كيف الحال ياعرايس ياصحبات الافكار
انا اول مره اطلب مساعدتكم اتمني ماتخذلونى
ادخل في الموضوع على طول
عندنا لوحه في مجلس الحريم كل من شافها اعجب فيها وبصراحه هالوحه هديه من خالتى
وبعدين طاحت وانكسر الاطار لكن الشغل اللي جواها من المعدن ماخربت
وفعلا انقهرت شكلها غريب
ابيكم تساعدونى كيف اسوي لها اطار
شكل اللوحه (كان الاطار رصاصي مع بيج والاساس للوحه بيج ويوجد داخلها شغل بالمعدن لونها فضي )
تكفون ساعدونى
وعندى بعد طلب صغينون
عندنا كأس طويل (قد الذراع)ضيق من عند القاعده و وسيع من الاعلي
هالكأس هذا حطينه في الدرج ومسكرين عليه ماحن مستفيدين منه
اتمني تعطونى افكار للكأس بحيث انه يظهر بشكل فضيع افاجئ اهلي فيه…تكفون اترجاكم
يالله ياحبيبات ساعدونى تكفون اترجاكم
اختكم راعية الشمال
اما المشكله الثانيه
اذا تحبون الورد الطبيعي .. ممكن تستغلين هالكاس في وقت بيجونكم ضيوف .. بحيث تملينه من الماء الملون او الجلي الخاص بالنباتات ..(( يباع في محلات الزهور )) وتغرسين الورد الطبيعي بوسط هالجلي .. وتنثرين حصى صغار ملونين .. وتحطينه في طاوله الطعام
او .. ممكن تسوين في داخل هالكاس طبقات متدرجه الالوان من عده اشياء مثل
لولو بالون الازرق الفاتح او التركواز في قاع الكاس او ممكن تستخدمين حجر مصبوغ او ملون بلون زاهي
ربع متر من قطعه قماش من الشيفون بلون مقارب للون الازرق فيروزي مثلا..تكفيسنها او (( تجمعين اطرافها على شكل كتله)) وتوضع كطبقه ثانيه
الطبقه الثالثه نفس الطبقه الثانيه ولكن مع استخدام قطعه من التور
الطبقه الرابعه ورق السلفون الشفاف اللي نستخدمه في تغليف الهدايا تكفسينه بعد ونثرين عليه بوردة اللمعه او فصوص او ترتر .. وتحطين في الطبقه الاخيره سلفون شفاف كلمسه اخيره تلصقين حواليه قطع من الشيكولاته المغلفه او تنثرين على اخر طبقه ورد مجفف
واتمنى ان الفكره عجبتج
موفقه عزيزتي
مرحبا اختي
بالنسبه للمشكله الاولى ما اعرف لها حل غير محل البراويز
لكن بالنسبه للكاس
اخيت شمعه الجلاس كفت ووفت بس حبيت اضيف هالشئ
حصلت بمحل شوكولاتات فكره عجبتني تشبه فكره الاخت شمعه الجلاس
هذه الفكره نفذوها لحجلاوة العيد يعني لسه طازه
حطي بالكاس من اشفل الحجاره الملونه وتنباع عند ابو ريالين او لولوا او اي شئ
وبعدين حط عليه من القش الملون اللي نحطه بعلب الهدايا
وحاط ورده او اثنين من الداخل واحيانا مافي ورد
وبعدين حاط صحن بلاستيك من الشفاف بحجم فوهه الكاس ومهبيه شوكولاته
ومن الخارج مزين الكاس بورود واسلاك تبع الورد
بحيث يظهر انها ملفوفه على الكاس إلأى ان تصل إلى صحن الشكولاته وتطعطيه حركه جميله
:
:
وممكن تعبينه رمل ملون
كل طبقه بلون وتحطينه بزاويه الغرفه
شوفي الفكره هذه امكن تعجبك