الموضوع شفته باحدى المنتديات واعجبني كثير فاستاذنت من صاحبة الموضوع فسمحت بنقله او الاستفاده منه لتعم الفائده للجميع جزاها الله الف خير
انا عن نفسي يلفتون انتباهي الاطفال الانيقين وعلى قولة المثل وراء كل طفل أنيق ام أنيقة
وماشاء الله اسواقناماعليها قصور كل حاجة فيها اطلب تجد سواء كانت ماركات عالمية اوغيرها كثير منكم تروح السوق وتجلس في المحل اكثر من ساعة تلف وتدورمحتارةوابو الشباب يحن وراءها 😡وكا العادة الكلمة الي دائم يرددونهااخلصي 8o|كل ذا البضاعة ولالقيتي شئ :confused:انتو ياالحريم ماتنعطون وجة
وتقوم الهوشة وينكد عليها يومها وفي الاخيرياليتة لها الاحق عيالهو اليالسوق عليهم محسوبة
ولا الي امكانياتهم المادية محدودة بس هاذا مايمنع انها تقدر تخلي اطفالها مميزين وملفتين للنظرانا اليوم مارح اقولكم لازم تلبسون اطفالكم ماركات عشان يطلعون شيك :adore::adore: لان الهدف كيف تنسقين ملابس بنتك انا اليوم باأريحكم من هذا كله وبسهل عليكم المهمة بس هاه ابي الدعوة الحلوة وابي نقاش و تفاعل مع الموضوع وبين كل فترة وفترة راح احاول ان شاء الله انزل كل جديد واذا شفت تفاعل واصلت اما القي المشاهدات فوق الـــ1000 والردود ماتجي 10 طبعا بوقف الموضوع
اول قطعة راح تكون الشورت بتكون حلوه على البنات الصغار مابين سن 3 الي 5سنوات
الشورتات تختلف على حسب الخامة فية الجينز وفية الشمواة وفية القطن والاالموديل تقريبا واحد راح ابداء انزل قطع واركبها على الشورت واشرح عليها مستعدين ياالله على بركة الله
1- هنا الشورت جينز والميزة الحلوة الي فية ان كل الاالوان تناسبة بس فية شغلة حبيت اقولها لكم ان كل ماكان الجينز لونة فاتح مثل الي في الصورة يلبق لة اكثر شئ الالوان الفاتحة مثل الوردي الاصفر والابيض وغيرها
2-اخترت هنا البلوزة واسعة حتي البنات الصغار الي عندهم كروشة صغنونة تختفي وشرط اساسي في الشورت ان البلوزة ماتكون طويله بحيث ماتغطي الشورت
3- اغلبكم مايحب يلبس بناتة شورت لانة شوي كاشف لكن الحين طلعت فكرة اللينقز او الهيلهوب الصيفي الي تنلبس تحت الفساتين القصيرة والشورتات هنا اخترت لينقز لونة ازرق ومااخترت ابيض السبب اني ابي اكسر اللون لما راح اضيف لينقز او فيزون حسب المسمى على حسب لون البلوزة ماراح يطلع حلو
4- نجي الى الجزمة ممكن تضيفين جزمة سبورت وممكن صندل اوفلات هنا اخترت اللون الاصفر لانة يمشي مع الابيض والازرق وحتي اكسر لون الينقز وماننسي طبعا الجوارب اذا احترتي في الوان الجزمة ومالقيتي اللوان المقارب ممكن تشتري جزمة بيضاء سبورت وتشترين معها خيوط جميع الاالوان
5- نجي حق الاكسسوارت في السوق اشكال والوان مااعتقد انها مشكلة فية نقطة اخيرة وهي اذا كانت البلوزة سادة مافيها رسوم اونقوشات لازم اني اضيف لها عقد وهنا اخترت لها عقد اصفر حتي يمشي مع الجزمة
ان شاء الله الشرح واضح
– الشورت هنا غامق شوي والموديل حلو وخاصة الفيونكات الجانبية اذا حابة هاذا الموديل ممكن تعملية على اى شورت عندك تجيبن فيونكات ساتان او كروشية يااما اللون يكون ازرق على نفس لون الجينز او اي لون يمشي مع البلوزة بيطلع روعة بتحصلينها عند محلات ادوات الخياطه او ما اعرف الي تشترون منه ادوات واحتاجاتكم للخياطه او كيه فية نقطة مهمة نسيتها اذاكانت بنتك رجلها نحيفة خاصة منطقة الفخذ ابتعدي عن الجينز الغامق لان بينحفها زيادة
2- البلوزة هنا واسعة شوي تناسب الكل السمين تغطي عيوبة والنحيف تزيد حجمة
3-هنا اضفت لينقز ابيض لان الجزمة لونها ازرق ممكن اني اعكس لون الجزمة واخليها ابيض والينقز اخلية ازرق واغير خيوط الجزمة السبورت واخلي لونها ازرق
فية شغلة الاطفال من سن 3 الي 5او6سنوات الله يحفظهم حركتهم كثيرة فاافضل تلبسونهم جزم سبورت منها ارتب واسهل في
الحركة
4- الاكسسوارت استغنيت عن العقد والسبب ان البلوزة مشجرة فامافية داعي اني اضيف عقد
ممكن اكتفي بــ اى اكسسورات ثانية مثل ساعة شنطة نظارة اسوارة اوحلق اوفيونكات للشعر
مافية شئ جديد عن الي سبق لكن الفكرة هنا اني دمجت لونين وهو البنفسجي والاخضر اوممكن البنفسجي والاورانج او الفوشي او الاحمر تقريبا كل ها الالوان يمشي مع البنفسجي فية نقطة هنا ماوضحتها قبل وهي طريقة لبس الينقز لما تلبسين بنتك الينقز لاتشدين علية وتسحبينة لين الركبة لا حاولي تكسرينة وتسفطينة في النهاية <<< مادري ان شاء الله فهمتو قصدي الي مافهمت تعلمني
-هنا الشورت اذا لاحظتو يختلف عن الي قبل ها النوعية من الشورتات المنفوخة تعطي امتلاء يعني لو عندك بنوتة بصحة ابتعدي عن ها النوعية هاذي الموديلات تصلح حق الاطفال الي مره نحاف حتي تعطيهم زيادة في الحجم
2- البلوزة هنا خامتها من النوع الربيعي هي متعددة الاالوان ومثل ماانتو شايفين الخطوط جاية باالعرض وليس الطول
اول ماتشوفين بلوزة خطوطها جاية في العرض وعند ك بنوتة ناصحة خاصة المنطقة الي فوق ابتعدي عنها على طول حتي لوكانت واسعة لان الخطوط العريضة تزيد في العرض بعكس الخطوط باالطول
3- نجي حق الينقز بما ان البلوزة متعددة الاالوان هاذا يسهل عليك المهمة في اختيار الفيزون او اللينقزانا هنا اخترت اللون البنفسجي على الكحلي ومااخترت الوردي والفوشي والابيض مع ان كلهم يمشون بس حبيت اخلي البدلة ملفتة للنظر هاذا الي ابي اوصلة لكم لما يكون عندك تطقيمة مكونة من لونين حاولي انتي تدخلين عليها لون ثالت
4- حبيت ها المره اغير واحط بدل الجزمة السبور صندل ابيض او ممكن فلات
وماتنسون الاكسسورات الي تضيف للبدلة
1-هنا الشورت قطني اخترت اللون الابيض احرصي على ان يكون عندك اللون الابيض والجينز سواء شورت اوبرمودة وحتي التنورة
2-البلوزة هنا الخامة قطن ها الموديل موجود تقريبا في كل المحلات مافية شئ غريب حبيت هنا ادمج لونين وهو الاخضر والبطيخي اللون البطيخي هو لون صعب شوي وكثير منكم يحتار في الي يناسبة فتحصلين يطقمون البدلة كلها بطيخي او يضيفون لها الابيض هو الابيض مثل ماقلت يمشي مع الكل لكن ودي اكسر ها اللونين با الاخضر فا الاخضر يمشي مع البطيخي وفية لون ثاني بعد يمشي وهودرجة من درجات الرمادي ان شاء الله في القطع الجاية انزلة وتقدرين بعد انك تعكسين القطع وسبق وقلت اذا احترتي في لون الجزمة خذي سبور رياضة وخلي عندك جميع الوان الربطات يعني هنا ممكن اني اخلي الجزمة بيضاء والخيوط بطيخي او اخضر على حسب قطع البدلة
1– بما ان احنا في فصل الصيف يتميز الصيف باالوانة الزاهية مثل الفوشي الازرق الاصفر البرتقالي الاحمر التركواز هنا حبيت اضيف لون اعتقد ان اغلبكم يحبة وهو التركواز اضفتة مع الاصفر الاالوان الي تمشي مع التركواز الدرجات الرملية واللون البنفسجي لكن لازم نراعي انهم اطفال فعشان كذا ماحبيت اضيف البني ومشتقاتة اضفت له اللون الاصفر فية نقطة لازم تراعونها لما تكون بنتك سمراء ابتعدي عن درجات الزيتي والبني قد ماتقدرين واذا كان في القطعة احدهاي الاالوان ممكن تدخلين عليها لون زاهي يغلب على ها الاالوان
2- الشورت هنا جينز غامق واذا لاحظتو الاصفر والتركواز صاير معة روعة ممكن تخلين الشورت بيج سكري بعد بيطلع حلو وزاهي ممكن بعد تستبدلين العقد بـ بروش بما ان البلوزة سادة هنا حطيت ورده لونها تركواز حتي تضيف لجمال اللون الاصفر البروشات هاذي تحصلونها عند اكسسوريز اوممكن محل البكلات ماتجي حتي بـــ5ريال والباقي رتوش تضيف للبدلة اختيارها يعتمد عليك
هنا فية نقطة مهمة خذيها قاعدة اي قطعة تشترينها وتكون مشجرة اوفيها نقوش سواء كان بنطلون اوبرمودا اوفستان
لماتجين تطقمين لها بلوزة انتبهي تشتري مشجر حاولي ان تكون البلوزة سادة حتي تبرزين القطعة المشغوله
1-البلوزة هنا الوانها جيشية ومعروفة ها الالوان عادة تكون باهتة انا حبيت اضيف لها شورت لونة بيج ممكن اني احط الشورت اخضر زيتي اودرجة من درجات البلوزة لكن تخيلتوة بيطلع كتمة فالاحلى انك تبرزين القطعة المشغولة وتلفتين لها الانتباة
2- الينقز هنا اخترتة اخضر والجزمة استغليت درجة موجودة في البلوزة وهي الاخضر المائل للفسفوري وعلى اساسة اخترت الجزمة فانتي لما تكون عندك قطعة يغلب عليها الاالوان الباهتة وفيها الوان زاهية بمساحة صغيرة حاولي تستغلين اللون وتدخلينة في البدلة فية بعد شغلة لما يكون اللون فية جراءة مثل الاالوان الفسفورية حاولي تدخلينها في مساحات صغيرة مثل هنا اكتفيت باالجزمة وابتعدت عن الفيزون او اللينقز لان الفيزون يشغل مساحة فابيطلع اللون بشع ومزعج والله يعينك ياعين بعكس الجزمة ان شاء الله الشرح واضح
وقلت قبل اذا مافيه حماس بكتفي بشرح الشورت وبس
ولا تنسون التقيم
واكيد الزم ماعلينا انا نطقم لبناتنا احلى تطقيمات
وانا عندي اكثر من قطعه محتاره شنو اطقم عليها وانتي انشالله والبنات بتساعدوني