بس بصراحة اليوم قعدت افكر شوي في طريقة اكلي ..فمادري انة باقولكم وانتو احكموا اذا بطني ما خف من هالاسباب ايلي باقولهة ..
يعني اولا انة ما خففت اكل ولا في شي يعني اكل اكلي العادي ..لان ان اقول اني ما ابي اضعف .. ابي بس اخفف منطقة البطن عشان جذي اكلي عادي ..
ثانيا انة اتعشى كل يوم تقريبا الساعة 12 او 1 في الليل .. ومن ضمن عشاي بطاطس يعني على قولتكم نشويات ..
ثالثا بعد العشى تقريبا اقعد شوي وبعدين اسوي رياضة يعني على الوحدة ونص او اكثر جذي لان تقريبا في هالوقت يكون ولدي لصغير رقد ويعني كملت ايلي وراي من اشغال .. يعني اسوي رياضة وانة بطني متروس ..
وكل ايلي سويتة من بديت رياضة فقط اني قمت ما اشرب مشروبات غازية .. مع ان وحدة من اهلي تتابع ستار اكاديمي وتقول انهم يشربون بيبسي مع ان يبونهم يخففون اجسامهم وتقول ان حتى مدرب الرياضة مالهم جافتة يشرب بيبسي ..
فهاي نظامي اليومي فهل تعتقدون ان نظامي كلة غلط في غلط ..
وياريت خواتي تردون علي اذا كانت طريقتي صح لو لا ..
ويالله شلون الحين صح لو غلط ..
نظامج في اشياء غلط
طبعا الاكل بالليل اكبر غلط حتى لو كان بعده رياضه خصوصا النشويات ممنوعه بالليل بما انج ما تبين تضعفين يعني بس الكرش خففي نشويات لان اهي اللي تسوي دهون حوالين المعده والارداف خصوصا بالليل لا تاكلين اكلي اي شي بدون نشويات , شربي شاي اخضر اذا ما يعجبج ضيفي عليه ليمون يصير لذيذ , ودايما شفطي بطنج و كثري من التمارين خصوصا اول ما تقعدين من النوم و انتي ع السرير و بالليل قبل ما تنامين
و ان شاء الله تستفيدين لان هذا نظامي و الحمدلله ما تطلع لي كرش بس اسوي رجيم اضبط جسمي كامل