حبيت اسأل اذا جربتوا أو نعرفون حد مسوي ليزر للجسم كامل
وعند أي عيادة؟؟؟ أي دكتور؟؟؟؟ شلون النتايج؟؟ وكم جلسة؟؟ وشلووون الأسعار؟؟:
أدري سندرتكم بأسئلتي :21_186:
بس ابي اسوي ليزر وسمعت كلام واايد ومحتارة
فقلت اخذ رااايكم عشان استفيد
والسموحة طولت عليكم:8875:
الحمدالله واايد ارتحت وبعد 4 جلسه اتشوفين نتايج واضحه
بس يبيلج عل اقل 6 جلسات بس هل شي يعتمد ويختلف من جسم لجسم
ومشكووورة على مرورج وردج:21_148:
وبالنسبة للسعر عادي في حدود المعقول
وموفقه
وتسلمين يالغلا
انا سويت ويهي عند د.طارق سعيد ومانصحج بغيره
شعر ويهي ماقط شلته بس كنت اشيل شنبي ومنطقة الذق بالواكس او الخيط لين صار الشعر جاسي واسود وكنت مقرره اني اسوي ليزر من جذيه كنت مخليه شعر ويهي وكنت اشقره والتشقير ماقصر عفس ويهي اكثر وخله الشعر يابس وزااااد عن قبل
اول ماتروحين عند طارق يقعد معاج الدكتور او الدكتوره وتشوف نوعيه الشعر والبشره واذا تحتاجين ليزر او لا وتطلب منج تحليل للهرمونات لأن اذا سمله عليج عندج مشكله فالهرومونات لازم تعالجينها اول وعقب تسوين ليزر
اما عن الجلسات فتختلف من وحده لي الثانيه انا لاحظت الفرق من الجلسه الرابعه تقريبا وكل مره تلاحظين اختلاف فنوعية الشعر والمده اللي بيطلع لج فيها الشعر مره ثانيه
انا اللحين تقريبا سويت 10 جلسات لشنبي و 8 لويهي والحمدلله مرتاحه من النتيجه الشعر صار خفيف وناعم
وناويه ابتدي فمناطق ثانيه يدي وعقب ريلي ان شاء الله
سميره المتروك مانصحج فيها وايد حرقت ناس وماعندها ذيج الخبره في الليزر اللي عند طارق ويقولج اسأل مجرب ولا تسأل طبيب انا يوم كنت اروح وانتظر دوري كنت اسمع سوالف البنات والحريم ( خبرج اذا تيمعو شيصير) عن سميره المتروك واغلبهم اييون يكملون عند طارق وقلة اللي يمدحونها
اما عن الاسعار فالاسعار وااااااااااااااااااايد زينه ومعقوله
هاذي تجربتي واتمنى اني افدتج
تحياتي لج
اشكرج على معلوماتج حبيبتي وانا قررت اروح عيادة دكتور طارق سعيد أول ماارد البحرين انشالله
بس افضل لو كانت دكتورة لاني ابي اسوي الجسم كامل
تسلمين حبوبة على مرووورج ماقصرتي كفيتي ووفيتي يالغلا
تر اللي يسووون هناك ممرضات يعني مو دكتور والقسم بس للحريم يعني ( ممنوع دخول الرجال) ههههههههههههههه
تطمني
ممكن اعرف اسعار دكتور طارق سعيد للرجلين والوجه
واذا ما فيها ازعاج ابي رقم عيادته
روز