خواتي الغاليات بس حبيت اشاركم معاي في اختيار روضة تعليمية ممتازة حق بنوتتي ابغي روضة يكون اساسها قوي مثل ما تعرفون الروضة أساس التعليم للطفل فأبغي اقتراحاكم وتجاربكم في الروضات
في ناس نصحوني بمدرسة الشرق الأوسط شنو رايكم فيها
على العلم بنتي سنتين وسبع شهور تقريبا على بداية السنة الدراسية الجديدة
شاركوني في اختيار المكان المناسب لبنتي
شكرا لكم
وعندش فيرست ستب في توبلي أو جدعلي شهريا 60 دينار وبريطانيه ويأخذون من شهور إلى 6 سنوات
فيرست ستب في بالضبط وفي مواصلات
وشنو رايك فيمدرسة الشرق الأوسط ابغي وجهة نظرج وبحصل لي واسطة عشان ياخذونها اذا مستوى المدرسة اوكي
انه بعطيج اسماء مدارس الي عيال اهلي يدرسون فيها ويمدحونها
وانتي جوفي شنو تبين
المدرسه الهنديه في مدينه عيسى
مدرسه كانو في سلماباد
مدرسه الروابي في جبله حبشي
مدرسه المجد قريب البلاد
مدرسه الفاتح
ومدرسه دلمون بنيانها قديم بس دراستها جدا قويه
وان شاء الله استفدتين
بنات اختي كانو فيها
تسيب ولا عندهم انضمه عدله
والدراسة مو شي والحين صارت مشاكل اللعام وتغيرت الاداره وصارت المدرسة اخس من قبل
الحين بنات اختي راحو مدرسة المهد
وايد اوكي دراستهم ماشاء الله فرق
دراستهم وايد قووية وحتى خلال سنه تحسنو وايد في القراءة والكتابة بالانجليزي
هناك ما كانو يركزون معاهم بالقرائه ولا شي ولا يعلمونهم حتى معاني الكلمات
هني وايد يهتمون ..
واهيي المدرسة اعتقد لها فرعين واحد في سماهيج " المحرق "
والثاني مادري صراحه وين ناسية ..
وبالتوفيق ياارب