قبل كل شي .. انا ادري انه هالخلطه 100% مرت عليكم في هالقسم ويمكن الي كتبوها وايد ..
يعني انا ما بقول انها من اختراعي ولا شي بالعكس .. الله يوفق صاحبتها ياارب وتسمح لي اني احط تجربتي والخلطه بالصور ..
وغير جي .. ادعوا لأختنا ام سلوووم79 وهي تصير حرمة ولد خالتي .. :shy: ادعوا انه الله يسهل ولادتها وييسرها ان شالله .. ترا هذا طلبها الوحيد منكم لأنها هي بطلت عيني على هالخلطه وخلتني اجربها.. ويارب اتييب بنوته حلوة مثلي :shy:
الخلطه هي ركزوا وياي ..
3 قشور موز (تاكلين الموزة وتخلين القشر)
نص ليمونه صفرا بقشرها ..
1 حبه بطاطس نفس الي في الصورة مب البطاطا الحلوة.. وبتسلقونها بقشرها
حليب طازج (العين او نادك او مرموم كيفكم) ويكون من الحجم الصغير الي يعادل كوب واحد
بعد ما تسلقين البطاطس وتجهزي هالمقادير ..
اخلطيهم بالخلاط ..
وبيطلع لون الخليط بني ومايل على البنفسجي ..
طبعاً بعد ما تخلطين المكونات كلها حطيها في علبه واحكمي اغلاقها عشان ما تخترب .. وخليها في الثلاجة وان شالله ما بتخيس دام ما جاسها ماي او تعرضت وايد للهوا ..
الطبقه الي فوق بتكون بنفسجية دووم .. بس لما تجلبين بتشوفين داخل اللون صاير بني ..
وشوفوا الصور ..
هني لاحظوا كيف انه الخليط عباره عن لونين ..
وهني لاحظوا اللون بعد ما جلبته بالملعقه
وهني ركزوا على اللون البنفسجي او الغامج الي في الطبقه الي فوق
لين هني خلصنا التحضير وكل شي ..
انيي على طريقه الاستعمال ..
الخلطه ممكن استعمالها للوجه , واليدين , والقدمين .. ووايد زينه للايد والريول .. وللأمانه ما جربتها بعدني غير على ويهي ..
اما بالنسبه للأماكن الحساسه ماعندي علم فأنا غير مسؤوله .. 
الوجه: تحطين الخليط في ويهج وتوزعينه وخليه شوي لما تحسينه بدا يتماسك(مب تخلينه ينشف 100% على ويهج) افركي بحركات دائرية هاديه وبعدها ممكن تغسلين ويهج بماي بارد ..او تخلينه نفس ماهو ..
وخذي مرة ثانيه من الخليط وحطيه على بشرتج كماسك وخليه نص ساعة لين ما ينشف .. وبعدها افركيه ببساطه او اغسليه بماي بارد على طول ..
انتهينا من الويه ..
الريول والايدين : تحطين الخليط وخليه نص ساعة بدون ما تسوينه على مرتين نفس الويه .. والفرك عاد اتوصي فيه وافركي عدل .. وعقب غسلي بماي بارد .. صدقوني انا جربتها مرة وحدة ولما فركت ويهي وبعدني باقي لي الخطوة الثانيه طرت من الفرحه من النظافه واللون .. عاد كيف لو استمريت ..؟
ممكن استعمال الوصفه كل يوم .. اما عن المتبقي في الثلاجة بصراحه ماعرف كيف شكله لما بتخترب بس اكيد بتعرفين اذا اللون صار اسووود او الريحه تغيرت ..
ولما تخليطين بتحسين انه في حبيبات صغيره عادي لا تحاتين الخلطه لازم يكون فيها هالشي ..
وبتكون وسط لا سائله ولا جامده .. نص نص ..
اي استفسار انا حاظرة ..
واذكر انه الوصفه مب لي .. بالعكس هي موجوده في كل المنتديات بس ماحد التفت لها وايد .. والصور والكلام كله مجهودي الشخصي ..
لا تنسون تدعون لأم سلووم بالولادة السهله وراعية الوصفه الاصليه بالتوفيق رغم اني ما اعرفها …
واكيد انا لي نصيب في الدعوات .. :bigsmile:
وخبروني بالنتيجة .. ترا انا وايد استانست على ويهي .. وان شالله اكمل ولا اقطعها ..
على فكرة أنا أستخدمتها لباطي وايد فتح لونه من أول أستخدام بس نصيحة يوم تستخدمون هل الخلطه افركو المكان عدل صدقوني بتستغربون يوم بتغسلونه يفتح و ينعم و يرطب عاد أنا باطي صدق فتح لونه وايد مع إني ما إستخدمتها لباطي غير ثلاث مرات
والله يوفقج يا3yooon_AD و يحقق إلي في بالج انتي وصاحبة الخلطة و إلي تقربلج و تحياتي للكل:shy:
وجزاكم الله خير ويارب يوفقج ويستر عليج ويرزقج بالزوج الصالح
صج صج بموت من القهر
مره سويتها وما استخدمتها الامره وحده
وقمت من شطارتي ورميتها بالزباله
قلت هذه مامنها فايده
والحين كل ما اقرا وحده مستخدمتها واستفادت منها أقول شنو هالغباء اللي فيني ماكملت عليها جان الحين انا قطعة ثلج:angry:
غباء مني:no:
انا جربت هذه الوصفه من قبل
وفعلا ليها تاثير ملحوووظ على البشرة
وكنت احطها على الركب والكوع
تسلمي حبيبتى شجعتينى انى اعملها تانى
خصوصا ان مكوناتها سهله وطريقتها بسيطه
ان شاء الله اعملها من جديد
دمتى بكل خير
.
ويقومهم بسلامه
وثانيا مشكوررررره حيل ع الخلطه الروعه ان قد سبق وقريته وصاحبتها وحده مصريه
ربي يرزقها ويسعده بحياته وباين انه فعلا حلوه وناويه اسويه بس للاسف الكسل
موراضي يهدني هههههههههههه بس صراحه طرحك للموضوع حلو ويشجع انو الوحده تفز وتسويها
والصور هم مشجعه بعد حابه اسل لو حبيت احط حبتين بطاطا عادي او لازم وحده ؟
وثاانكس حبوبه
.
مشكوره حبيبتي .,
الله يجزاكِ الجنه ويكتب لكِ الخير بكل دروبك 
والله يسهل على ام سلوم وييسر لها ولادتها وتقر عينها بمولودها .,
يعطيكِ ربي الف الف عافيه /,
|
.