بشرينا عنج يا (دكتورة المنتدى)
على ذراعي و بشكل غريب ..يبدا من فوق عند الكتف فاتح و بعدين يبدا يغمج من منتصف الزند الى
منتصف الذراع.
واللي ياما سمعتها و اجرحتني
ما فيه ماده معينه( والله ما اذكر شنهي) لاني مسويه العمليه هذي من زمااااااان
العجيب اني الاحظ نتيجه على وجهي… بس جسمي …لا
عباره عن:
زيت زيتون معصور عالبارد
زيت خروع
زيت سمسم
عشان تكون الخلطه مضبوطه و تادي مهمتها
الناحيه الداخليه(جهة التقاء الساقين ) بالعكس واااااااايد فاتحه… فالفرق واضح بين الناحيتين
ماعليك شر ان شاء الله
انتي بشرتك حساسه والبشره الحساسه تتضرر من الشمس والحراره بسرعه
انصحك اولا وقبل اي شيء باستخدام واقي عن الشمي بدرجة حمايه لاتقل عن 40 اس بي اف
لحماية بشرتك وتجنب اسمرارها.
وجربي لوشن ألفابلاس من منتجات البحر الميت بالاردن وهو رائع عن تجربه
لكل الجسم وهو مرطب ممتاز للبشره..استخدميه بعد كل استحمام
واستمري عليه لظهرك ويدينك وسيقانك وهو غير ضار وينصح به اطباء الجلد
وهو متوفر بالصيدليات وبعد ماتحسي ان بشرتك بدات تتجاوب معاه
تبدئين باستخدام خلطات الجسم المبيضه من الزيوت الطبيعيه
والالفا بلاس يحتاج لمداومه عليه للحصول على نتائج ملحوظه
وربي يحفظك
ان شاااااااااء الله بسوي اللي قلتيلي عليه ..
بس بالنسبه حق لوشن الفابلاس.. اتوقع اني ما راح القاه
لاني الحين في كندا… و اتوقع اني ما اقدر القاه بصيدلياتهم
ما عندج فكره اذا في شي بديل عنه؟؟؟
و شي ثاني
حبوبتي… نسيتي ما حطيتيلي مقادير الزيوت اللي ذكرتها لج مع الجلسرين..
و الله يجزيج الجنه انتي و والدينج يالغاليه
,, .. هلا حبيبتي ام جود مشكلتك طبيعيه ويؤسفني اقولك انها مالها حــل 
..,,
,,.. مهما سويتي بيخفف المشكله لكن ماراح يزيلها نهائياً .. ..,,
,,.. لانه الاشخاص الي يكونون لون بشرتهم بين الاسمر والابيض 50% منهم ينقسم لون ذراعهم للونين .. لون ابيض ولون اسمر وهاذا دليل انك بين اللونين و مهما سويتي ماله حل ..,,
,,.. وهاذا كلام طبيبة معاها شهادة من بريطانيــا ,, تقدرين تخففين المشكله بالحمام المغربي لكن ازالتها نهائياً ماتقدرين .. انا مقدر احكم لو انه لونك بين الابيض و الاسمر لكن انتي ادرى لو كنتي كذا مهما سويتي ماراح ينفع معاكــي .. لكن لو لونك ابيض او اسمر ولستي بينهم يصير سوي مثل ما قالت لك بنت عذاري ..,,
,,.. وبالنسبه للزيوت راح تفيدك في التنعيم اكثر من التبييض لكن زيت الخروع مفيد للتبييض والطريقه انك تستخدمين ملعقتين من كل زيت وتوزعينه على جسمك وتنامين ببجامه قطن .. اسفه يمكن اكون احبطتــك بس حبيت اني افيدك ..,,
,,.. تحيــاتـــي ..,,
~*~*~*~*~*~*~
الله معك
وتنحل مشكلتك يااارب
❤ اللهم اجعلني ممن توكل عليك فكفيتهـ و استهداك فهديتهـ واستنصرك فنصرتهـ ❤
عاد تبين الصج؟
انا بصراحه كان عندي احساس انه مشكلتي هذي مالها حل… بس مثل ما تقولين
قلت اجرب….. و اللي زادني اقتناع باحساسي .. اني مو قاعده اشوف اي تطور بالموضوع
ابدا
الله كريم ان شاء الله
و ادعولي يا بنات ان الله يجملني دائما بعين زوجي
مشكوووووره يا هابي على ردج … و الله يسمع منج ان شاء الله
و الله يعطيكم العافية جميعا
وينج يا بنت عذاري… انا ناطره ردج على سؤالي…
اكيد مشغوله …لاني ادري فيج ما تقصرين
في استفسار بعد… يا ربي اتحمليني ادري اسئلتي زادت…
امس كنت قاره في واحد من المنتديات عن عصير ينشرب لفتره معينه و يبيض الجسم
لخبير الاعشاب..زين الاتات…على ما اعتقد..
و في من قال انه خطير و اذا زادت جرعاته قد يحول الى سم… مع اني ما اقتنعت بهالكلام لان
مكوناته كلها طبيعيه… و اهو عباره عن… كوب لبن(لبن مو حليب)
نص فنجان خل تفاح
نص فنجان عصير فجل
و ينشرب على الريج على ما اظن و قبل النوم
و قالو ان هذا العصير ما يشربه الا اللي فيه تصبغات بالجلد(مثل حالتي يعني) واللي ما
يعانون من تصبغات ما يشربونه لانه له جرعه معينه و اذا زادت قد تؤدي للبرص و العياذ بالله
شنو رايج بهالكلام؟؟؟
انا بالنسبه لي شايفه ان المكونات طبيعيه و ما اظن تضر
بس شنو علاقة المشروووووب…بتبييض البشره..او ازالة تصبغات البشره؟؟؟
فععععلا ابي رايج بهالموضوع يا بنت عذاري…
و اي وحده بعد يا بنات عندها خبره او اي معلومات عن هالموضوع.. ارجو ان تدلو بدلوها
و دمتم سالمين
حبيبتي شوفي هل رابط عن كيفيه عمل الحمام المغربي في المنزل
((الحمام المغربي)) .. علاج واسترخاء مع روح البحرين
اختك
روح البحرين
يا حبيبتي يا روح البحرين
و ربي يعطيج العافيه ان شاء الله