تاني اشي انا عملت معكرونة بالبشاميل وبصراحة في اشي جديد بطريقة تحضيرها بتمنى إنو يعجبكم .. خلونا نتابع الصور والشرح مع بعض ..
أول اشي المقادير زي ما انتو شايفين
بلزمني لتر حليب ومعه 6 معالئ حليب وكمان بلزمني بهار وملح واوريجانو وفلفل اسود وزبدة وصلصلة بندورة وبصل وبندورة ولحمة مفرومة وجبنة وأكيد معكرونة ..
أغلب الناس بتستوي البصل بالأول وبعدين بتحط معه اللحمة بس مامتي ربي يحفظها الي علمتني أنه اللحمة والبصل بنحطوا مع بعض وبتستوا مع بعض افضل لانه بتطلع مية البصل واللحمة وبتعطي نكهة رائعة وطعم مميز مشان هيك بنحط شوية مازولا وبعدين بنحط البصل واللحمة مع بعض وبنسيبهم لحد ما يستويو
في هاي الأثناء بنكون حطينا المعكرونة مشان تنسلق .. مع ميا وملح وشوية زيت مازولا
بنقوم ببشر قالب الجبنة..
وهي النتيجة بصراحة أنا بأخبيه لأنو لو حيضل بوجهي حضل آكل منه ههه مجنونة جبنة 
الآن بندير الحليب بطنجرة ..
وبحط فوئيها الطحين والبهار والاوريجانو والملح والفلفل ..
وبخفؤها بماكينة الكهرباء أسهل بكتيررررر من شغل الإيد وأريح والنتيجة رووعة
بعد ما أدوب كل المكونات مع بعض بحط الزبدة وبحط الطنجرة كلها على النار وبضلني اخفق بالكهرباء
بس يبدا البشاميل يتماسك مع بعضه بدير الجبنة عليه
وبخلي جزء لتزيينها من فوق
اللحمة والبصل بعد ما استوو
ضفت عليهم بهارات وفلفل اسمر وملح
وضفت عليهم صلصة بندورة كمان
المعكرونة استوت وغسلتها مشان ما تلزق
ودرت نص البشاميل على المعكرونة وخليت الباقي مشان احطه فوق وبديت أعمل طبقات
دخلتها الفرن حوالي 40 دقيقة
وهاي هي النتيجة النهائية 
طلعت روعة بتمنى انه تعجبكم وتعجبكم طريقة الخفق من خلال الجهاز الكهربائي مش اليدوي ..
http://forums.3roos.com/showpost.php?p=14674754&postcount=262
تسلم ايدك