..عطيها المصاصة بعد ماتشبع رضاعة تحسينها وتبي بس جذي ترضع ..

مشكوووووووره عالمرور يا أم علاوي أنا بعد ما كنت أعطيه والأسبوع اللي طاف هلكت من صياحه المتواصل

يزاج الله خير حبوبه

اقتباس

المشاركة الأساسية كتبها ~sweety girl~

	انا ماعطيت بنتي مصاصة وكنت اتمنى لو اني عطيتها من البداية لأنها صياحة والحين هي تمص اصبعها ورضاعتها قلييلة كانت والحين مرة وحدة قطعت تشرب مني وتشرب فقط مرضعة. مسامحة ما افدتج بشيء بس ماحبيت ادخل وما ارد..

الله يعينج ويعين كل الأمهات … رحلة شاقه ما عليه كله بأجره إن شاء الله

تسلمين عالمرور

واجد يقولون المصاصه مو زينة .. بس اني عطيت بنتي لانه في قناعتي ما تأثر علبيبي .. وسويت سيرج في النت وفعلا طلعت ماتأثر عليه بس السلبية الوحيده انه ممكن الطفل يتم عليها لين يكبر … ولا تخرب الضروس ولا من يحزنون …

اذا بنتج صياحه مثل بنتي يعني عطيها .. اني ارضعها وبعدين اعطيها المصاصه تهدأها … اصلا احسن لما البيبي يمص مايراري على ثيابه خخخخخ

HABIBATI MOCHKILTIANNO BINTI MA HABBAT TAKHOD MASSASA O KATIRAT BOKAA WALLAH ATMANNA ANO TAKHODHA LAKIN LA ADRI CHOU A3MAL
SAADINO ARJOUKOM

انا اعطي بنتي اللهايه ومااشوف تاثرت
يمكن لاني ماعطيها وياها كثير ومفكرة خلاص افطمها عنها

اني بعد استخدمتها وما اشوف شي ولاتخرب الاسنان لان حتى احنا امي عطتنا اياها لكن حاولي تعرفي سبب بكاء الطفل ممكن ممغوص او اذنه تألمه لاسمح الله او مو نايم كفاية او ازعاج المكان 0000