حبيت أفيد المنتدى و عضواته بخبرتي في أمور الديكور بحكم تخصصي فإللي عندها أي إستفسار أنا حاضرة بإللي أقدر عليه….
و بابدأ بالرد على تساؤلات الإخت bint_zayed و هذي نص سؤالها:
اسمحيلي عالرساله المفاحئه ..
بس ردج علي موضوع وحده من الخوات ومشاءالله ذوقج روعه وانتي مصممه فحبيت استفيد من خبرتج …
مم انا بسكن فبيت اهل ريلي وبتكون لي غرفة وهالغرفه فيها باب يودي للصاله وفالصاله الحمام انتي بكرامه ..
المشكله ان الصبغ اسباني لونه اخضر فاتح … الصاله والحجره … الصعوبه في اني كيف انسق الحجره والصبغ جي ولاتقولين اغيره لان بتطلع من بيت اهله فما يحتاي اغيره …
وغرةة النوم (الاثاث) بتكون خشب احس مايركب عالصبغ … واحس الحجره تطلع مادري كيف … ؟؟!1
ابا رايج وافكارج واسمحيلي عالازعاج
لون الجدار إللي تقولين عنه أعتقد يشبه اللون إللي بالصورة المرفقة إذا ما تشبها يا ريت تحطين لي صور تشابه اللون إللي عندج
بس أبي أعرف شنو نوعية الأرضية و لونه؟؟
ا و أنواع الإضاءة عندج مركزة على شنو؟
أقصد إضاءة طبيعية "من النوافذ" أو صناعية "ليتات" و شنو ألوانهم "أبيض أو أصفر؟"
ردي على أسئلتي علشان أعطيج الحلول إللي تكسر تشابه الألوان في ملحقج….
الظاهر مستغنيين عن خداماتي …. يزاني الله خير
 |
اقتباس |  |
 |
المشاركة الأساسية كتبها اَخر العنقود |  |
 |
| إختي بنت زايد أشكرج على ثقتج و مساعدتي لج تشرفني
لون الجدار إللي تقولين عنه أعتقد يشبه اللون إللي بالصورة المرفقة إذا ما تشبها يا ريت تحطين لي صور تشابه اللون إللي عندج بس أبي أعرف شنو نوعية الأرضية و لونه؟؟ ردي على أسئلتي علشان أعطيج الحلول إللي تكسر تشابه الألوان في ملحقج…. |
||
 |
 |
اسمحيلي توني شفت الموضوع… ومشكوره عالمساعده وان شاء الله الكل يستفيد :clap:
لون الارضيه سيراميك غامج …
والاضاءه *ثريات 2 * لونه اصفر بس … والحجره شوي عوده وفيها دريشتين 
والصاله ممممم اضائتها بيضا وفيها دريشه
اتريا ردج
حبيبتي لا تزعلين كملي موضوعك
وعساج على القوة يالغالية
مالنا غناة عن ذوقج
انزين الغاليه انا عندي سؤال
عن الاكسسوارات التجميليه لغرف النوم
اذا عندج افكار مميزه
|
اقتباس | |
|
المشاركة الأساسية كتبها bint_zayed | |
|
| اسمحيلي توني شفت الموضوع… ومشكوره عالمساعده وان شاء الله الكل يستفيد :clap: لون الارضيه سيراميك غامج … والاضاءه *ثريات 2 * لونه اصفر بس … والحجره شوي عوده وفيها دريشتين والصاله ممممم اضائتها بيضا وفيها دريشه اتريا ردج |
||
|
|
هلا فيج يا بنت زايد و سامحيني علتأخير فلرد خبرج رمضان و حوسه و كل عام و إنتو بخير
ملحقج إللي يميزه إن الإضاءة تختلف من غرفتج عن الصالة و هذا بحد ذاته حل لتشابه ا لألوان في الملحق… علشان تكسرين الروتين إللي راح يخلقه التشابه بلألوان إختاري أحد الحلول التالية:
1- تشترين "STAMP" او " STENCIL" و و الستامب عبارة عن أشكال بارزه تغطينها بالصبغ و تطبعينه علطوف و الستنسل عبارة عن قوالب مفرغة تلزقينها علطوف و تملين الفراغات إللي فيه بالصبغ<<<<<< ميزة هلحل إن يخلق لج تأثيرات مغايرة عن تأثيرات الغرفة الثانيه علطوف و لأن الجدار يغطي اكبر مساحه من الغرفة فبالتالي بيكون اكبر جزء يلفت الإنتباه فبيصير شكله كأن عليه واال بيبر "ورق جدران">>>>>
هلتقنيه أنصحج تطبقينها علصالة بحيث يمون لون الطبع أو الستنسل ألوان جريئة مثل البرتقالي الناري و طقم الجلوس يكون بيج غامج و عليه إكسسوارات أورانج و أخضر و فلوسط قطعة زل برتقالية مدرجه من الفاتح إلى الغامق "تلقين منه في السوق وايد" و الستاره قماش ساده مخططة بيج مع برتقالي و لمسات خضرا…. بهلخطوات راح تعززين لون الأخضر بوجود البرتقالي فالإنعكاسات الضوئية عليه راح يعطيج لون ثاني…
1-1 – حل ثان للصالة:
هلحل أسهل فتطبيقة إشتري رولة صبغ مكرمشة تلقينها عند محلات الصبغ و إشتري صبغ "ميتالك من جوتن" عندج الذهبي وايد حلو و خلطيه بلماء عشان تخففين حدة الذهبي و ترولينه علطووف بخفه بس مجرد تعطينه لمسات ذهبيه فراح يتغير لج لون الطوف و تقدرين مع هللون تستخدمين البرتقالي بس بشكل خفييييييييييف جدا
2- بالنسبة لغرفة النوم تجنبي الألوان الصارخة و النارية تجنب تااااااااااااااااام لأنها ما تساعد علنوم و خصوصا إذا صار عندج بيبي ….
أقترح عليج ما تغيريبن في الطوف ولا شي و تختارين أثاث خشبي غامق و الستارة و الشراشف تكون بيضاء أو بيج على حسب ذوقج و لا تكثرين فلإكسسوارت علشان تخلقين جو مغاير في حجرة النوم يعني حجرتج خليها تعكس الهدوء و الصالة مكان الحيوية و النشاط… أرضية حجرة النوم لازم تتميز بالدفء فأقترح عليج تاخذين قطع الفرو بدل الزل العادي و تفرشين فيه أماكن مختلفة بدون ما تغطين الأرضية كلها به لأن بيصير دفش … مثال فرشي قطعه صغيرة عند السررير و قطعه ثانيه عند التسريحه و بس…
2-2- حل ثاني لغرفة النوم:
دام الجدار أخضر فتقدرين تركزين على هذا اللون و تعززينه و هو لون حلو لغرفة النوم لأن يبعث في النفس الهدوء … شلون تعززين هذا اللون ؟؟
طبعا الأثاث إذا خشب يمشي مع كل لون فالخشب إختيار ممتاز
نجي للستاير و المفارش و الزل
إختاري ألوان الأخضر بتدرجاته يعني خلطي الزيتي مع الأخضر الفستقي و لمسات بسيطة من الأخضر الخالص "لون اوراق الشجر"
تجنبي الذهبي و الفضي فغرفة النوم علشان تستخدمينهم فلصالة فبالتالي بتميزين المكانين…
أرجو إني أفدتج و سامحيني علتأخير و أي سؤال أنا حاضرة لج يلغالية