خواتي اشحالكن كيف اموركن
كيف الاجازه وياكن
لو سمحتن خواتي اباكن تكتبن لي اسم كريم مرطب للبشرة الدهنية والحساسة انا بشرتي واااااااااااااااااااااايد دهنيه وايد حساسة يعني لدرجة اني اذا حطيت الخيار الي هو الطف شي يسببلي حساسية بسرعه في لمح البصر ويخلي وووويهي احمر ويظهرلي حبوب حمره صغيره وعقب حبوب تخرع
انا ليش ابغي كريم مرطب لبشرتي مه انها دهنيه لاني من كثر مااغسلها بالصابون صح ادهن لكن استوت بشرتي تحرقني وويوم المسها احس انها بتتقطع مع اني يوم اشوفها اشوفها مب جافه بالعكس مدهنه ويوم احط مكياج تظهر بشرتي متقشره
ابا تجاربكن باي نوع تنصحني فيه والمهم انه يكون كريم بس ما يزيت او يدهن ولو يكون جل بيكون احلى واحلى
اذا ما عليكن امر تحطن اسم الكريم بالعربي وبالانجليزي + وصورته + ومن وين اشتريتيه
اترياكن يالغاليات
اختي انا بنصحج نصيحة
اذا بشرتج لها الدرجة من الحساسية يفضل استشارة طبيبة مختصة افضل اختي
وانا بقولك ليش ؟؟
اولا بشرتك حساسة حتى من المواد الطبيعية اخاف انصحك بشي وتتحسين منه وما تقدرين ابدا تستعملين شي
ابحثي عن افضل طبيب او طبيبة جلد وبعدها بيوصفلك المواد الجيدة لبشرتك وممكن تخلينه يوصفك كريم يعادل نسبة الدهون في البشرة وتكون متوزانه وتخفف من الحساسية وبعدها راح تنحل المشكلة
وهذه نصحيتي حبوبة موووفقة :shy:
وعليكم السلام ،
أتي أنا بشرتي دهنية وحساسة بس مو نفس حساسية بشرتج ،
لذلك أنصحج بنصيحة الأخت مسزز غموضة ، وأقول لو تروحين لدكتورة جلدية أفضل ،
موفقة 
،
ينقل إلى ركن العناية بالبشرة والجسم ،،
أنا بشرتي دهنيه وحساسه بس مب مثلج
عن نفسي أنا استخدم المرطب الجل من كلينك