شلونكم بنات
انا اشكر كل وحده تكتب في هالموضوع وقاعده تفيدنا بافكارها
وانا اليوم احتاج مشورتكم قبل الساعه لاتصير الساعه 4
اليوم خطيبي بياخذني اتعشى في بيتهم بس بيني قبلها عشان ماشفته من فتره لان كان مسافر 5 ايام, انا زواجي قريب عقب اسبوعين _________________> قصه حياتها
المهم انا حابه اشتري له شي حلو وبسيط وبيستانس فيه ماعرف شنو اخذ له؟ شورو علي وشلون اقدم له الهديه؟
مفكره اخذ له هديه حلوة واخليها على السرير مع باقه ورد؟ بس خطيبي مايحب الورد مو رومانسي بالمره 
او انه اشتري له شي واخلي في خزانه الملابس نوع من انواع المفاجئه؟ شرايكم ارجوكم فيدوني
ومره ثانيه اشكر كل الي يفيدونا بتجاربهم جزاكم الله الف خير
او سويله مفاجاه بروحك البسيله لبس عادي بس لمن تروحي هناك قوليله امبا مويه
هو بيروح يجيبلك البسي غير الي لبستنه بس يكون حلو… *_^عاد افهميها
المهم اشتري له هديه حلوة بدل الورد لانهاا راح تذبل …………………
انا اوافق بنت زايد في الرأي : )
ما ينبغي تتجرئين كثييير مع خطيبك!!
مايصير..وشكل الأخت اللي فوقي فاهمه غلط..حبيبتي هذا خطيبها مو زوجها..
عموماً الله يوفقك ويهنيك ويسخر لك…اممم خذي له بدله إذا يحب البدل
ور كب لها جزم وعطر..
موفقه حبيبتي والجمييييييع يارب: )
ترى في البحرين الخطيب هو الزوج
احنا نسميه كذا عقب الملجة او العقد
نقول خطيب ونسميها فترة خطوبة
يعني زوجها على سنة الله ورسوله
وش خليتوا وش بقيتوا للزواج أنتي تطلعين تتعشين وفي بيته بعد ( الله عليكم )
والثانيه تقول رقصت قدامه ( بتنوره لين نص الفخذ )
والثالثه مسويه له حفله ( في غرفتها )
؟؟؟؟؟؟؟؟؟؟؟؟؟؟؟؟؟؟؟؟؟
صحيح هو زوجك شرعا
بس الوحده زينتها وقدرها عند زوجها بقدر حيااائها حتى لو لها عشر سنين متزوجه
كل ماكانت المرأءه خجوله بحدود المقبول كان زوجها ذااايب فيها ويتمناها
بس الجراءه الزايده تخرب البنت وتطيحها من عين زوجها
معليش أختي لا تزعلين مني ؟؟؟؟؟؟
بس والله شيء يشيب الراس ( ذهب الحياء ) من بعض البنات
مما جعل الشباب يتكلمون على وقاحة بعضهن ؟؟؟؟ وأصبح الرجل هو الذي يستحي من المرأه
الكلام ليس موجه لك أختي
ولاكنها نصيحة أخت محبه ( متزوجه ) لي 6 سنوات وهذا ماسمعته ورأيته بعيني من حولي
– وحده من صديقاتي تطلقت قبل زواجها بأسبوع بسبب جرأتها الزايده وضن زوجها بها السوء وتوقع بأن هذا حالها من قبل الخطوبه فكره منها ذلك وطلب فتاة أكثر حياء منها
– واحد من أخواني سوت له خطيبته حفله في بيت أهلها ( تحسبونه رجع مبسوط ) على ماسوت له المسكينه بس والله إنه رجع للبيت مصدددووووووووم وقال لنا بالحرف الواحد ( موهذي البنت إلي كنت أحلم فيها )
– واحد من إخواني لما راح يخطب كانت البنت ( وقت الشوفه ) تطالع فيه ومانزلت عينها عنه
قال مابغاها : هذي عيونها زايغه ولا تستحي
– وأنا والله كنا أيام الخطوبه يجينا زوجي على البيت ( وكنت عيني بالأرض ) ( ويادوب ينسمع صوتي ) والله مو تصنع بس حياء وخجل مع أنه ( ولد خالي )
وبعد الزواج كان يقول لي والله إنك ( عذبتيني بحيائك وتمنعك ) وزادك جمالا ونورا وكان خاطره المسكين طول الفتره بس يمسك يدي ؟؟ولا قدر
فيقول كنت أحلم فيك الليل والنهار ( زدتيني شوقا إليك )
وااله مامدح نفسي بس هذا الواقع
وياليت كل الأخوات ينصحون بعضهم بدل مايحكون تجاربهم مع خطيبها
وتقبلو نصيحه أختكم المحبه
بارك الله فيك اختي جوانا
كلامك عييييييين العقل ربي يحفظك لك عيالك وابوهم
ستومة انا اشوف افضل انكم تطلعون تتعشون برع ولا في بيت اهله
خبرينا شو صار اشتري له شي ؟؟
سوي الي تحسي انه خطيبك .. زوجك… انه هذا الشي يريحه