موضوع قد يكون مكرر
ولكنه واقعي ومهم
فدعونا نتفاهم ونتبادل الاراء حتى لو كانت الفكرة مكررة
هو خاص للبنات وكلنا سمعنا عنه
او لاحضناه
او عن تجربة شخصية
لا اطيل
ما شعور الفتاة التي يتقدم عريس لخطبتها
ثم يراها ، وبعد يومين تتصل أم العريس لتخبر أم الفتاة بأن
ابنها لم يوافق على الزواج من ابنتها وإن الزواج قسمة ونصيب ..
ارجو ان تعطيني رأيك بكل صراحه
.. ولو مثلاً مرّ عليك هالموقف في الحقيقه (تجربه سابقه)
وهل ستكون صدمة ؟
عجبني واتمنى ان نتحاور بالموضوع
ولكم جزيل الشكرر
صديقتي انرفضت في نفس اللحظة !
مع انها اجمل وايد من الي خطبها !
تخيلي قال في لها في وجهها, انا ما ابغي جذي ابي جمال لبناني !
اي جمال لبناني احنا في البحرين يا اخي :confused::confused::confused:
وللعلم البنت بيضة وحلوة وناعمة وملامحها مو خليجية وهو اسمر غامق وحالته حالة :worn_out::worn_out::worn_out:
في رايي لازم الرد يكون باسلوب لطيف لو الولد ما اعجب في البنت او العكس, يقولون ما في نصيب والله يوفق الجميع من غير تجريح :rolleyes::rolleyes::rolleyes:
وصديقتي الثانية يتقدمون لها وما يردون اصلا خخخخخخخخخخخخخخخخ
كلش الناس صارت بدون ذوووق
:|:|:|
لأنا بالأول نسأل عن الشخص وأشوف صورته وأقابل أمه ونعرف معلوماته بالكامل وبعدين أفكر ولي صار أوكي أقابله
وبعد المقابلة أشوف أسلوبه وأقرر أو بالأحرى إحنا الإثنين نقرر
يعني هذا زواج
وأنا واثقة من نفسي يعني مو شرط يكون الرفض على أساس الجمال
ممكن إثنين يكونون تمام لكن ما يتطابقون
الزواج مثل شيئين مكملين لبعض مثل الشوكه والسكين ههههههههه
وبعض الشباب يخافون يرتبطون بوحده جميله مثل قصة صاحبة ماريا هو رفضها مش عشان إنها مو بمستوى الجمال اللي ف باله لكنه منصدم من قبحه قدامها عشان كذا رفضها.
والله إش حلاتنا يا الخليجيات نطيح الطير من السما ههههههههه
بياض وعيون كحيلة وخدود وردية وكله طبيعي مو عمليات تجميل ههههههه
فيا بنات لا تاخذون الأمور بحساسية زايدة الزواج قسمة ونصيب ومهم جدا اللين في القول يعني لي رفضتو رفضو بأدب ومن غير تجريح.
وجعله يارب مايصير لي لا انا ولا لخواتي المسلمات
لكن فعلا شي يزعل بس لازم البنت تثق بنفسها وبالعكس النظره الشرعيه يا توفق بينهم ياتبعد الشر عنهم
يعني كل مايصير خيييره
موضوع فعلاً حساس !..
إننا نلاقي الرد
وبصريح العبارة
وبدون أي إعتبار للمشاعر أو إحترام !..
مب شرط أي إنسان يخطب له وحدة ينعجب فيها ويقول يبيها
وحتى البنت مثل الشي ,
مب شرط أي شخص يجي لها بتقبل فيه
صح ولا لا ؟!..
بس الغلط الكبير
لمن يكون أسلوب الرفض ( وقح ) نوعاً ما
ممكن أن يقولون " قسمة ونصيب " وخلاص .. كان الله غفوراً رحيما
بعد ليش هـ الإطالة والتجريـح
إلي ممكن يسبب للبنات عقدة
أو يسبب للشاب عقدة ,
الحياة ماشية ترى ..
وشي إنه ما قبلت فيه ولا حبيته
يمكن ربك يرزق له بـ نصيب أفضـل منك
فـ أبداً ماله داعي ..
ولو تعرضت لمثل هـ المواقف
مستحيل إني أتآثر , لأني ولله الحمد واثقة من نفسي
والمفترض مثل هـ الرفض يقوي ثقتي بنفسي مب يقللها
لأن شخص بيرفضني بهـ الطريقة أبداً ما عنده ثقة في نفسه ويعاني من نقص
وعاد يبي يطلع نقصه فيني ويتفلسف ؟!.. ههههههه
وحتى لو أنا مثلاً .,
تقدموا لي أشخاص ما عجبوني
ما بروح أجرح فيهم وأقولها ما عجبتوني
بعتذر بطريقة لطيفة وعادية ما تحسس الشخص إنه فيه خلل أو عيب
بقول بس ما في قسمة ونصيب وبـ التوفيق إن شاء الله
وخير الكلام ما قل ودل !..
وليش اطولها بعد .. واقول أشياءات مالها داعي !..
بس كل شي قسمه ونصيب
واهم شي ان الشخص المتقدم عنده ذوق في الرفض :hysterical:
 |
اقتباس |  |
 |
المشاركة الأساسية كتبها Maryia  |
 |
 |
|
شي اكيد يزعل
:|:|:|
|
||
 |
 |
:|:hysterical: شنو ذي