طبعاً ابتدت الدراسه و اطفالنا دخلوا روضاتهم ومدارسهم
و بالتأكيد يومياً تواجهنا مواقف و أحياناً مصاعب معاهم
خلونا ندردش عن يومياتهم
و نبدأ بأعمارهم و الصف الي هم فيه
شنو مزاجهم مع بداية العام الدراسي ؟
شنو رايهم بمدرساتهم و انتوا شنوا رايكم فيهم؟
شنو نظامهم في النوم وهل هو مريح بالنسبه لكم و لهم ؟
هل لاحظتم اي تغيرات في تصرفاتهم خصوصاً طلاب أول سنه روضه أو مدرسه؟
شنو تغير في روتينكم اليومي؟؟وهل تغير للأحسن أو الأسوء؟
و اي تفاصيل ثانيه حابين تتكلمون عنها اكيد يفرحنا انا نسمعها منكم
يلا ننتظر تجاربكم مع الحلوين
ولدي حسن عمره 3 سنوات أول سنه روضه
الحمد لله مدرسته احسها حلوة و طيبه كل يوم لما أروح آخده تعلمني عن يومه و شنو كان سلوكه و شنو تعلم
بس مشكلتي انه من دخل الروضه حسيته متغير واجد مو سالفة انه أخد أطباع من غيره لا لكن أحسه صاير دلوع الظاهر شاف الكل فرحان عليه و ستانسين بدخلته الروضه صدق عمره هههههه و صاير ما يسمع الكلام و يعاند بشكل مو طبيعي من قبل كان احسن بواجد و الله يستر يمكن بس الحين من الزهقه :tongue:
هو الحمد لله فرحان و مستانس بالروحه للروضه حتى لما قلت له بكره ما في روضه عصب يفكر اني ما بوديه بس قعدة الصبح شوي ممله
نظامه في النوم متعب صراحه ومتحيره شسوي اذا نام العصر ما بينام في الليل من وقت و تالي ما بيشبع نوم للصبح و احسه ما يقدر يقاوم ما ينام العصر يتعب ، ياريت ينام الظهر ان شاء الله استفيد من تجاربكم
و احسه من دخل الروضه اكله متغير ما يتغدى ولا يتعشى زين وهو صاير له فترة متحسن اكله بس من دخل الروضه خف اكله يمكن لأنه ياكل الصبح كذا شي؟؟ ما ادري هو قبل كان يتريق كورن فليكس او خبز و اي نوع جبن اوقيمر و بعدين اعطيه خياره او جزره بين الريوق و الغدى ، ما ادري يمكن الحين انوع له في الريوق اكثر من جدي ما يشتهي يتغدى ؟؟!!
بالنسبه لي لما داوم حسيت حياتي تغيرت شوي خصوصاً اني ما اشتغل ولا شي بس الحين اقعد من وقت خصوصاً انه ما يروح بالباص و اكيد قعدة الصبح احلى من الضحى ههههههه
بديت اتعود ع السياقه لأن ليسني يمكن انتهى واني ما اسوق ابو الشباب ما يعطيني فرصه و يخوفني و واجد شغلات بس الحين قمت كل يوم اوصله الروضه طبعاً و ابوه و يايي لين اتعود 😮
مع اني حسيت اني تعودت بس هو وسواسي وما يثق فيني من جهة السياقة
المهم قلت بدور وظيفه او دوره بس للحين ما سويت شي احس للحين نظامي متخربط كله فيني النومه و تعبانه
و احلى شي اني قمت الصبح آخذ حريتي مع ابو الشباب 😉 صرنا كنا تونا متزوجين فترة الي هو في الروضه هيامه ههههه من مكان لمكان اليوم رحت مجمع ستره اشوف التخفيضات و استانست على روحي لأول مره اتسوق بهدوء بدون ما اركض ورا حسوني او ابوه يتملل منه و يحن ههههههه
كنت مخططه اني بهتم بالشقه اكثر لأن عندي عقده قبل الدورة باسبوع تبتدي نفسيتي تصير زفت وما احب اشتغل شي لحد ما اخلص فيعني اظل اسبوعين اهمل في الشغل و الأسبوعين الثانيين كرف و على قولة اخوي هلك دبح ههههههه وكل مره احاول اتغلب ع المشكله و اقش الشقه كلها و اكر ظهري وارد ارجع لنقطة الصفر 
ما ظل جدول و لا ابتكارات تنظيم وتريب الا سويتها ما انكر ان الوضع تحسن بس للحين يبي لي شغل على روحي شوي بس احس للحين نظامي مخربط ما تعودت
و أخيراً قصيت لكم قصة حياتي و عورت راسكم و لو ينقطع النت الحين بنتحر لأني تكسرت في الكتابه
و انتظر قصص حياتكم ههههه
 |
اقتباس |  |
 |
المشاركة الأساسية كتبها مسز عادل  |
 |
 |
| أبدأ بنفسي أول شي
ولدي حسن عمره 3 سنوات أول سنه روضه الحمد لله مدرسته احسها حلوة و طيبه كل يوم لما أروح آخده تعلمني عن يومه و شنو كان سلوكه و شنو تعلم بس مشكلتي انه من دخل الروضه حسيته متغير واجد مو سالفة انه أخد أطباع من غيره لا لكن أحسه صاير دلوع الظاهر شاف الكل فرحان عليه و ستانسين بدخلته الروضه صدق عمره هههههه و صاير ما يسمع الكلام و يعاند بشكل مو طبيعي من قبل كان احسن بواجد و الله يستر يمكن بس الحين من الزهقه :tongue: هو الحمد لله فرحان و مستانس بالروحه للروضه حتى لما قلت له بكره ما في روضه عصب يفكر اني ما بوديه بس قعدة الصبح شوي ممله نظامه في النوم متعب صراحه ومتحيره شسوي اذا نام العصر ما بينام في الليل من وقت و تالي ما بيشبع نوم للصبح و احسه ما يقدر يقاوم ما ينام العصر يتعب ، ياريت ينام الظهر ان شاء الله استفيد من تجاربكم و احسه من دخل الروضه اكله متغير ما يتغدى ولا يتعشى زين وهو صاير له فترة متحسن اكله بس من دخل الروضه خف اكله يمكن لأنه ياكل الصبح كذا شي؟؟ ما ادري هو قبل كان يتريق كورن فليكس او خبز و اي نوع جبن اوقيمر و بعدين اعطيه خياره او جزره بين الريوق و الغدى ، ما ادري يمكن الحين انوع له في الريوق اكثر من جدي ما يشتهي يتغدى ؟؟!! بالنسبه لي لما داوم حسيت حياتي تغيرت شوي خصوصاً اني ما اشتغل ولا شي بس الحين اقعد من وقت خصوصاً انه ما يروح بالباص و اكيد قعدة الصبح احلى من الضحى ههههههه بديت اتعود ع السياقه لأن ليسني يمكن انتهى واني ما اسوق ابو الشباب ما يعطيني فرصه و يخوفني و واجد شغلات بس الحين قمت كل يوم اوصله الروضه طبعاً و ابوه و يايي لين اتعود 😮 المهم قلت بدور وظيفه او دوره بس للحين ما سويت شي احس للحين نظامي متخربط كله فيني النومه و تعبانه و احلى شي اني قمت الصبح آخذ حريتي مع ابو الشباب 😉 صرنا كنا تونا متزوجين فترة الي هو في الروضه هيامه ههههه من مكان لمكان اليوم رحت مجمع ستره اشوف التخفيضات و استانست على روحي لأول مره اتسوق بهدوء بدون ما اركض ورا حسوني او ابوه يتملل منه و يحن ههههههه كنت مخططه اني بهتم بالشقه اكثر لأن عندي عقده قبل الدورة باسبوع تبتدي نفسيتي تصير زفت وما احب اشتغل شي لحد ما اخلص فيعني اظل اسبوعين اهمل في الشغل و الأسبوعين الثانيين كرف و على قولة اخوي هلك دبح ههههههه وكل مره احاول اتغلب ع المشكله و اقش الشقه كلها و اكر ظهري وارد ارجع لنقطة الصفر ما ظل جدول و لا ابتكارات تنظيم وتريب الا سويتها ما انكر ان الوضع تحسن بس للحين يبي لي شغل على روحي شوي بس احس للحين نظامي مخربط ما تعودت و أخيراً قصيت لكم قصة حياتي و عورت راسكم و لو ينقطع النت الحين بنتحر لأني تكسرت في الكتابه و انتظر قصص حياتكم ههههه |
||
 |
 |
اهلين مسز عادل والله ضحكتيني وفطستيني من الضحك هههههههههههه
الصراحة انا مو من المؤيدين ان الطفل يدخل الروضة في هذا السن واللى على قولتهم يبغونهم يندمجون مع اقرانهم
لالالا 3 سنوات الطفل احس صغير هو اخرشي بيندمج مع المجتمع شوي شوي ماادري ليش بنات المنتدى مستعجلين على اولادهم الصراحة مستغربة !!!!!
الطفل لازم ياخد راحتة في كلشي حتى النوم سالفة الكعدة من الصبح اتعبهم واجد!!!
وبنتي وديتها في هذا السن وهي مثل ولدش في البداية كانت مستانسة ومشققة من الفرحة!!
وبعدين ابتدأ المسلسل رجعتها من الروضة تتعب وتنام العصر وباليل اه اه ما تنام الى الساعة12
ويوم ثاني اكعدها من الصبح وماترضى تقوم الى بطلعة الروح وصارت عصبية في الروضة من قلة النوم
وكرهت الروضة من هذه السالفة هذه تجربتي مع بنتي والحين قررت اني ما اودي اخوها الى لين اكمل 4 سنوات
وهذا رايي وكل طفل ومدى تقبله الى الشيء
اترك الباقي الى الامهات لي يطرحو آرآهم
ودمتم في امان الباري!
مشكورة ع المرور
و أكيد الموضوع وجهة نظر بس الولد الأول يكون حقل التجارب ههههه
الكل قال هذا الكلام بس في المنتدى ما شاء الله كلهم أولادهم في الروضه و ما ندري شنو وجهة نظرهم ؟؟
المهم
عطرتي الموضوع بمرورك
لي عووودة ان شااء الله
موضووعك تووحفه ..
بس ولدي علاوي لساتو صغير ..
بس متابعه معاكم ..!!
علشان استفييد لما يروح ولدنا الرووضه ..!!
بس بالنسبة لي يبغي لي كتاب حتى ارد عليه خخخ
وأأأأأخ قلبتي عليي الموضوع :ss:
وراجعة ان شاء الله ليكم بعد مااكمل شغلي :tongue:
عبودي هذي ثالث سنة روضة له.. من قبل كان سنتين بروضة عادية والحين في KG2 بالمدرسة… بالنسبة له من زمان يتمنى هالمدرسة لأن عيال خالي هناك وأخوي بعد في الصف العاشر وكان يتمنى يكون معاهم وآنه ماكنت مشتجعة من قبل أوديه عشان هناك مايركزون وايد على العربي.. بس الحين أحسه أوكي..
أول يوم كان وايد مستانس طبعا بعد طول هالشهور كلها في البيت.. ودخل بدون صياح عكس ماتوقعت لكن من وصلت عند الباب الا آسمعه يقول حق مدرسته آبي أمي… ههه مشيت عنه وعقب مرت خالي مرت صوب صفهم تقول عادي مافيه شي.. ولما خذيته كان مستانس ويلعب..
ثاني يوم الحمدلله بعد دخل بدون معاناة..
ههه وبس داوم يومين وصاده صخونة وبلاعيمه وكاهو 3 أيام في البيت…
الأخ الظاهر مايبي يروح لأن على قولته بتفوته برامج قناة براعم .. شلون أخته قاعدة في البيت بتجوف براعم وهو مايجوفها… على كيفه..
بالنسبة لي كتجربة سابقة خلال السنتين اللي فاتوا دوام الروضة وايد أحسن لي لأن الولد ينام من وقت فالواحد يقدر ياخذ روحته يسوي له شغلة .. يقعد مع بوالعيال براحة بدون مشاغبات..
ينام من وقت فأحسن له حتى في تنظيم وجبات الأكل ….
وراجعة لكم بالمزيد بعد مايداوم إن شاء الله يوم الأحد…
قريت بس راس الموضوع ههههههههههه للحين ما قريت الردود
ان شاء الله لي عودة اذا ما صار مجال في الويكند اكيد الاحد بشارككم الموضوع ..
تسلمين مسز عادل 😉
حمود للحين ما راح الروضة وبالنسبة لي ما أشوف سنه مناسب
أحس أنسب سن اربع سنوات " وإن كنت أتوقع أدخل حمادة قبل بس بسبب ظروف عملي مو لقناعة "
بالنسبة لي في عمر ال 3 سنوات الطفل صغير على الاندماج بأطياف مختلفة من المجتمع مرة وحدة … أحس أنه بيتشتت خصوصا أن شخصيته الخاصة والمستقلة للحين ما تشكلت تماماً
هذا من جهة ومن جهة ثانية أخاف يمل من الدراسة والنظام والروتين بعدها في عمر مبكر لأنه يكون تشبع خلاص
لكن في المقابل ألحين الأغلبية يودون أطفالهم من عمر 3 سنوات فإذا دخلنا الطفل بعدها يكون متأخر عن أقرانه !!!! يعني حيرة بصراحة
………
بعيداً عن الموضوع آخر جزء كأنش توصفيني جيتي ع الجرح !!! أكره هذا الأسبوع وبقوة ياريتها جت بس على التعب والإرهاق والكسل إلا على الأخلاق الزفتة والمزاج المعكر وتضخيم الأمور والدمعة اللي على الباب وأكثر شيء أكرهه اللسان المنفلت يصير ما عندي كنترول بالمرة كل شيء في خاطري أقوله وحتى خصوصياتي تصير على الملأ لأنها تطلع أوقات القهر والضيق
وبعدين تعالي عضي أصابع الندم بس بعد فوات الآوان