اخواتي العزيزات بنات اليمن
لي طلب واتمنى ماتخيبوني ارجوكم
زوجي يحب الاكلات اليمنية كثير
ويبغاني اسويها له في شهررمضان
فأرجوكم تساعدوني
وياليت من اي وحدة تقدرتحط مقاديرها وكيفية طريقتها بالصور عشان اطبقهاااااا صح
الحمد لله انا اعرف الطبخ كثير وزوجي دايما يمدح في طبخي بس يوم قال لي ابغاك تسوي لي اكل يمني قلت مااعرف شلون يسووها سمعت بس بها لكن الطبخ مااعرف فقلت راح ادخل على المنتدى واشوف من الاخوات وان شاء الله ماتخيبوا ظني وراح ادعي لكم من كل قلبي
وربي يجازيكم الف خير
اختكم حنانت
هلا بك اختي حنانت انا من اليمن ومقيمة في السعودية جدة
طيب ماوضحتي ايش اللي تبغيه بالتحديد علشان ممكن اقدر اساعدك في شيء
ويش طلباتك عشان نقدر نفيدك ؟ :icon9:
عندي طريقة السبايا ( او بنت الصحن )
عندي طريقة السلتة
ايش رأيك :21_207:
وش من اكلات تبغيها؟
تاخرت على موضوعي والسبب الفيروسات المليانه عندي بالكمبيوتر
المهممممممممممم
ابي طريقة السلته والحلبه والللحوح والشفوت
اممممم وش بعد ياربي
ايواااااااااااا في حاجه اسمهاااااا الفحسه
والله مدري المهم ابي الاكلات كلها حقتكم يابنات اليمن ياحلوين
بنت الصحن اعرفها مابيها
المهم ارجوكم ساعدوني وياليت توضحون لي بطريقة كل وحده وبالصورعشان افهم اكثر
وربي لايحرمنا منكم يااااااااااااااااااااااارب
اختي حنانت انا بعطيكي السلتة حسب ماانا اسويها واكيد تختلف بعض الشي من وحدة لوحدة + الحلبة اما اللحوح كم مرة حاولت اني اسوي اللحوح بس ماضطت معي واكيد البنات ما شاء الله عليهن مايقصروا معك وكل واحدة بتدلوا بدلوها
بسم الله نبدأ
الولا السلتة
المقادير حسب الكمية اللي انتي تبغيها
حبة كوسة + حبة جزرة+ حبة بطاطس+ لحم مفروم او مقطع الي قطع صغيرة جدا حسب رغبتك +ملح + 3فصوص ثوم + 1قرن فلفل حار اخضر + 2حبات طماطم مفرومة +ملعقة كبيرة معجون طماطم (اختياري) + بصل + فلفل اسود + شوية كركم (هرد)
الطريقة
نقطع البصل التقطيع العادي نضع عليه قليل من السمن او الزيت ثم نضعه في القدرعلي النار ونكشنه مع الثوم والفلفل الحار المدقوق سابقا ثم نخلط الطماطم في الخلاط الجك حتى تكون مثل الصلصة ثم نضعه الي الكشنة ونحرك بستمرار ثم نضع عليه اللحم المقطع الي مكعبات بعد غسله ونستمر بالتحريك ثم نضع عليه الماء المغلي وتركه ساعة الاربع تكون اللحم قربت تستوي في هذي الاثناء قشري البطاطس وقطعيها مع الجزرة والكوسة الي مكعبات صغيرة جدا ثم ضعيها علي اللحم حتى تستوي مع اضافة الملح واذا احتاجت ماء ممكن اضافة لها وتكون متسبكة وما تكون فيها موية كثير الحين انتهينا من السلتة تقريبا
الحلبة
الحلبة تشتريها من عند العطار اما تشتريها مطحونة او حب وتطحنيها انتي في البيت والطحن في البيت احسن وافضل وهذا اللي انا اسويه المهم
خذي 2ملعقة حلبة مطحونة وانقعيها في 3كاسات موية لمدة 2-3 ساعات او حسب وقتك في هذي الاثناء حضري الخلطة تبع الحلبة وهي
قليل من النعناع الاخضر حبة طماطم فلفل اخضر حار ودقيهم مع بعض وبتحتاجي للحلبة ليمون او حمر اللي هو ( تمر هندي )
بعد مضي الوقت اتخلصي من الموية حق الحلبة وبتجدي الحلبة راسية في قاع الزبدية ثم تضعي فيها قليل من عود الحلبة هو كذا اسمه عود
حلبة ويكون مطحون بودرة واسألي عنه العطار وممكن يقلك العطار انه موجود في الحلبة يعني مخلوط فيها يعني خلاص ما تضعي فيها المهم خلي القليل منه لا تكثري حتى لا تجي مر اضربي الحلبة بالمضرب الكهربائي او ضعيها في الخلاط الجك اخلطيها مع اضافة الملح والليمون او الحمر بعد تنقيعه في الماء حوالي كاسة ( ملاحظة لاتخلي الحمر مع الليمون بس حاجة وحدة منهم بس) ثم اضيفي الخلطة اللي سوتيها واخفقيها 10-15 دقيقة حتى تسير بيضاء انتهينا من الحلبة نرجع للسلتة ضعي السلتة في طبق التقديم بس يكون الطبق حار جدا طبعا السلتة لها طبق خاص فيها اذا ماوجد عندك هذا الطبق خليها في زبدية حديد وخليها علي النار واسكبي السلتة فيه والنار والعة ثم ضعي عليها الحلبة وقدميها وهي حااااااااااارة والعافية
اما الفحسة اظن انها من اللحم المفروم بس ما ادري كيف تنطبخ اعذريني بارك الله فيكي وسمحيني علي التقصير وعلي طول الكلام
حسب عـدد الأشخـاص ( وهـذه المقادير مقـاس زبـدية كبيـرة )
انا اسوي نصف ملعقة كبيرة حلبة مطحونة + وننقعها في الماء لمدة 2 أو 3 ســاعـات وبعـد مرور الثلاث ســاعــات
نصفيهــا ونحطهــا في الخلاط ونحط معــاه حبة صغيرة بصل أحمر + فلفل اخضر حار حسب الرغبة + كرات + ملح
+وليمون وتخلط بالخلاط جيــداً ثم تقــدم .
انا بقول لك على الشفوت وهو اسهل شي
المقادير
زبادي
نعناع ,بقدونس , كزبره
قليل من الفلفل والكمون
ملح
عيش (خبز )
فلفل حار اخضر او احمر
فص ثوم
طريقه عمل الشفوت :-
نخلط جميع المقادير في الخلاط ما عدا الخبز
يسكب الخليط في وعاء عميق ثم يضاف اليه الخبز بعد تقطيعه
وبالهناء والشفاء
اساس الشفوت هو اللحوح بس انا احبه احلى بالعيش