حبيبتي .. اولا بنت عذاري ماشاءالله عليها خبيرة بامور الخلطات الطبيعية و اي شي مشكلة بالبشرة عندج تلقينها بركنها الخاص بالمنتدى (جمالك و الطبيعة مع بنت عذاري) لكن ابدا مالها علاقة بالمكياج "حسب علمي"
ثانيا .. سؤال المكياج لاازم ينزل في ركن استفسارات المكياج .. كلها كم ساعة و ينتقل الموضوع الى ذاك الركن بيد احدى المشرفات
ثالثا . جواب على سؤالج .. ما طلبتي شي يالغالية .. و مالج الا طيبة الخاطر
كريم اساس مناسب للبشرة المختلطة .. حسب تجربتي المتواضعة .. و حسب ما اقرا من ردود البنات و مشاركاتهم في اكثر منتدى .. ماراح تلقين أفضل من ماكس فاكتور و غيرلان و ميك اب فور ايفير HD و كذلك ايستي لودر مجموعة دبل وير << هذه روووعة من ناحية الأساس و البودرة بانواعها و الكونسيلر و الارواج و القلوسات و البيس
اذا تبين تحلين مشكلة الاساس اللي يتقطع .. مو مشكلة
بس لازم اول شي نعرف الاسباب ..
يمكن انتي تكثرين من الاساس بهدف عمل تغطية كافية لبشرتج؟
يمكن انتي ما تتبعين الخطوات اللازمة لمكياج الوجه؟!
المهم:
لاساس مثالي .. هذه طريقتي (بشرتي نفسج بالضبط حنطية مختلطة)
اول شي لااازم تحطين بيس قبل الاساس و الكوونسيلر .. و افضل الانواع من غيرلان و ايستي لودر
و بعدين تغطين عيوبج بالكونسيلر (جربي من بوبي براون و ميك اب فور ايفير و ماك) و حطيهم بفرشاة ماك 194
اخر شي الاساس .. وزعيه على بشرتج بفرشة ماك 187 .. خطييييييييييييييرة و ما اعتقد بتلقين احسن منها
البودرة .. مو شرط تحطين بودرة .. لانها مع جونا الحار تتكتل و تطلع خطوط و لمعه كريهة استغفر الله .. فكل ما خففتي مكياج كل ما صار احسن
لذلك انصحج انج تكتفين بالاساس لانج اصلا راح تكونين مغطية كل عيوب بشرتج بالخطوات اللي ذكرتها ^^ .. و خلي معاج بالجنطة بودرة تمنع اللمعان .. موجودة عند ماك اسمها plot powder و عند ريميل اسمها stay matte اخذي الدرجة رقم 001 الشفافة تمنع اللمعان
ليش ما تجربين مجموعة ايستي لودر كاملة؟ تاخذينها كلها باللون اللي يناسبج عشان تصير المنتجات كلها تكمل بعض!
بالنسبة للمعة .. موجودة عند بينيفيت اضاءة سائلة اسمها مون بيم .. رووعة لعمل اللمعة و هم موجودة عند انجلوت و ميك اب فور ايفير .. و ماركة مادري اذا تعرفينها اسمها ديانا اوف لندن عندهم من هالاضاءة
و كذلك عند ماكس فاكتور لكنها مو سائلة بل هي ستيك .. اشوف البنات يحبونها لكني ليلحين ما جربتها للأسف
طبعًا الاضاءة تنحط على عزمتي الخدين و الجبهة و الذقن
أتمنى اكون أفدتج حبيبتي … و ما ابي منج الا انج تقرين توقيعي و تقولين امين
و يزاج الله خير
السلام عليكم ورحمة الله وبركاته
الاخت ميمونه ما قصرت ما شاء الله عليها.. وانا اايدها مع ريميل صح انها مش غاليه بس عن تجربه هي ممتاااااااااازه وانا استخدمتها فترة الصيف الي فات والحين شكلي برجعلها بس عقب ما اخلص الي عندي لان ما احب ايمع وتواريخهم تخلص..
دوم البشره الحنطاويه تتناسب معها الدرجات 2 او 3 من كريم الاساس.. تقدرين تجربين جيرلان..
عن تجربه هي ممتازه..
والكثير مدحو بودرة كيمبو اليابانيه.. تحصلينها في محلات دبنهامز او محلات مكياج الكبرى.. البودرة المضغوطه ممتاااااااااازه..
وربي يسهلها عليج يا رب.. ونطمع لدعواتج..
ماعندي فكره
يسلللمو على المعلومات
فيكي كمان اختي تجربي كريم الاساس من ماركله مايبلين مو الجديد ثقيل الدم لا الاولي لانو الجديد ينشف بسرعه ومايمد عالبشرة لكن هذا حلووو