السلام عليكم و رحمة الله و بركاته
بنات بغيت اسألكم عن كريم الحماية اللي فيه لون فاونديشن بحيث انج اتحطين طبقة وحدة و بس .. ما تضطرين اتحطين حماية بروح وفاونديشن بروح
سمعت انه موجود عند روك لكن سوالف روك كلها حق الكبار بالعمر و مادري اذا تناسبني ولا لأ .. اللي اتعرف ماركات ثانية تفيدنا ما عليها أمر
و اللي جربته تقولنا عن النتيجة .. يعني تنصحونا نشتريه ولا لأ ؟
الصراحة انا أثق برايكم بنات .. ما شاء الله عليكم خبرة
هلا بالغالية ام عفاس
صاجه شيسيدو الكل يمدحها بس عمري ما شريت شي منهم
مشكوووورة حبيبتي كنت محتارة وين ألاقيه
حبيبتي Miss.B
ماعرفت قصدج بالضبط ،، تبين كريم حمايه يكون فيه لون مثل كريم الأساس
ولا كريم اساس فيه حماية ..
اذا تبين كريم حمايه ويعطي لون حلو على بيج مب على ابيض ..
من جيرلان Issima Perfect White C
protective brightening fluid
و كريم الحمايه من ديور من مجموعة ديور سنو
بس المشكله لو ما وزعتيه عدل او كثرتي منه راح يعطيج لون ابيض ..
اذا وزعتيه مضبوط و بنقاط خفيفه يعطيج لوك حلو و يكفي تحطين لوس باودر وخلاص ..
اما لو كنتي تبين كريم اساس وفيه حماية من الشمس ،، اغلب كريمات الاساس الحين فيها حماية بس بنسبه بسيطه 8 وما تتعدى الـ 15 .. عكس كريمات الحمايه اللي تكون 40 او 50 ..
بس افضلهم الدبل وير من استي لاودر .. ومناسب للطلعات النهاريه ،، لأنه ثابت ويقاوم كل عوامل الجو ههههههه .. يتم فتره طويله اكثر من 8 ساعات وما يبقع الملابس
وتغطيته رووووعه وبنفس الوقت ما يبين مصطنع
هلا و غلا بالغالية Marshmallows
صح مثل ما قلتي أغلب الفاونديشن فيه حماية
انا أبي العكس : حماية فيها فاونديشن <= تكنولوجيا ههههههههه
عندي حماية الحين بس اضطر احط فوقها طبقة فاونديشن بسبة لونها الأبيض و تدرين بهالجو مافي مجال اتحطين وايد كريمات على بشرتج خصوصا اذا كانت دهنية بعد ! اكملت
تسلمين حبيبتي قلتيلي عن :
جيرلان Issima Perfect White C
protective brightening fluid
و كريم الحمايه من ديور من مجموعة ديور سنو
خلاص ضميناهم للقائمة مع شيسيدو
مشكوووورة
ترى اغلب الواقيات بتخلي بشرتج تبين بلون ابيض والسبب
التوزيع الغلط وانج تحطين كميه كبيره
خذي نقطه نقطه و زعيها زين على الوجه لين تمتصه البشره
يعني 3 او 4 نقط صغيره تكفي
ولازم تدفين الواقي قبل تمدينه على الوجه
يعني حطي نقطه على صبعج وافركيها بالصبع الثاني بتشوفين انه يمد اسرع واسهل
وهذا نوع اللي انا استعمله ..
http://go.3roos.com/WPqWQTw2QQy
حمايه وتبيض و كانه يعتبر بيس بس مافيه لون وايد عادي .. وحلوو فوقه البودر بس..
http://go.3roos.com/nIqIuWvi2ph
وعندج على هرابط بودرة مضغوطه مع حماية عاليه وايد.. لانه هالمكياج موخصص للحمايه من لشمس..
اتمنى اني افدتج
وعليكم السلام ورحمة الله وبركاته
الأخت مارشموللوز ما قصرت الله يعطيها العافية
وإذا تبين كريم حماية فيه نسبة كريم أساس روحي للصيدلية وقولي لهم
إنج تبين كريم حماية فيه نسبة كريم أساس
لأن الكريمات ألحين فيه أنواع منها
الساذل أو الأويل فري , والكريم , والملون
أتمنى أفدتج
شنو هالردود اللي تشرح القلب ؟ عساني ما انحرم منكم
—
Marshmallows
مشكووورة يالغالية
و الله انا اسوي اللي تقولينه و أشوف بشرتي تمام بس بيني و بينج ماعرف أحط شوي ! كل شغلي بزيادة
أحس الكمية القليلة ما تسوي شي .. على العموم انا بستمر على الحماية اللي عندي لأن بعد باجي فيها و لما أتخلص العلبة بإذن الله أنزل السوق
—
ام عفاس
الله يخليج و يسلمج و يبارك فيج و يرزقج على قد نيتج .. قولي آمين يا ام عفاس
يبتيلي اللي أبيه بالضببببط الله يعطيج العافية
صور حماية شيسيدو اللي بالرابط الثاني اهمه اللي في بالي و لا بعد عطيتيني أحسن من اللي في بالي تدرين ليش ؟ لأني كنت ناوية على كريم و انا بشرتي دهنية و يضايقني الفاونديشن السائل و ما توقعت ان فيه كومباكت باودر معاه حماية عالية .. شكلي بتوكل على الله و آخذه لأنه عز الطلب .. حيل جيل عجبني
—
مجـد
هلا و غلا بمجد
و الله كلكم ما قصرتوا ربي يجازيكم كل خير
الصيدلية شفت فيها روك بس لما جيكت بالنت لقيتهم متخصصين بالكبار بالعمر .. ما كنت أدري !
أشوة اني ما شريته لأن تدرين منتجاتهم مو رخيصة
—
العنـــــود
تسلمين يالغاليه .. و اايد شجعتيني
—