عيب ستي ستارز

وأنا صارلي موقف في سفرتي الحالية لمصر الحلوة وحبيت نتشارك بيه معاكم
كلنا كعرب:groupwave: لما نزورو مصر من الااااااااازم نزورو سيتي ستارز مع أنا في دولتي الماركات أرخص بمراااحل ومع ذالك لااااازم منها البوابه سبعه لووول
فقررت يومها أني نمشي غادي وكان موبايلي اللي جايبته معاي حااااااشاكم متبهدل تبهيدله غبرة 😮 غلاف الخلفي للبتاريه ضايع ومتجرح فأتصلت ب 140 وهو للسائح اللذي لا يعلم هذا الرقم السحري دليل أستعلامات مصر عن كل شئ مواقع الأماكن وأرقامها وساعات العمل وطلبت موقع سوني أركسون و رحت للعنوان المحدد وحطيت الموبايل عشان يديروله تبديل كامل للغلاف وكانت الخدمه من أروع ما يكون والمعامله أيضا وبعد ما أخذت الميموري كارد والسيم كارد خليت الموبايل عندهم وأنطلقت لستي ستارز بروحي ومتوقعه أني حنلقي داخله تلفون عمومي:yes: pay phone ومشيت هنا وهناك وأشتريت هنا وهناك وقلت لنفسي يلا نشيك علي السائق ونطمن ماما عني مشيت للأستعلامات وسئلت بثقه شديدة من فضلك وين مكان التلفون العمومي ورد بثقةأشد يا فندم ماعندناش ….أزبهليت علي رئي عادل إمام للحظه وكانت علامات الغباء علي وجهي وقلت عفوا ! كيف يعني قالي سيتي ستارز (بجلالة قدره ومساااافته الواسعه والتنوع والتغير اللي فيه ولبن العصفور اللي فيه مافيش تلفون عمومي) للأمانه التعليق ما بين القوسين تعليقي الشخصي مش تعلي راجل الأستعلامات:tongue: لووول
الخلاصه قتله كيف وأنا أيش ندير توا وين نجري ومامتي اللي حتنبتلها:mad: نخله لوماكلمت طمنتها وكيف حنتلاقي مع السائق اللي بعثته لماكان تاني يجيبلي حاجات :ss: …المسكين بتاع الأستعلامات قالي لو معاي رصيد خليتك تكلمي بموبايلي قتله نشريلك رصيد وخليني نكلم وافق وكان بيبعتي للدور الارضي وقصه قتله عارفه نفسي ممكن نتوه ….فكان حد تاني معاه من مكتبهم الرئيسي أخذ الرقم وكلم السائق وقاله أركن قدام البوابه الفولانيه لما يرجع من المشوار إلي بعثته ليه وانا نطلع غادي
وبقت قصة والدتي ….قدرت نطمنها طبعا لكن مش لأني لقيت تلفون عمومي لأن وقفت نا خذ سندوتش وأنا مش فاقده الأمل أني نلقي مكان نكلم منه سئلت الجرسون وحكيتله فهو من كثرة ما وجعتله قلبه عطاني موبايله:tears::tears:
والموضوع عدي علي خير….أنا عارفه أن العالم كله عنده موبايل وأتنين وفي ما ندر وقل تصير حالتي أن حد يطلع بلا موبايل ….بس من أساسيات أي مكان فيه تجمع جماهيري ويكون ترفيهي ناجح يكون فيه تلفون عمومي الموضوع أصبح من المسلمات لدرجة أن الناس معش يفكرو يسئلو المول هذا فيه تلفون عمومي أولا ….حتي في بلدي الغالي المولات مازالو ما تطورو لدرجة سيتي ستارز ومع ذالك في تلفونات عموميه
فيا ناس يا عالللللم ردو بالكم تمشو لستي ستارز بدون موبايل لوووول
سلامززززززز