بنات الإمارات حد مجرب مركز علاج الشعر؟ 2024.

السلام عليكم ورحمة الله وبركاته..

شعري صار بحاله يرثى لها..

كانوا يقولونلي شعري شعر هنديه وانا صغيره من نعومة وكثافة وطول شعري..

والحين وللأسف تدمر مع اني ما صبغته أبد..

والسبب الرئيسي هو علاج حب الشباب Roacutane مع انه بصراحه وايد فاد ويهي وصار صافي وقلت الافرازات الدهنيه.. بس في نفس الوقت جفف شعري وااايد.. وشعري الجديد اللي نبت وااااايد خشن وخفيف وجاف ومقصف… الحمد لله على كل حال..

حاولت أجرب زيوت.. حمامات زيت… إلخ.. وبصراحه ما عندي طولة بال وما انتظمت على خلطه..

المهم اللي يشوف الفرق بين شعري القديم.. وشعري الجديد اللي نبت بعد العلاج يسألني ملست شعري؟!! لأن شعري من تحت وايد ناعم ويلمع ماشالله.. والجديد عكسه تماماً!!

باقي 4 أو 3 شهور تقريباً وأتزوج.. وأبا شعري يرد لطبيعته قبل العرس.. ونصحوني بالتمليس بس أنا مازال عندي أمل يرجع شعري لطبيعته.. حرام أملسه وهو أصلاً ناعم..

سمعت عن المركز الألماني لعلاج الشعر.. وفكرت أجرب العلاج عندهم.. بس متردده ولأن أسعارهم غاليه خفت يكونون استغلاليين ويدمرون شعري..

حد منكم سمع عنهم او جرب العلاج عندهم؟ وبشو تنصحوني؟

وتسلمون..

والله يالغالية انا ماني من الامارات بس اقدر اقول لك استخدمي زيت اللوز الحلو باستمرار -او خلطة الزيوت السبعة لتنعيم الشعر وانشاء الله بتحصلين الفائدة .
والف مبروك مقدم

مشكوره اختي ام السعد الحلوه على المرور والنصيحه.. يزاج الله خير..

كنت استخدم زيوت وقالتلي وحده تشتغل في صالون ان الزيوت الطبيعيه تجفف الشعر! وقالت لازم استبدلها بحمامات زيت.. والله احترت وياهم..

والله يبارك فيج ويجعل أيامج كلها سعد..

والله ياأختى ماعندي فكره عنهم…بس صدقيني الزيوت وايد مفيده للشعر …جربي زيت الحيه الي ينباع عند العطارين …أنا الصراحه شعري اخترب من كثر الصبغات والهايلايت ..متعبتنه كل شهر صبغه … هو بروحه جاف وزاد جفاف وتقصف بس يوم أستخدمت زيت الحيه والله رد أحسن من قبل لمعه ونعومه و والله أنه كثف شعري … أستخدميه وشوفي .. بس اشتري الي عند العطارين :shy: