مرحبا بنات ،
تذكرون من ضمن مشترواتي اللي فاتت كانت فرش ،
وما حبيت أعطيكم تفاصيل عنها ، لأني حابة أفرد لها موضوع خاص ،
هالفرش اسمها Crown Brushes ، واهي أمريكية ،
وعندهم أشكال وأرناق كثيرة وعجيبة من الفرش ، عن جد تحتارون شنو تختارون ،
أسعارهم حيل رخيصة ، وأرخص من فرش سيجما ،
وجودتهم حلوة مقارنة بسعرهم ، وما أكون مبالغة إذا قلت لكم إنها أحلى وأجود من فرش سيجما ،
بس عيبهم إن شعر بعض الفرش يطبح للأسف ، وللأمانة من مجموعة الفرش اللي طلبتهم شعر فرشاتين قاعد يطيح ، بس ليلحين ما صلّعوا 
،
أخليكم مع الصور ، ومن خلال الصور رح تشوفون شعر الفرش وبتعرفون جودتهم ،
وهذا ست فرش كانت مادحته خبيرة تجميل اسمها kandeejohnson ،
والحين زوووووووووووووووووووووووووم على بعض الفرش ،
وهذه الفرشاة عجييييبة ، نفش فرشاة سيجما F80 وأحلى منها بعد ،
طبعا ً كراون برش عندهم أشكال وأرناق من الفرش ، وعندهم مجموعات كبيرة ، وكل مجموعة لها اسم ،
أنا طلبت من 3 مجموعات ، وهي :
Italian Badger
&
Luna Badger
&
Syntho
أتمنى تستفيدون من هالنبذة الصغيرة ، وأي سؤال لا تترددون أبد ،
F:
ماقصرتي دوم متابعتك وتصويرك ماشاء الله دقة
لاني متاكده مواضيعك دوم مميزه
تصدقين عاد انا عندي هوس بالفرش وشكل الفرش الي حطيتيهم روعه
وسيجما في بعض الفرش حلوه وبعضها تعيسه
بس فرشه f80 احبهااااااااااا موت من كثر ماستخدمها خايفه تنعدم
وشجعتيني على هذي الي مثلها
اممممم طيب الست الثاني شو رايك فيه حلوين ومن اي موقع
طلبتيهم وتسلم يدك على الموضوع الروعه مثلك ياعسل
الله لايحرمنا تواجدك المميز تحياتي لك
حلو الريفيو ,, بااااين عليهم اانهم حلوين .. بس ابسالج شرايج بفرش سيجما كجودة لاني ناوية اطلبهم بس اخاف مب شي ..
سوري طلعت عن الموضوع بس حبيت استفسر .. ويعطيج الف عاااافية
مشكورة على الريفيو المفيد
حاولت اقيمج ميزاج معاند
ربي يحفظج ان شاء الله
F::L:
تسلمي على طرح تجربتك على البنات وان شاء الله يستفيدوا ..,,
بارك الله فيكي على الافادة الحلوووة للفراشي شكلهم حلووين فعلا
حبيت الكوليشكانات الي عندج وخاصة اشكلهم مرة عمليين وسهليين
ومتعددين يعني باشكال اول مرة اشوفها ,,
هل تجي معهم شرح لكل فرشة او سي دي ..؟؟
انا متشجعه على سيجما خاصة اخر 3 فرش عرضتهم مسزز بلنج
في المشتريات حبيتهم …
بارك الله فيكي ما قصرتي