انا عارفه والله الكل داخل ومتلهف على خلطه او وصفه بس حرام علينا اللى بنعمله فى نفسنا وفى بعضنا ده
كل واحده ممكن تقترح خلطه من تأليفها وبدون تجربه وتقول مجرب واحنا بنصدقها ونتعشم فى النتايج السحريه
المرجوة من الخلطه ونشترى المكونات ونخلط ونجرب والنتيجه احيانا لاشئ واحيانا التهابات وحروق واثار تحاتج لشهور من العلاج
انا عن نفسى مثلكم بدور على خلطات البشرة واجرب اللى مكتوب انه مجرب وياما شفت بلاوى من ورا الشغلانه دى
واحده قالت حطى خميرة ومفعولها سحرى
حطيت الخميرة وبعدها وشى التهابت وحبوب و اكياس متقيحه وفضلت مده بتعالج بالمضادات الحيويه وكريمات التقشير الكيميائيه
ومره واحده قالت بودرة الاطفال مع الزنجبيل للتخلص من شعر الوجه بعد الحف الى الابد
وحطيته وماخدت الا الحريق فى وشى وبقى شكله كأنه مسلوخ وفضلت مده بكريمات مضاد الاتهاب لحد مارجعت شبه البشر الطبيعيين
وللامانه فيه وصفات فادت وفيه وصفات لا فادت ولا ضرت وضيعت فلوسى واملى فى بشره جميله
انا بس حبيت اقول للى بتجرب فى اخواتها فى الله حرام عليكى اتقى الله فى غيرك ولا تلعبى بامل واحده محتاسه لعل الله يكرمك بصحتك واولادك
واقول للى زيى بتجرب وتصدق بحسن نيه حرام عليكى نفسك فكرى ولا تستخدمى الا الوصفات الموثوق فيها وابعدى عن اى شئ حار او ممكن يسبب مشاكل
ولا اى واحده ايا كانت ولا مهما وسعت ثقافتها تقترح خلط كريمات كيميائيه لاى سبب
حتى لو كانت طبيبه امراض جلديه
واى واحده انصحها يكون لها طبيب ثقه تاخد مشورته ولو مرة فى السنه
ولا انها تضيع نفسها
واى واحده مهما كانت تعتبر نفسها مش جميله
احب اقولها ان ربك خلقك باحسن صورة وقبل ماتفكرى فى الخلطه السحريه فكرى بالتايج البشعه اللى ممكن تتعرضيلها نتيجه لعب لاعبه بيكى وببشرتك
انا ماكتبت الا من من خوفى عليكن ومن شفقتى باى واحده تشوف وتجرب اللى انا عشته
لانى قضيت مده كبيرة اخجل انى اقابل حد او حتى اخرج من بيتنا
اللهم بلغت اللهم فاشهد
فعلا كلامك صحيح المفروض ان الوحده ما تستعمل اي شي يكتب خا صه خلط الكريمات الكميائيه
لما فيه من اضرار على البشره
مشكوره اختي على النصيحه
كلام منطقي وياريت اي وحده قبل ماتنزل وصفه تتذكر هالكلام
روح نجد
dr/dina
تيته7
دهن عود أميري
nicolramii
sitto
يسلمو
وفعلا الوحدة مفروض ماتكتب اي وصفة الا مقتنعة
ومجربتها مو اي كلام
والله يجزيك كل خير على النصيحة والله يسعدك
دمتي في حفظ الرحمن ورعايته