* نبذة عن شعري * شعري عادي لا جاف و لا دهني بس مع الاسف المعالجة الكيماوية من شامبوهات و كريمات و حمام زيت دمرته .. هذا غير عن الصبغ الدوري !
الوضع الصحي للشعر :متقصف و يتساقط بشكل جدا جدا كبييير ..
و المستحضرات الي راح اوضعها راح تكون اغلبها للعناية بالشعر الضعيف و اللي يتساقط .
وطبعا الاشياء الي استخدمها كلها طبيعية من زيوت و غيره
شامبو بروبوليو : المنتج طبيعي بالعسل و هو انتاج لبناني , الشامبو يوقف تساقط الشعر و عطاني نتيجة طيبة من رابع استخدام … حسيت انه خفف التساقط
طبعا يصير استخدام بلسم بعده .. عكس بعض المنتجات الي ماتعطي فاعلية باستخدام بلسم من اي منتج ثاني بعده
و منتج يستحق التجربة
البلسم : استخدم فاتيكا و هو مناسب للشعر الضعيف و المتساقط يغذي الشعر و يقويه وحسيته حلوو للشعر .. بالنسبة للتساقط ما اقدر احكم .. بس بالنسبة للترطيب فهو ممتاز
حمام زيت برشوت : روعة و الي استحدمه ضد تساقط الشعر و طبعا هو بفاعلية خماسية و من هالحمام في نوعين في هذا النوع و الثاني للشعر المعالج كيماويا بس ذاك ماعجبني و استخدمت هذا و مستمرة عليه
بالنسبة للزيوت
الاول داثري : جدا ممتاز للشعر بس يبي له عناية و التزام بلي مكتوب فيه للحصول على نتيجة افضل و شخصيا ما كنت التزم و هاي الزيت لازم ينحط على الشعر مدة و يتم غسله بالشامبو بس اني ما كنت اسوي جذي كنت اخليه طول الليل و ما اغسله الا بالماي و يوم ثاني بالشامبو
الزيت الثاني برشوت : هالزيت استخدمه في شغلتين
الاولى / استخدمه لين بسوي مساج لشعري او بالاصح لفروة الراس
و الثانية / احطه مع الحنة حق ما يسبب لي جفاف
الزيت الثالث : جدايل و في ثلاثة انواع و خذيت النوع المقوي يستعمل بس مرتين بالاسبوع و طبعا استعمله مثل اي ماسك .. ساعة و اغسله
هاي احسن زيتين جربتهم و بالذات املا هو صج قديم و رخيص و ريحته و لا مسك بس زيت فعاااال
ينعم و يطول و يخلي الشعر لامع
الزيت الثاني فعال في تخفيف التساقط و يحفز علشان ينمو الشعر الزيت روعة وطبعا افضل بوجهة نظري من الزيوت الاولى الي فوق
في زيت من جدايل الخاص بالتطويل استخدمته و طول شعري بفترة قياسية فلي تبي تطول شعرها تستخدمه .
الاول كريم بالمرز استخدمه مثل اي جل لين بسوي تسريحة الكيرلي و احسه تمام افضل من الجل الي ييبس الشعر و يتعبه
الثاني زيت بس خفييف مو مثل الزيوت الباقية يعني ماتصير طبقة على الشعر و طبعا له فواايد وايد من اهمها علاج التساقط و ينبت الشعر
طبعا استخدمه في حالات معينة و في الوقت الي مابي يصير في شعري زيت يعني مثلا في وقت الزيارات لانه يصفف الشعر
هالاثنين استخدمهم للاستشوار لانهم يحمون الشعر من الحرارة بس الثاني افضل بوايد عن الاول و اقدر استخدمه حتى بدون استشوار
الاول يصلح للشعر الناعم و الخفيف
بالنسبة للجنة : كل اسبوع اسوي لي حنة في شعري و احط معاها زيت برشوت و النتيجة جدا ممتازة شعري صار اقوى واكثف و حتى لونه صار احلى
][ حاليا ً ][
شعري صار اقوى و افضل و احسن و التساقط ما زال موجود بس بنسبة اخف من قبل بوايد
طبعا شعري و لله الحمد واااايد كثيف رغم التساقط
بس المشكلة الشعر يتاخررر لين يطلع غيره
عموما افضل شيئين استخدمتهم هم الشامبو و زيت انوب . و بروحهم كفاية حق علاج التساقط
و حاضرة لاي استفسار
بس انشاء الله الحين اجربه وبجرب باقي الشغلات اذا شريتها
يعطيك العافيه ع المجهود الرائع ولك احلى تقييم
بنت عاشور طريقت عنايتج مميزة ومفيدة
بس اختي الزيت من وين ماخذته ؟
حبيت عنايتج بشعرج
بس عندي كم سؤال
منوين خذيتي الشامبو والحنة والزيت الي جنب كريم بالمرز
وشنو طريقتج ومقادير الحنة الي تسوينها ؟؟
وتستاهلين احلى تقييم
ويارب تحصلين الشعر الي تتمنينه يارب
ان شاء الله بجربها
بس بغيت اسألج الشامبو من وين ماخذته؟؟؟لاني عجبني وشعري يتساقط