المعروف أنه المرأة ترفض أن زوجها يتزوج عليها, و لكن فيه رجال يتزوجون على زوجازتهم, يعني فيه اللي تقبل تكون الزوجة الثانية , و لها مبرراتها, يمكن تأخرت في لزواج, و تبغي تكون لهازوج و أسرة , هل تقبلي أن تكوني لزوجة الثانية؟ هذا سؤال أبغي أخواتي يردون عليه و يتفاعلون مع الموضوع
يعنى ياخدنى لحم ويرمينى عضم ؟؟؟؟؟؟
مقدرش لو عاوز غيرى يبقا يسيبنى
مهما كان السبب حتى لو انى مريضه
انا اجيب اللى يمرضنى ولااعيش مع ضره
>>> وعلى راى فيفى عبدو <<<
أنا حره محبش ضرة وبقولها حبيبى ميت مرة ياتسيبها وتبعد عنها يتاخدها وتطلع بره
ههههه ارجو انى مكونش طولت
أختي nabila5050 ردك و الله جميل
2 شكرا لك يعني اذا ما أرضى ان زوجي يتزوج علي هل ارضى اهدم بيت اسرة ثانية ؟؟؟
خاصة اللي يتزوجون بدون اسباب مقنعة بس لهدف التعدد
مستحيل ابني سعادتي على تعاسة احد غيري ..
بسم الله الرحمن الرحيم
مشكوره اختي على الموضوع الجديد من نوعه بالنسبه لي
بصراحه اقبل في حالة اني اوصل عمر كبير، يعني مثلا فوق ال35 لان وبصراحه ابي حد يشيلني لما اكبر
وما فيها شي الله عطا الريال اربع
والله يكون في العون وما نوصل لهالعمر الا وعندنا خمس عيال
سفيرة فو ق العاده
السلام عليكم ورحمة الله وبركاته
ممكن وحده بتقول انها ممكن توافق لو الريال عدل بين الزوجتين
بس للأسف في هالزمن مافي ريال يعدل بين زوجتين
عن نفسي لو الف بعد الشر خذت واحد معرس، لو حبها اكثر عني
بنقهر ولو حبني اكثر عنها بكون ظالمه……. وعشان جيه اليلسه
في بيت اهلي أرحم بمليوووووووووووووووون مره ومب شرط
ان الوحده لما تطوف سن الثلاثين مجبوره انها تقبل تكون الزوجه
الثانيه…..حد اييب حق عمره الهم والغصه؟؟
تسلمين اختي على موضوعج
الناس دايما تحكمها الظروف
ودايما الزوجة الثانية اتحس بعدم الامان نتيجة خوفها ان يكون الزوج مار بمرحلة ملل وسرعان ما يفوق منها ويمل ويهدها
طبعا هاي كلها تدابير من رب العباد
لكن انا اشوف اذا الزوج احترم زوجته الاولى وبلغها برغبته بالزواج من اخرى وقدر يسيطر على الوضع
فليش للي طافها قطار الزواج ما توافق
هي انسانه ومن حقها انها تكون لها اسره
بس اهم شي يكون شي في النور واتكون الزوجة الاولى على علم
وبالنسبة للزوجة الثانية ترا بوجودها او بعدمه هذا الزوج ناوي للزواج من ثانية يعني ما بتكون هي هدمت البيت
صدقوني هالمشكله منتشرة كثير خاصة ان اعداد البنات صارت اتفوق اعداد الشباب
وكثير يفوتهم قطا ر الزواج
وهذي من علامات القيامة
ومن احد اسباب الحكمة في اباحة تعدد الزوجات
إذا صليت استخارة .. وهوه صلى استخارة… خلاص الله قدر …
يعني اهم شي… اني اصلي استخارة.. ووكل امري لله…
وبعدين الله بيسر الامور
وإذا بعده بغا يتزوج ويحده ثالثه… خله يصلي استخارة واصلي انا بعد استخارة
واللي فيه خير الله بيسرة لي
محد يدري شو بعده مخباي عنه.. وكلها توافيق من الله