السلام عليكم ورحمة الله وبركاته
جزاكم الله الف خير
عندي مشكله ياليت تساعدوني فيها احترت وضايقه فيني الدنيا وماني عارفه استشير مين
__ _ _ __ _________
بقولكم مشكلتي وين انا محتاره بشنو
ياجماعه بنتي الكبيره عرسها شهر 6 ومدري شسوي
الناس للحين ماجابو المهر وعندي خوات بس غشيمات مثلي مايعرفن بسوالف العروس
انا غشيمه بتجهيز العروس
مااعرف من وين اجهز ووين اروح وشنو اغراضها حتى الملابس الداخليه ومدري شنو تلبس ثاني يوم وشنو لازم تسوي حتى النصايح مااعرف انصحها بشنو وشنو
انا تزوجت ابوها وامي ماعلمتني عن اي شي ماتعرف
وبنتي الحين اول سنه بكلية التربيه قلتلها اسالي رفيجاتج عن تجهيزات العروس قالت منحرجه اسالهم شقولهم بيقولون ماتعرف
ماتدري ان امها بعد ماتعرف
وهي سجلتي بالمنتدى وراحت ماتدريانا شنو كاتبه لكم
تكفن ياخواتي ساعدوني ولاتخلوني
انا ابي اعرف شلون اجهزها وشنو اشتري لها وشنو اسوي وشلون اشتري بالمهر وكم اخلي حق ثوب الرعروس انا اسمع ان لازم اسوي جدول بس شلون اسوي الجدول مااعرف اقسم الجدول ياليت تساعدوني وامشي معاكم خطوه خطوه بالمهر وراح اكتب لكم كل شي تكتبونه واطبقه وجزاكن الله الف خير
وابي اعرف شنو اقولها من نصايح
لاني مالي الا الله ثم انتم
ولاتطنشون رسالتي داخله على الله ثم عليكم
وعسى ربي يرزقكم الذريه الصالحه
اول شي غاليتي المهر لازم يكون موجود بيوم العقد بس ماعرف عاداتكم شلون
شوفي هذا الموضوع يمكن يساعدك
بالتوفيق يارب
حبيبتي والله اني حاسه في معاناتج بس انتي لاتحاتين ان شاء الله الكل بيساعدج
بس طبعا ماتقدرين تسوين اي شي من دون المهر ,,,
لاكن عليج تسالين اذا عليكم القاعه والا عليهم
لان العرس لازم تحجزين القاعه والكوشه وتختارين الديزاين
خلي العروسه تروح من الحين تشوف تصاميم الفستان واسعارهم
وتحجز المكياج والشعر لعرسها …
والتصوير والحنه ,,,
والدي جي او الفرقه
وباقي التجهيزات لازم يكون المهر عندج ولاتحاتين فديتج عندج تجهيزات
بنات الكويت بيساعدونج ,,, وان شاء الله افدتج:o
وأنصحج تدخلين تجهيزات بنات الكويت.. البنات ما بيقصرون ما شاء الله عليهم خدومات الله يحفظهم