يابنات الإمارات ساعدوني أنا سمعت عن شارع عندكم إسمه المريره ماأدري إذا كان صح الأسم أو غلط المهم إنه في هاالشارع خياطين يخيطون فساتين لأقمشة الشيفون اللي يسمونها الدرابيه اللي تيي على شكل تكاسيف بصراحه أنا شفت وحده فستانها رووعه بس إستحيت أسألها بس سمعت وحده سألتها وقالت لها من الإمارات شارع إسمه المريره فيه خياطين عندهم الكتالوجات عندهم نفس الأقمشه بس إختاري لون القماش والموديل ولون الفصوص والشد والكريستالات وتعالي إستلمي الفستان جاهز يادوبك إلتقط منها هاالكلام وماأدري إذا كان إسم الشارع صح أو لا أتمنى حد يفيدني ولكم الأجر 😮
الغاليه اذا المكان في دبي .. فيمكن يكون قصدها فريج المرر .. وهذا قريب من فندق حياة ريجنسي القديم .. و هو عباره عن شارع ضيق فيه محلات التطريز او الخوار الاماراتي اذا اتعرفينه , وفيها محلات تفصل جلابيات مغربيه و فيه خياطين للفساتين ..
و يمكن تكون قصدها مينا بازار بس هذا اغلب بضاعتهم استايل هندي .
و في الحالتين اذا حبيتي اتزورينهم اسألي أي سواق تاكسي و بيدلج لانهم مشهورين .
مشكوره أختي وإن شاء الله بنروح دبي الإسبوع القادم وبسأل عن المكان لأني أول مره أسمع عنه ومثل ما قلتي بسأل أي تاكسي بس حبيبتي ممكن تخبريني وين ممكن أحصل على خياطين للفساتين في الشارجه وأكون لج شاكره والسموحه ياالغاليه
*** اهلا وسهلا فيج فالامارات ** انا كنت برد عليج نفس رد الاخت العضوية الذهبية .. اسمه فريج المرر.. في منطقة البراحة صوب محلات التلفون مقابل فندق حياة ريجنسي ,,,
هيه فريج المرر فيه وايد خياييط هناك مثل ماقالن البنات ^^
بالتوفيق