كوزمسيرج عدهم تقنيه يديده لشفط الشحوم و شد الجلد في نفس الوقت اسمها (اكيولفت ليزر) acculift laser ، هذه التقنيه تعتبر عمليه تجميله غير جراحيه، لأنه معروف إنه باقي العمليات الجراحيه عباره عن ندبه طويله و بشعه.
الاكيولفت تكون تحت تخدير موضعي و محتاجه بس لفتحتين أو 3 فتحات بالذراع و طول كل فتحه 1 سم ، وفيه لبس للزنود يعطونج اياه عقب العمليه و تلبسينه لفتره 6 أسابيع، و قيمه العمليه 18 ألف درهم (يمكن يختلف السعر من حاله لحاله)
للعلم هالتقنيه تنفع للزنود و الذقن المزدوج
أنا طلبت استشاره مع الجراح التجميلي د. يوهان شيبرز (تكلفه الإستشاره 300 درهم) ، و قالي انه نتيجتها ممتازه و لكن مب مثل العمليه التقليديه الجراحيه، بس قاللي المنطقه بتضعف وايد و بتشد أكثر من الوضع الحالي
بلييييييز إذا وحده منكن جربت الاكيولفت، قوليلنا تجربتج،أو حتى إذا تعرفين حد من الأهل أو الربيعات جربوها، قوليلنا عن تجاربهن
ان شالله البنات يفيدونج