مرحبابكن يا امهات المستقبل……..
بس ممكن مساعدة عاجلة لأني أول مرة أكون أم فبغيت الفزعة منكن….
أنا عندي بنت في الشهر السابع ما أعرف شو أأكلها الصبحوجبة الافطار…أحسها ملت من الميلوبا والسيريلاك ما أعطيها أحسبه ثقيل عليها… فممكن لو تكرمتن تعطني بعض الاختيارات لوجبة الفطور أريد أنوع لها…
بلييييييييييييييييييييز 🙁
اختي العزيزه انا افضل المنتجات الطبيعيه خصوصا للاطفال بهذا العمر يعني قللي استخدام المنتجات اللي تدخل في تركيبها المواد الحافظه والسيريلاك وغيره ما يسببون الا السمنه للأطفال .
وبالنسبه للأطفال اللي بمثل عمر بنتج الله يخليها لج ممكن تعطينها خضروات وفواكه بالاضافه الى الارز الابيض وصفار البيض , وممكن تستعينين بكتاب تغذية للاطفال راح يساعدج وايد …
وهذي بعض الامثله للاكل اللي كنت اعطيها لبنتي بمثل عمر بنتج :
1. خضروات مسلوقه ( جزر + كوسه + بطاطس + قرع عسلي ) تسلق في كميه من الماء ويفضل سلقها على البخار من غير اضافة اي بهارات ( ملح او ماجي ) لان الطفل بهذا السن لا يحتاج لها +القليل من الماء لتخفيف الخضروات المسلوقه + ملعقه من شوفان كويكرز ( مفيدا جدا وغني بالالياف ) تصير مثل الشوربه ممكن تعطينها منها باي وقت
2. روب ( زبادي ) + اي نوع من الفواكه ( الاطفال يفضلون الموز ) تهرسين الفاكهه ثم تضيفينها الى الروب .
3. بسكويت الاطفال الخاص بالتسنين ( في ماركات وايد بالنسبه لبنتي عجبها ميلوبا ) في هالفتره يفيد الاطفال وايد لان بهالعمر تبدأ تظهر الاسنان اللبنيه والبسكويت يساعدهم , بس انتبهي لها واهي تاكله , تذوبينه في الحليب ( حليب الام او حليب صناعي ) .
4.صفار بيض + بطاطس مسلوقه ( ممكن تضيفين كميه بسيطه جدا من الجبن السائل ويفضل ان يكون قليل الملح مثل جبن كيري او بوووك )
هذي بعض الامثله واتمنى انها تفيدج … ملاحظه مهمه عزيزتي :
اهم شئ تعودين الطفل انه يكون قاعد بالكرسي المخصص للأكل وتعطينه بالملعقه المخصصه له علشان يكون هالشئ عنده مثل الروتين ويميز وقت الاكل ويتعود على النظام ويشاركم وقت الاكل او راح تذوووقين االعذاب منه, لان بعض الامهات يراكضون ورا عيالهم وقت الاكل علشان ياكلون بس الحمدالله بنتي ما شاءالله عليها عودتها على هالشئ وانها تقعد في كرسيها المخصص للاكل والحمدالله الحين راح تكمل السنتين واهي ماشيه على هالنظام , وتقعد معانا على طاولة الاكل واهي مرتاحه وتشاركنا …
اسفه على الاطاله واذا عندج اي سؤال انا بالخدمه 
أختى البنت الحين كبرت بإمكانك تعطيها الجبن والبيض مافيه مضره وماشاء الله الأخوات ماقصروا معاك..
عطيها قطعة كيري (قطعيها صغير وبالملعقة طعميها)، او عندك جبنة البقرة القوبة اللي تجي في علب صغيرة (لإستخدام مرة واحدة)، بيض عيون (عطيها الصفار) او بيض مفيوح…
يعطيكم ألف عافيه
ممنوع السريلاك والمواد الي فيها مواد حافظة
عودي عيالج على الصحي وهم صغار
بينمون بصحة وبيتعودون على المفيد
تمر …منقوع تمر،عسل (من الشهر الثامن اعطيهم )
فواكه مطحونة….شوربات<<<<خصوصا الشوفان والدجاج…
ابدعي في تقديم الطعام….
مرة بيض، ومرة اجبان، لبنة، أوروب…
بس وانتي تقدمين الطعام عطيها كل يوم نوع
على اساس إذا صابها لا سمح الله تحسس
بتعرفين من شنو وتوقفينه على طول
والله يوفقج…
كل وحدة ابدعت
وانا بعد ولدي الحين دخل الشهر السابع اعطيه اكلات متنوعة
و روعة دبي ما خبرتينا شو تعطين ولدج الله يخليه لج؟؟؟؟؟؟؟؟؟؟
 |
اقتباس |  |
 |
المشاركة الأساسية كتبها رانيا البحرينية |  |
 |
| الله يحفظها لك يارب…
أختى البنت الحين كبرت بإمكانك تعطيها الجبن والبيض مافيه مضره وماشاء الله الأخوات ماقصروا معاك.. عطيها قطعة كيري (قطعيها صغير وبالملعقة طعميها)، او عندك جبنة البقرة القوبة اللي تجي في علب صغيرة (لإستخدام مرة واحدة)، بيض عيون (عطيها الصفار) او بيض مفيوح… |
||
 |
 |
حبييت استفسر انا ولدي فسابع بس ماطاع ياكل شي:sad: عادي اجرب الجبن يمكن ياكل ؟؟؟؟؟؟؟؟:qaq: