اليكم اطباق سوسي المتواضعة 2024.

السلام عليكم ورحمة الله وبركاته
اصحابي وحبايبي الحلوين النهاردة بس اتشجعت وعملت الموضوع دة علشان اقدم لكم اكلاتي المتواضعة يمكن اقدر افيد حد بيها
اتفضلوا معايا (x)

بسم الله الرحمن الرحيم
بما ان مافيش حد مابيحبش المكرونة بكل انواعها :essen:اقدملكوا دلوقتي مكرونة بالتونة :
المقادير : هانحتاج علبة زبادي+ ملعقة كبيرة مايونيز + ملعقة كبيرة مسطردة+ علبة تونة+ نصف ليمونة+ ملح وفلفل وشطة وزعتر + فلفلتين اخضر+ طماطماية واحدة+ بصلتين اخضر+ كيس مكرونة قواقع + فصين ثوم + 4 ملاعق زيت
الطريقة :اول حاجة طبعا نسلق المكرونة ونسيبها
وبعدين هانجيب اناء عميق ونحط فيه علبة التونة بعد مانصفيها من الزيت اللي فيها وبعدين نعصر عليها نصف الليمونة وبعدين هانحط بعد كدة كل المكونات عليها بما فيها المكرونة المسلوقة وفلفلاية واحدة خضرا ونقلب كويس وبعدين نحط الخليط دة في الصينية ونحطه في الفرن ونقطع فوق الوش الطماطماية والفلفلاية الخضرا التانية ونحط الصينية في الفرن لمدة نص ساعة
جربوها بقي وقولولي رايكوا ايه . يارب تعجبكوا
وشجعوني يا بنات بالله عليكوا :87457:

الاكلة الثانية :: الكانيلوني ::
هانحتاج كوبين لبن + كوب واحد دقيق + 3بيضات + ملح وفلفل بسيط
هانضربهم في الخلاط لغاية لما يبقوا عجينة لزجة (( وهي دي عجينة الكانيلوني ))
************************************************** ******
وبعد كدة هانفرم بصلة ونصفرها في ملعقة سمنة ونحط عليها ربع كيلو مثلا لحمة مفرومة ونحط بقي مشروم مثلا او قطع بطاطس مسلوقة او الاتنين حسب الرغبة (( وهو دة العصاج ))
************************************************** ******
بعد كدة هانحط ربع ملعقة سمن بلدي في طاسة تيفال ونملا فنجان قهوة بالعجينة ونحطها في الطاسة ونساوي كدة بظهر الملعقة ونسبها دقيقة واحدة وبعدين نقلبها عالوش التاني بشيالة المكرونة ونسيبها دقيقة تانية وبعدين نرصها في الطبق لغاية اخر الكمية اللي احنا عاملينها
************************************************** **
هانحشي بقي بعد كدة العجينة بعد ماستوت بالعصاج او المقادير اللي عملناها ونلفها وبعدين ندهن الصينية بالسمنة و نرص فيها الكانيلوني وهو ملفوف وتكو نهاية اللفة من تحت وبعد مانرصه نرش عليه رشةجبنة رومي مبشورة وطماطماية مبشورة ونحطه في الفرن ربع ساعة من تحت وخمس دقايق من فوق
ها ايه رأيكوا اكمل ؟؟؟؟؟؟؟؟؟؟؟؟؟؟؟؟

كملي ….

أنا سامعة

ماشاء الله اكملي

نتمني اضافة صور

ميرسي اوي يا امة الله وربيعية علي ردكوا
اكمللكوا بقي: مكرونة تاني بس بالكريمة :
اولا نسلق مكرونة اقلام ونسيبها
وبعدين نجيب اناء عميق ونحط فيه علبة كريمة طهي صغيرة اللي هي (جهينة كوكينج كريم ) وعليها ملعقة مايونيز ونصف كوب جبنة موتزاريللا ونصف كوب جبنة رومي وملعقة صلصة وماشروم وملح وفلفل بسيط وبعدين نحط المكرونة مع الخلطة دي ونقلب ونحطها في صينية ونوزع فوق الوش ملعقة سمنة ونحطها في الفرن 10 دقايق من فوق

يا بنات اللي عندها اكلة حلوة تحطها برضه واللي عندها تصحيح لحاجة بقولها تصححلي ياريت علشان نفيد بعض

بطاطس باللحمة المفرومة
الاول نحاول نجيب البطاطس صغيرة علي قد مانقدر ونقشرها ونقسم كل واحدة اتنين ونقورها بالمقورة ونسيبها ونعمل العصاج :الاول هانجيب طاسة ونحط فيها ملعقة سمن ونصفر فيها بصلة ونحط عليها اللحمة المفرومةوملح وفلفل ونقلب
بعد مايخلص هانحشي بيه البطاطس اللي قورناها وبعدين نرصها في صينية ونسقسها بحبة عصير طماطم مملح بملح وفلفل علي حبة شوربة ولو مافيش شوربة يبقي حبة مية بقدر يغطي البطاطس
وبعدين نرش رشة زيت خفيفة فوق الوش ونحطها علي البوتجاز علي العالي حوالي ربع ساعة لغاية لما تنشف المية اللي في الصينية ونكمل سواها في الفرن حوالي نص ساعة من تحت وبعدها نحطها من فوق شوية علشان نحمر الوش

يصلموووووووووووووووو

اناوحده اقطعي راسي عندالمعكرووووووووووونه

الله يسلم قلبس

الارز بالخلطة
نغسل كوبايتين ارز مصري ونحط حلة علي النار فيها زيت ونحط فيها الارز ونوطي عليها ونقلب لغاية ما يصفر الارز كله
****************************************
نجيب حلة تانية ونحط فيها زيت ونصفر بصلة ونحط فيها كبد فراخ مقطعة وعليها ملعقة صلصة وملح وفلفل وشوية قرفة ناعمة ونحط كوبايتين مية او شوربة ونقلب
*****************************************
نقلب الخليط اللي في الحلة دي علي الحلة اللي فيها الارز وبعد مايتشرب نوطي عليه
************************
نغلي مية فيها شوية لوز وبعدين نطلعه ونقشره ونحمره في السمنة ونحطه علي الارز فوق الوش مع الزبيب المحمر