عزيزاتي خذت كم وصفه للحبة الحمرا من المنتدى ومن وحدة اعرفها سوتها لذييييذة ..
لكن للأسف ما عرفت اطبقها ..
خلوني اقولكم شو سويت ..
خذت شوي من الحبه الحمرا ونقعتهم في ماي مدة ربع ساعة .. (مايفرق الوقت كل واحد واستعجاله لأني تأكدت من هالمعلومة) :tongue:
ويبت شوية طحين حمرتهم خفيييييف على سمن شوي في النار .. وعقبها صبيت الماي عشان احط حليب البودرة و السكر ..
لكن من صبيت الماي الطحين جي كلكع وشكله استغفر الله ماعرف كيف .. مانفع ورميته
وجربت طريقة ثانية ..
يبت حليب العين طازج وحطيته في الجدر و عقبها سكر وشوية كستر .. لين ما غلوا عقب حطيت الحبة الحمرة (كنت غليتها طبعاً ) و خليتهم يغلون مع بعض شوي وصبيتها
طلعت حلوة بس مش المرجوة .. ومش غليظه وايد مع اني اترييت عليها
دخيلكم عطوني الطريقة الصحيحة الي بالطحين والحليب من دون بهارات
والله محتاجة وصف دقيق للمكونات
بتخبرلج امايه وان شا الله بااجر بتكون الطريقه عندج
والحليت وشوي ماي ورد وشوي هيل و سكر
ونحطه ع النار لحد ما يغلظ وبعدين نصب فيه الحبة الحمراء
بس نكون قبل ناقعين الحبة الحمراء في ماي مده ربع الى نص ساعه
اختي جربية بالارز المطحون بتطلع لذيذه
شوفي الله يسلمج
اول شي تيبين الحبه الحمرا انزين .. وبعدين تنقعينها ف ماي اشويه
وبعديين يوم تنتفخ يعني عقب نص ساعه تقريبا
تحطينها ف الجدر وتصبين عليها كوب حليب مممممممم نحن نستخدم الحليب العادي الفرش مال العين يعني هب حليب بودره
وتحطين عليه اشويه فلفل اسود ونص خاشوقه صغيره كركم وفنيان شكر ولا فنيان ونص عكييفج وتخلينه اليين ما يغلي
وخلاف تييبن الكسترد ( 1خاشوقه اكل ) وتذوبينه ف نص كوب ماي وبعدين تضيفينه للحليب والحبه الحمرا وتخليينه يغلي .. لو كاانت واايد غليظه زيدي عليها ماي ..
وبـــث
قصدي بالهنا والشفا
تسلم ايدي ككككك
وبشرينا بتضبط ان شا الله
هيه هذي فيها بهارات شوي .. انا مابا بهاراات حالياً بسويها بالكاستر نفس ما سويتها اول مرة ..
بس كوب حليب واحد ماتحسينه شوي ؟
لي تجربة ثانية ان شالله هالويك اند وبشوف كيف بتطلع وبصورها بعد
المقاادير :
فنجان من الرشاد مغسوول.
فنجان من السكر .
علبتين حليب رينبو (ابو قوس او اي حليب عندكم).
اربع ملاعق كاستر مع فنجان ماء .
ربع ملعقه شاي فلفل اسود .
نص ملعقة طعام قرفه ( دارسين مطحون).
شوي زعفران مع نص فنجان ماء حار.
ماء ليتر قياس دله .
الطريقه:
1-في قدر تحطين الماء مع السكر والقرفه والفلفل حتى يغلي
وتحطين عليه الرشاد وتخلينه يغلي لمدة 3دقائق ثم علبه واحده من الحليب
2-تخلطين الكاستر مع فنجان الماء والكاستر والحليب تخلطينهم عدل وحطيه مع المقدار رقم واحد وخليه يغلظ وحطي اخر شي الزعفران وحطيه في دله
بس ما ادري
انتي جربي وشو في شو يطلع وياج
وشوفي الاخت ام شهاب نفس الشي حطت قوطيين بو قوس يعني قولي القوطيين بيوصلون كووب
ممممممم اظني نحن نستخدم كوب جبنة كرافت خخخ
وبعدين انتي بتزيدين ف الماي
لانه اذا كاان حليب بيظهر وايد غلييظ