شحالكم عرايس؟؟ شخباركم ويا البرد ؟؟ الله يكون في عونكم وعونا وعون الجميع
بصراحة اليوم وعيت الصبح مستانسه " خير اللهم اجعله خير" ومادري ليش . من زود الوناسه اشتغلت شغل وبعدين تم عندي طاقه قلت لازم اتذكركم .. قلت انزل هاللوك الي سويته قبل يومين فعيد ميلاد حد من اهلي
بعد تنظيف البشره وتنظيفها نبدا بالاساسيات .. وهني أنا استغنيت عن كريم الاساس وحطيت بداله الكونسيلر على كامل ويهي عشان يكون شكلي طبيعي .. وهاي الطريقه اتعلمتها من وحده هني يزاها الله خير بس نسيت اسمها "ماك"
وبعدين حطيت البودره بشكل طبطبه خفيفه عشان ما يكون قناع فويهي ويا الكونسيلر "ماك"
وبعدين حطيت اللوس باودر تحت عيوني بكثافه متوسطه عشان الشادو ما يخرب يوم ينزل "ميكب اب فور لايف"
ومشطت الحواجب :rolleyes:
ولونتها بالشادو من بودي شوب
وبعدين حطيت من الشادو الابيض اسمه كريمي من لانكوم عالجفن المتحرك بس مش وايد عشان الجفن ياخذ اللون
وبعدين حطيت من شادو نايلون على جفني المتحرك بغزارة واخفف اللون كل ما اطلع لفوق .. وبعد حطيت بنفس الغزارة تحت الحاجب واخفف يوم انزل لتحت .. وصار فالنص اللون شوي خفيف .. بس طلع الجفن كامل لونه حلو وموحد ومرتب
وبفرشاة خشنه حطيت اللمعه ووزعتها عالجفنين الثابت والمتحرك " ميكب اب ستديو *كاركتر" .. واحلى شي ان اللمعه اتناثرت على ويهي وصارت كيوت >> امووت عاللمعه
وبعدين بالايلينر رسمت خط شوي عريض بس مب وايد ورسمت مثلث من قدام ومن ورى بعد مثلث يشبه مال زينب العسكري "يارب تكونوا فهمتوا" وطبعا بعد من تحت العين
وموهت نهايه الايلينر بالشادر الاسود عشان يطلع كأنه كحل .. ومطيته لبرع شوي .. وبعصى الاذن سحبته لبرع عشان يبين خط
وبكسارة الرموش .. كسرت رموشي لفوق 
.. لا تستعملونها وايد
واكيد اكيد اكيد الماسكرا ايف سان لوران .. حطيت بكثافه مع ان مب لازم .. بس انا مافهم لازم ارد واحط والف وادور واعدل هههههههههههههه
وبعدين بالبلاشر حطيت من الخد للخد عشان شكلي يطلع محرووق 
.. وعشان يكون طبيعي سويت شوي فجبهتي وذقني .. وبلون شوي خفيف "الاحمر" .. مادري ليش مع التصوير طالع وردي
وحطيت المحدد والروج "استي لودر" وعلى فكرة اللون وايد وايد حاد ومطفي
وعشان اخففه حطيت من كسارا نوير الجلوس عشان تخف حدته
وبجيه خلصت اللوك .. سامحوني ما حصلت وايد صور قريبه للوك .. بس اقرب شي هاي الصورة .. وللي يعرفون جينيفر لوبز فالفيديو كليب مالها .. وهاي الصورة .. وممكن بعد مثل نانسي عجرم ففيديو قول تاني كده
وهاي صورة فستاني
وإن شاء الله يعيبكم اللوك .. واذا استانستوا وياي ادعولي بالذريه الصالحه .. والله يوفقكم
و فعلا لوك كيوووت
الله يرزقج و يرزقنا الذرية الصالحة ان شا الله
مشالله عليك ولعى مجهوددك..
الله يرزقك بالذرية الصالحة المعافاة ..
والله يوفقك في حياتك امييييين
الف شكر ياقمر
والله يرزقك بالذريه الصالحه يارب
الله يرزقك بالذرية الصالحة
يعطيك العافية
الله يرزقك بالذرية الصالحة
مشكوورة الغالية
و فعلا لوك كيوووت
الله يرزقج و يرزقنا الذرية الصالحة ان شا الله
العفو اختي .. مشكورة عالاطراء .. امين يارب الله يسمع منج
@شفايف كرز@
العفو غلاتي .. شكرًا عالمرور
البنت الدلوعه
فديتج الغلا .. امين يارب انا وكل محروم .. يوفقنا ويوفقج يارب
Noora
شكرًا على مرورج
عطــ فرنسيه ــور
الف عفو .. امين انا وكل محرومه يارب
احلا بنوته
العفو الغلا
امين انا وكل محرومه ان شاء الله
حلا2006
ناايس
يعطيك العافية
الله يرزقك بالذرية الصالحة
الله يعافيج ويحفظج .. امين وكل محرومه يارب
teslam eedek