اخواتي العزيزات ..الى كل من سافرت الى سوريا او عاشت هناك
سأسافر الى سوريا قريبا ان شاء الله …ولكنها زيارتي الأولى لها
لذلك احتاج الى خبراتكم فيها من خلال سفركم واقامتكم هناك
اولا : ماهي افضل المناطق السياحيه والتراثيه التي زرتيها بسوريا ؟
ثانيا : اماكن التسوق الفخمه هناك واللي الاقي فيها الماركات ؟
ثالثا اماكن التسوق الشعبيه والرخيصه بسوريا ؟ واماكن بيع التحف ؟
رابعا : افضل المستشفيات هناك لعلاج الأسنان ؟
خامسا:افضل الأماكن للسكن ..واسعار السكن هناك كم ؟واذا تعرفين مكان اوسكن معين بسعر عقول .؟وانا سمعت يأجرون بيوت بمزارعها صح ولا لا ..وين وبكم ارجو اخباري به ؟
سادسا:المطاعم الجيده هناك واللي تنصحوني اروح لها ..وبعد كيف اكلهم و اسعارها؟
سابعا:الأماكن الترفيهيه ..والأماكن اللي تنصحوني اروح لها من حيث الطبيعه وكذلك المتاحف واين اماكن وجودها ؟
وهل بصراحه تستاهل اسافر لها ولا لا ؟
وكل شي تعرفونه يعني اذكرولي رحلاتكم لسوريا بالتفصيل ؟
وكيف معاملة اهل سوريا لأهل الخليج؟وكيف الأوضاع هناك عموما ؟
انا بجلس هناك حوالي اسبوع ..وبصراحه ماقد طلعت برا الخليج ..وحبيت تساعدوني وانتو ماتقصرون ان شاء الله
استناكم مع السلامه
رغم انه طبعي اجمع معلومات انا وزوجي من النت ونرتب افكارنا مزبوط لكن اسئل المجربين عن سوريا زي ماقلتي انا سمعت ان كثير من الناس ان بعض السورين يئجرون مزارعهم بس ماني عارفه ها المره اجمع معلومات زين وانظري الى هذا الرابط http://go.3roos.com/6Yb84cBLjiA
وعلى فكره الي يبي معلومات عن تركيا استنطنبول الرائعة يقولي او ماليزيا او تونس او سنغافورة انا مستعديه اقلكم الي فاكرته وازودكم بصور ان شاء الله لاني رحتها ومحتفضه بعض الارقام …
وانا اقترح على ادارة الموقع انها تفتتح ركن السياحه عشان نكتب كل الي عندنا ونسئل بعض عن بعض الاشياء …
تسلم لي عيونك الأم الحنون..
حلو انك تجمعين معلومات عن البلد قبل لا تروحين عمياني …علشان تروحين وعندك خلفيه عن البلده
انا حبيت اسئل المجربين لأن رؤيتهم تكون اوضح وعلشان بعد تقدرين تسألينهم عن كل التساؤلات اللي عندك
ومشكوووره على الرابط ..والله يوفقك ويسعدك …وان شاء الله نتلاقى بسوريا
يالله يابنات وين همتكم ومعلوماتكم …شكلكم مارحتو سوريا ولا شلون
لاني ابحث عن منطقه جنوب تركيا اسمها انطاكيا ومدينة طوروس او جبال طوروس يقلون هناك منابع مياه حار نابعه من الجبل وانا شايفه صوره بس مادري وين شفتها ….
وانتظروني بالمعلومات ان شاء الله ….
وعلى العموم انا لقيت المعلومات اللي ابيها بعالم حواء
صدق معلومات…. عن كلش وتبرد الكبد
وبحط الوصله لكم علشان اللي حاب يستفيد
ما شاء الله أعضاء عروس وتسلمين يا الجود على الموضوع
لأنى بعد بسافر سوريا وكنت ابى معلومات عن السياحة
وشكراً على المعلومات الحلوه والمساعدة
يالله الجود اشوفك هناك والأم الحنون بعد ما شاء الله وناسة
بس ماطولت 5ايام بسواقولك وين رحنا في الشامفي مطعم حلو اسمه مطعم القريه,,,وبعيد فيه ملا هي اسمها الارض السعيده…..
حلوين انا عجبوني…واللاذقيه بعد حلوه منطقه بحريه…..
وبلودان بعد حلووه مره……
اما تسألين عن المزارع فممكن تقضون يوم حلو في مزرعه هم يسمونها الزبداني ….كلها اماكن حلوه
بس احنا طلعنا من سوريا على لبنان 3 ايام سياحه وكانت مرررررره حلوه
وانشا الله اكون افدتج بشيء….
تحياااااااااتي*عوااااااافي*:shy:
و سكنا في الزبداني و قعدنا لمدة ثلاث اسابيع
الصراحة كان الجو حلو و في اسواق فيها مختلف البضائع و طلعنا على بلودان لانها وايد قريبة منها
الصراحة الحركة اكثر و الاسواق و المطاعم في بلودان من الزبداني
و السهرات بعد و المطربين و المكان فل من الخليجيين
و رحنا لاسواق دمشق حلوة و منتوعة و لكن حر موت
بالنسبة للناس مثل ما قالت الاخت مولاف وا يد استغلاليين
و السعر بيخلونة لج دبل ( قولي ايش ) لانج من الخليج ( يعني بترول + جبل من الفلوس ) لا و بعد اهل التكاسي حرامية مال عدل
الصراحة ما استانسنا وايد و الاسواق مب راقية و لا فيه مكان حلو علشان لعب الاطفال و الله انه الصغار الي معانا ضاقو هناك
بالنسبة للاسواق و البضائع شئ منها اوكيه و شئ يعني
مثلا ( و انتي بكرامة ) النعل و الله اني خذيت موديلات تهبل لكن تكسر الريول( بس شكل) والتفصيل بمقاييس غلط
اما الملابس نوعيتها زينه
و التحف بعد حلوه
أنا سرت سوريا من كم سنة وان شاء الله السنة كمان راح نسافر لها
أغلب البايعين معاملتهم زفت واستغلاليين لذا ساوميهم في السعر قد ما تقدرين لأنه بس يشوفونك لابسة عباية عرفوا أنج من الخليج علشان جذي راح يخلون سعرهم دبل السعر الأصلي
والأماكن الحلوة عندج جبل قاسيون وحديقة الأرض السعيدة ومناطق حلب واللاذقية ((روعة)) والزبداني فيها بساتين حلوة وطبيعة خلابة ممكن تتأجرونها
المطاعم الي أكلها لذيذ موجودة في الشام
الأسواق الي عندها أشكال حلوة وممكن شوي راقية هي سوق الحميدية (( فيها مجمعات)) وباب توما واليرموك
مو شرط تحصلين هناك عندهم ماركات
لكن شغلاتهم حلوة
ان شاء الله نتلاقى معاج
مع السلامة حبيبتي
وتروحين وترجعين سالمة