اهلين بنات
هذي اول مشاركه لي في المنتدى
بس حبيت اخبركم بتجاربي مع الخلطات
والأقنعه اللي انا مجربتها بنفسي ولقيت الفائده منها ..
طبعاً اكثر هذي الخلطات ماخذتها من المنتديات وطبعا اشكر البنات اللي كتبوها لنا ولو اذكر اسمائهم كتبتهم لكن ناسيتهم ..
المهم ما اطول عليكم
ابتدي معاكم بقناع الشوفان
تأخذين الشوفان المطحون
وتضيفين له الماء ( للبشرة الدهنية )
والحليب ( للبشرة الجافة )
ثم تضيفين له العسل
وتخلطينه الى ان يصبح كالعجينه السائله قليلاً
وتضعينه على وجهك لمدة ربع ساعه ثم تغسلينه بالماء الفاتر .
والله هذا القناع رهيب للبشره خصوصاً مع المداومه عليه
مرتين بالأسبوع
ملاحظه : انا استخدمت معاه العسل بصراحه رهيب لكن مره قريت ان العسل يكثر الشعر اللي بالوجه ولقيت انه صحيح طلع لي شعر خفيف بوجهي ومنها ما اضيف العسل لأي خلطه للوجه
يالله بنات اذا لقيت التجاوب معاي بكمل معاكم باقي الخلطات للبشره والجسم ..
تحياتي ..
بانتظار المزيد من وصفاتج الحلوه … 
مشكوره اختي بنت الدار
فعلاً الشوفان حلو للبشره
وهذي خلطه ثانيه بعد جربتها
وتحتوي شوفان لكن انما ايه روعه
تأخذين ملعقة شوفان وتضيفين لها ملعقة عصير خيار
تخلطينهم جيداً وتتركينه على البشره لمدة ربع ساعه بعدها تغسلينه بالماء البارد … هذي الخلطه روعه في تنظيف البشره وتنقيتها ..
ان شاء الله نكمل
تحياتي
وبانتظار المزيد من تجاربك
..تحياتي
العفو حبيباتي
dandooneh
عطر الياسمين
وان شاء الله افيدكم
وهذا قناع للبشرة الدهنية
يصفيها ويفتح لونها
تأخذين ملعقتين خميره فوريه وملعقة حليب بودره
وبياض بيضة ورشة كركم وملعقة صغييره زيت اللوز
اخلطيهم جيداً واتركيه الخليط على وجهك لمدة ساعه
ثم اغسليه بالماء فقط بعدها امسحي وجهك بماء الورد
ان شاء الله نكمل
تحياتي
مشكووووورة جداً على هذه الوصفات الحلوة وان شاء الله اجربها
ننتظر المزيد
تقبلي تحياتي
أختكِ
عين الحياة
العفو حبيبتي عين الحياة
اذا جربتيها خبرينا بالنتائج
وهذا قناع النشا مرررررررره رهيب
استمريت عليه اسبوعين بس وفتح لون بشرتي وراحت الحبوب
اخذت ملعقة نشا واضفت لها ست ملاعق ماء ورد و ثمان ملاعق ماء
وخلطتهم على نار هادئة الى ان يصير كالكريم واذا برد تفرديه على بشرتك
وتتركينه الى ان يجف بعدها تغسليه بالماء البارد
وتراه ممتاز لإغلاق المسامات الواسعه
وممتاز بعد عملية تنظيف البشره
تحياتي
و الخلطة: كوب رز مطحون و كوب حليب بودرة و عصير ليمونة واحدة و ربع ملعقة صغيرة كركم و قليل من الماء حتى تتكون عحينه قابلة للفرد… بعد الاستحمام نشفي جسمك و دحرجي العجينة على جسمك و وجهك بحيث تترك طبقة متوسطة خلفها.. اتركيها لمدة 15 دقيقة.. الان ضعي قليلا من الماء على وجهك و افركي قليلا كالتقشير.. و ضعي ماء على جسمكي و افركي لمدة خمس دقائق .. سم اغسلى بدون استخدام الصابون..
الحليب = للنعومة
الارز = لتقشير البقع و الجلد الميت
الكركم = لقتل البكتيريا المسببة للحبوب
الليمون = لتبيض البشرة
تنبيه: يجب ان تلبسي قفاز مطاط لحماية الاظافر من لون الكركم…
اتمنى لكم الفائدة
مشكوره اختي uaewoman
شكلها خلطتك حلوه ان شاء الله اجربها
مره جربت خلطه روعه للجسم واستخدمتها بعد الحمام المغربي
وجسمي ما شاء الله نااااااااااااااااعم وريحته مسك لمدة ثلاث ايام ما تغيرت ريحته مع اني سبحت بالماء والصابون وحطيت لي عطور بعده
ريحة العطور راحت وريحة المسك هي اللي بقت ما طول عليكم
هالخلطه لبياض ونعومة وشد الجسم وتراها رهيييييييبه مررررررره
تخلطين ملعقتين سدر بودره طبعاً
وملعقة مسك بودره
ونصف ملعقة شبه مطحونه
تضيفين لها الماء وتخلطينها الى ان تصبح لينه
وتدهنين جسمك وتنتظرين عشر دقائق
بعدها تفركين جسمك باليد مع عمل مساج
بعدها تغسلين جسمك بالماء وبتلاحظين الفرق من اول استخدام
انصحكم بنات تجربوها لأنها مره حلوه
تحياتي