انا سعيدة افتح هالموضوع عن ظاهرت التعدد واسميها ظاهرت لانها فعلا صارت ظاهرة في مجتمعنا يعني الرجل صار يتزوج على زوجته بسبب او بدون سبب!!! ليش يعني ؟؟ هل هي نزوة او حب له وحدة وخلاص؟؟؟ وقال خلاص من حقي والشرع وما ادري شنو ؟ وايش ذنب المسكينة اللي ضحت وقاسمت معاك المر والحلو؟؟ ولا خلاص المراة صارت نفس الموضة لها ايام وتخلص؟ ولا شنو رايكم يا بنات؟؟؟
والسالفه مو سالفه موضه او انه حب وحده
في رجال ماتكفيهم وحده فيروحون يتزوجون
او محتاجين شي الزوجه الاولى ماتقدر تعطيهم اياه فيتزوجون
والله ماعرف شاقول الموضوع يحرق الاعصاب بس البنت الي تزوج عليها زوجها
مب مجبوره تقعد معاه اتخليه يولي
وهذا احسن حللل انه اتخليه يولي ليش اتغم عمرها
كل وحدة تقلب راسها يمين و يسار و تشوف هالعييايز الي حوالينا <<< الي متزوج عليها و الي مطلقها و ماخذه بعده ثلاث اربع رياييل و الى ماخذ عليها بدل الوحدة ثنتين و نفس البيت
الله المستعان
انتي روحي الستي ولا الاند ولافيلاجيو شووفي البنات شلوون اشكالهم استغفر الله الله سترك
شنو هااي المكياج كاامل والعبايه يدها وسعيه والبنطلون ضيق والعطورات من كل صووب تشمينها
اسسسسسسستغفر الله هاي وين اهلهم عنهم
يعني فكروا قبل جي سنه وشي كان الوضع تقريبا عااادي فالدوحه مانشوف جي الا ناااااادر شقلب حالهم جي
عشاان جي الريايل صارو يتزوجون وايد لان هالاشكال تبيع نغسها برخيص عشان ريال يصرف عليها ويتشريها هالماركاات والسوالف
ولا جان مارضت ع نفسها اللي يسوا واللي مايسوا يشووفها بهالمنظر
الريال يروح يشوف البنات اشكال والوان احمر واصفر وارزق وكل وحده تقول الزود عندي وماتبونه يطالع؟؟؟؟
مستحييييييييييييييييييييل
الا من رحم الله طبعا انا ماااعم
المرا مسكينه شتسووي اذا هي دايره بالها عبيتها ويعالها واهلها واهل زوجها وطوول يومها يافداووم ياتدرس ياتطبخ ياطلبات الزوج اي صله رحم ياترقد اليهال
ويا شاافها مو كااشخه ذاك الزود قبل لاتقارن مرتك باللي شفتهم شوف مرتك شسمويه عشاان تكوون عااديه مدرسه عيالك وطابخه العشا اللي احس منه مافي ومرقدتهم وجمهزه ملابسك حق بكره الدوام والبيت اييييين يلق من الريحه الحلوه والنظاافه
حراام يمكن تكوون تعباانه انها دووم تكشخ او مالها خلق
هذيلاك اللي برا يادبوها قايمه من النووم قعدت 6 ساعات جداام المنظره تكششخ وتعدب وشلت الشنطه ولبست العبايه واتصلت حق الدريلو وطلعت يعني شوراها الا مشووليه ولا بيت ولاعيال ولاشي لازم وغصبن عنها بتكوون كاااشخه
عالاقل قبل ماتزوج شووف مرت شسووت لكوصبرت معاك عالحلووه والمره وحملت وبرت وسهرت وكبرت وعلمت
وجااست في دنيتها وحرمت نفسها من اشيا وااايد واله مو عشاان شي بس عشاان الزوج وسعاته ورضاه عليها
انا اللي مخووفني ان البنات يووم عن يووم يصيروون قليلات ادب زيااده المرا الشريفه شلوون تمسك ريها من بنات الحرام شلوووووووووووون؟….
الله يحفظ كل بيت باللي فيه ويخليلكم ازواجكم وعيالهم واللي تزوج عليها ريها وتدري انها دوووم ماقصرت فحقه شي وشالته فووق راسها ومخليته في عيوونها تحط في بالها ان هوو اللي خسرها مو هي اللي خسرته
الي قصرت في زوجها ارجوو ان تعدل علاقتها في زوجها وتصك باب الدنيا عنها ولاتشغلها عن بيتها وعيالها اللاعراس والزيارات والعزايم والتلفوونات والربع والمجمعااات
هااي كلها شيا فاانيه خلي هو شي فحيااتج بيتج وعيالج وربج هااي اول شي واهلج واهله صددقيني بااقي الشيا بتروووووووح
يعني شبتنفعها الروحات واطلعات الربع عن عيالها وهي ماتدري عنهم وطلو يومهم عند الخداامه
اسسسسسسسسسسسسفه ع الاطاله بس حررررررررره في قلبي ابي اقولها
اختكم
ام عبوودي
الله يهديهم …..
بس بعد انا لو تزوج علي ريلي لو 6 يهال بتطلق ليش اعذب نفسي الا يوم عندي ويوم عندها
الا يطلعها ويوديها وانا سافهني يولي الي خلقه خلق الف غيره
ومب شرط البنت تعيش مع رجال تقدر اتكون بدون ومرتاحه اهم شي راحت الانسان
شفايده حياه كلها زعل واعصاب
اختي مدلعه نفسي فديتج والله جبتيها صح كلامج شلي يحدني اتم وياة مب شرط..
انا عندي ملاحظة يعني الوحدة مسكينة لو تزوج عليها ريلها اذا فكرتوا عدل ليش تطلب الطلاق؟خليها تقعد على كبده ولاسيما لو كانو عندها عيال وين بتروح؟
بس تظنون ان الوحدة تقدر ترجع حياتها معاه نفس الاول؟ يعني واحد ميز علي وحدة ثانية يعني ينتظر اني احبه او اعتبره مستحيييييييييييييييل