يالمتزوجات عندي لكم طريق مجربه اتخلي رياييلكم يجننو عليكم اكثر وتسمعون منهم كلام عسل 2024.

يا المتزوجات..
يالله يالله بسرعه..

بليز بس المتزوجات والي على الابواب وحتى العزابيات حق الوالدين الله يخليهم لنا ولكم يا ربي..

تعالو اهمس في اذانكم واخبركم عن الطريق الرهيبه الي اتخلي الريال جد جد يحبج اكثر عن الحب الي في قلبه.. والاب تدمع عينه ويفرح ابنته والام تدعي للبنت وااااااايد وااااااااايد..

وصدقوني الطريقه مجربه وعن جد انا اجربه على زوجي اشوفه يصير دلاع مب الدلع الماصخ لالا دلاع يعني واثق من نفسه وجيه شوي يكلمج باسلوب يجنن وانتي لما تشوفينه جيه بتصيرين اتجننين معاه ودلاعه دلع غير شكل ولا بتصيرين وايد وايد في عينه يعني بتكبرين في عينه وما بيخلي لا كلام ولا غزل الا بيسمعلج اياهم هههههههههه..

اكيد بتقولون هذي ترمس وايد خلها تعطينا الي في جعبتها وتفكنا صح!؟

نبدء بسم الله الرحمن الرحيم..

1- اول شي كلما يرجع زوجج من الدوام جهزي له "بالدي" ما اعرف شو اتسمونه انتو!؟ يعني شي عوود تترسون "تعبونه" فيه ماي دافي+ ملح واتحطين ريول ريلج فيه واتمين اتسوين مساااااااج.. وشوفي ويهه كيف بيصير والله بيحس بالراحه وبيتم يدعيلج.. ولا تسالينه بسك هاه خلصت اوف تعبت بسك!؟!؟ لالا تمي اتسوين لينما يقولج بس حبيبتي بس بارك الله فيج او اي كلام غزل..
2- يوم الجمعه بعد ما يستحم قبل ليروح المسجد لصلاة الجمعه جهزي له البخور والعوود والعطر من الزين والمفضل له والكريمات المرطبه.. على طول يلسي على الفراش وتمي اتوزعين الكريم في الايدين والرجلين وتمي اتسوين مساج على الخفيف.. والله شوفو شو بيقول لكم كلام ولا اروع.. ولما يلبس الكندوره رشي العطر وبخريه.. ترى مرات يصيرون دفشين وجلفين ويقولون بس ذبحتيني.. صيري ذكيه وقوليله لا حبيبي انا ابا الرياييل لما تشوف ريلي تقوله يا حظه حرمته حرمه بمعنى الكلمه ويحسدونك وبسم الله عليك من الحسد وماشاء الله عليك انيق..
3- الريوووووووووق.. يوم الجمعه نشي قبله.. وروحي على طول تكرمون الحمام واتجهزي والميك آب الخفيف واللبس الخفيف والتسريحه الانيقه الخفيفه.. وجهزي له الريوق.. عاد الريوق اللي يحبه ونوعيه.. مثلا زوجي يحب الفول.. اسويله فول+ اجهزله ال ميلك شيك+ سلطه خفيفه.. لما يصحى اخليه يروح ويستحم ويطلع من الحمام يشوف كل شي جاهز.. الابتسامه ما تخفى عن وجهه من الفرحه وبعد ما ينتهي يشكر الله ويمدحني ويشكرني والله الكلام الي اسمعه منه يحسسني بخجل شديد واسلوبه ما شاء الله روعه يحمسني اني اسويله شي ثاني..

وهاه خبروني انتو شو اتسوون حق رياييلكم؟! لو عندكم اشياء ثانيه افيدونا بارك الله فيكم..