هلا وغلا بالجميع
اليوم سويت الفطائر الي وعدتكم اني راح انزلها لكم بالتفصيل
وهذا رابط الموضوع الاول
http://www.3roos.com/forums/t313348.html
والحين بنبداء
العجينه ومقاديرها في الرابط
بس انا قللت الزيت شوي خليته ربع كأس
العجينه بعد ماتخمرت
اببداء بفطائر الشوايه
وهذي انا كورتها بس كبرتها مو مثل الصوره الي في الرابط كانت اصغر
وراح اقولكم ليش بس اصبرو علي شوي
وهينا فردتها بيدي وحطيتها بالشوايه
وهذي بعد ما طلعت من الشوايه قصصتها الى نصفين
لازم العجينه ماتكون سميكه واضن ان السمك المطلوب مبين بالصوره
وهينا فتحتها بالسكين شوفو قد ايش خفيفه موسميكه
هينا بعد ماحشيتها اسفه نسيت اصور الحشوه
حشيتها دجاج مفروم بعد ماحمسته ويا البصل والثوم بشرت معاه
جزر وخس مفروم وملعقه مايونيز وملعقه جبن سائل وخردل و رشه من الفلفل الاسود
ورشه من الماجي الابيض والملح الناعم وخلطتها وحشيتها وزينتها بالجزر والخس
واقرب لتعذيب
راح اكمل ارجو عدم الرد حتى انتهي
نقطع العجينه الى كور صغيره بحجم لقمة القاضي
بعدين افردها بايدي واحشيها بالجبن المثلث
ونكورها
وتغمس بالبيض اسفه من السرعه نسيت اصورها بالبيض
ثم تغمس بالسماق
او نغمسها بالزعتر
بعد ما قليتها
وهينا الصوره النهائيه بعد مانشفت من الزيت
وهذا صحن سويته لاطفالي ساده بدون شي كانه لقيمات محشيه
ارجو عدم الرد حتى انتهي
وهذي البيتزا واضنكم كلكم تعرفون طريقتها
ماله داعي اشرح بالصور
وهذي صوره عن قرب
وهينا حطيتها بعلبه وراح احطها بلفريزر
وهذي الاقماع بعد ماطلعتها من الفرن
بس انا ماحشيتها لا حطيتها بعلبه عشان احطها بالفريزر نفس ما سويت للبيتزا
لزوم الطوارء
ملا حضه هامه
لازم بعد ماتغطين العلب تغلفينها بالكلاد او ورق النايلون عشان تحتفض بنكهتها
ولا تاخذ اي نكهه من الفريزر
هذي فطائر سبانخ
وهذي صوره اقرب
تعبت حيل بس صدقوني لعيونكم كله يهون
اتنمى شغلي يعجبكم
تسلم ايدك
شكلها شهى
تسلمـــــ الأنامل
يسلمو يالغلاااااااا
شكله لذييييذ من قلب
يعطيج العافيه
شغل مرتب و يشهي جداً 
الله يعطيج ألف عافية عالمجهود الرائع (f)
بس اشلون سويتي القمع
ممكن تشرحي بالصور اذا ماعليج امر
واذا تحفظينهم بالفريزر حق جم من الوقت؟تظل صالحه للاكل؟
وبس يعطيج العافيه حبابه