يا جماعة انا من الناس اللي ما تعرف تشيل ايدينها
لانو الذراع من فوق وصولا للكتف دايما لما اشيل يطلع فيها حب صغير يفرش على كل الايد ..
المهم هالمره شلت واستخدمت الفيوسيدين ولا طلع شي ..
لكن بعدها باسبوع استخدمت خلطة الدوف اذا سمعتوا بيها ..
وهيه صابونة دوف خضرا وهاذي ما منها ضرر مع زيوت اخرى ..
اللي استغربته مباشرة بالليلة اللي شلت فيها الخلطة
طلعلي حب صغير احمر مثل حب الحساسية ..
حد يعاني مثل مشكلتي؟ وايش الحل ؟
والمشكلة بس بشكل ثاني في رجولي ..
نقط سوده ومصايب يعني مو بس مسامات كبيره ..
بصراحه يجيني اكتئاب لما اشوف صاحبتي اللي معي بالسكن ..
ما شاء الله جسمها صافي ولون واحد وهي ابد مو مهتمه ..
وانا اللي هاريه نفسي خلطات لا حياة لمن تنادي ..
والحل؟ الشكوى لله ثم لكم ..
دمتم، وعذرا على الاطالة ..
السلام عليكم …
بالنسبه لحبوب الايد ما ادري بس انا جربت وصفة بنت عذاري لشهر العسل وكانت ممتازه ورووووعه ^^ عن جد شي راااااااائع ..
وبالنسبه للنقط اللي بالريول ما ادري بس من كلام البنات ان زيت الزيتون ينفع لازالة النقط والحبوب اللي تكون بالريول ..
جربي وان شالله تفيد وياج …
والسموحه منج ..
الف شكر على مرورك الحلو اختي غلا حمد وردك الاحلى ..
انا ماشية على خلطات كثيرة من مدة ..
بعضها لبنت عذاري وبعضها للعضوات ..
بس النقط ما راحت ..
ومشكلة ايديني هذي مخوفتني احط شي على جسمي ..
يا ريت اللي عندها حل تسعفني بيه ، ودمتم ..
السلام عليكم ..