السياحة في هولندا تقريري المصور 2024.

السلام عليكم ورحمة الله وبركاته

هذا موضوع خاص و تقرير عن مدة اقامتي في هولندا والي هي ان شالله شهرين ونص ..

وبعرض فيها بعض الاماكن الي زرناها .. وصور عن هولندا بشكل عام لأنه مافي عنها معلومات وايد وهاللي لاحظته ..

وهذا جهدي الخاص وفي حال نقله تذكر الحقوق انه لمنتدى عروس .. (f)

والصور بنزلها بالترتيب ان شالله على حسب الايام الي طلعنا فيها من بداية وصولنا لهولندا ليومكم هذا ..

في البداية اعرض لكم صور متفرقة عن امستردام عاصمة هولندا .. وما قعدنا فيها اللا يوم واحد وقت وصولنا من الامارات ..

التصوير بعدسة اخوي .. وشي منه تصويري ..

والحين بعرض لكم صورة حديقة الحيوانات الي رحناها ثاني يوم من السفر ونحن في طريقنا لمكان السكن .. وهولندا ماشالله فيها اكثر من 4 حدايق حيوانات .. واغلبهم رحناهم..

مصبح مستناس من الحيوانات هههههه

و في حديقة خاصة بالدلافين و الاحياء البحرية مثل اسود البحر ولهم عروض حية جدام الكل وفيها مثل الشاطئ كله اوز .. والمدينة روعة تراثية وحلوة ممتعة الصراحة .. اسم المنطقة harderwijk واسم الحديقة Dolfinarium

تابع

هني عاد لما وصلنا الشقة .. وبحط لكم بعض الصور الملطلة على الشقة .. وحديقة قريبه من السكن حلوة وايد ..

وهني صور لمدينة اسمها den haag سوقها حلو … وكبيرة وفيها قلعة اثرية لفينا من حولها ما دخلناها زحمة …

هالمنظر متكرر طول الطريج في اي مكان تروحونه حتى اني احس اني في رسوم هايدي او فتاة المراعي هههههههه

ورحنا بعد حديقة حيوانات اسمها Burgers’ Zoo بصراحة كبييييرة وحلوة .. هني الحيوانات واللا بلاش مب عندنا ههه فيها حديقة استوائية صدق بجوها وحيواناتها ومسوين بعد حياة بحرية كاملة فضييييعة و الصحرا والسفاري يعني كل الي تبونه … وهذي مقتطفات بسيطة

وهذي صور لهولندا المصغره انا ما رحتها بعدني .. حلوة فيها مباني هولندا بشكل صغير … اسمها ميني هولند ولها اسم ثاني ما ذكره

وهذي صورتين جي هدية لكم هههه

وسلامتكم ان شالله بس تعجبكم الصور ..وهالي قدرت احطه الباجي ما ينفعون واي استفسار انا حاظرة .. وطلعاتنا محدودة هالفترة عشان رمضان تدرون ودراسة زوجي .. وخلااااص ابا ارد البلاد .. اوروبا كلها ما تسوى حر بلادي فديتها

:clap::clap::clap:
رووووووووووووووووعه تسلم ايدينك ياااااااااااااي شوقتينى اسافر صور فوق الخيال ابداع ويشرفنى انى اكون اول من يرد على موضوعك المميز وربي لو بيدي اعطيك تميز على هالتقرير الرائع (y)ننتظر جديدك حبيبتى الله لا يحرمنا منك:wink:

روعة تسلمين تقرير مفصل كامل وشامل
كفيتي ووفيتي

حبيبتي rasseess اخجلتيني هههه .. تسلمين الغالية على المرور الحلو .. وان شالله تسافرين لها وتقولين لنا ..

عزيزتي الفن الاصيل اشكرج على مرورج العطر …

وتحياتي لكم

حبيبتى عيون بوظبي حبيت اسألك عن الجو عنكم الحين بارد؟؟؟؟ وكيف نظرتك عموما عنها تستحق الزياره ولا لا لانه بصراحه كان خاطري من زمان اروح لها وقاعده افكر في الموضوع:21_209:

الحين حبيبتي الجو حلو .. وعموما هولندا كل مرة شكل يعني ممكن الشمس تكون طاالعة وفجأة ما تلقين اللا مطر ..

والحين درجة الحرارة عندنا 16 برودة بس حلوة وخفيفة مب نفس برودتنا تعور في العظم ههههه

وهي حلوة وتستاهل زيارة بس مب بروحها يعني الواحد ما يتعنى لها بروحها يكون بيلف اوروبا ويزورها لأنه مافيها اماكن سياحية واثرية وايد .. يعني مشهورة بحدائق الحيوانات وطبيعة حلوة واسواقها بعد حلوة…

وترا غاليه ههههه بس اتوقع اروربا كلها نفس الشي

يسلموووووووا ياعمري

والله الصور مرررررررررررررررره شي

مشاءالله تبارك الله احسن الخالقين

الطبيعه وايد حلوه سبحان الله

مشكوره يالغالية على التصوير الحلو

وان شاءالله تردون بالسلامة بعد ماياخذ زوجج شهادته

مرحبــــا

موضوع رائـــع..

حبيبتي انا ساكنه في Den Haag ( لا هاي ) اتفضلو عندنا عل فطور..

اي استفسار انا بالخدمه ..