شلونكم بنات شخباركم ؟
هالايام ماشالله الخطوبات زايده يمكن لانهم ينتظرون نهاية شهر رمضان
الحين عندي سؤالين مهمين :
– اولا شلون تتصرف البنت بأول يوم تقابل فيه ام المعرس و خواته اذا زاروهم عشان يشوفونها ؟
– ثانيا شلون تتصرف باليوم اللي بتشوف فيه الخطيب لأول مره و تتعرف عليه ؟
اعتقد ان المسأله صعبه وايد و خصوصا اذا كانت المره الاولى للبنت انها تمر بهالتجربه
اتمنى انكم تجاوبوني و انا ادري فيكم ما تقصرون :shy:
سلامي….
لما اهله اييون يزورون… احسن شي البنت تتصرف ع طبيعتها… صحيح لازم تتعدل و تتمكيج و تتعطر… بس لا تزود!
بعدين… يمكن يقولون…
" ع بالنا عيونها عسليه…. طلعن عدسات!!!"
" ع بالنا بشرتها صافيه و بيضا…. طلعت (صابغة) بكريم الأساس و البودره!!!"
و هلم جرا !!!
و توزن كلامها… ترمس وياهن… لكن بادب!
و تحاول تطبخ شي… و هي اللي تقدمه….
اما عن زيارته هو…. خليها ع الله ذاك اليوم…
بعلمج… اذا يا يوم و عرست…
:shy:
و سلامتكم…
يعني مع بعض بس الله لايوريك جاتني حالة ارتجاف وخوف اول مره
احس فيها
2 كنت لابسه لبس هادي وحلو وساتر في نفس الوقت شعري تركته عادي بس رفعته بطوق عن وجهي
ماكنت حاطه اي مكياج ولا حتى روج
بس انا انصدمت فيهم وهم انصدموا فيني
احنا الحمد لله بشرتنا بيضاء وخشومنا طويله وعيوننا وساع
وهم الله يستر عليهم كان لونهم غاااااامق مره
انا قلت لا والحمد لله انها جت منهم وقالت الام والله انتم ناس والنعم
والبنيه ماعليها كلام بس مانبي نظلمها معنا او بالاصح كل ناس ياخذون اللي مثلهم
والحمد لله على كل حال هذا ماثر علي وكل واحد ياخذ نصيبه
انا راح اعلمك ياعمري اشلون تستقبلي خطيبك لازم شكلك يكووووون حلو
وتكوني مستحيه لو بالكذب وبعدين لا تخافي اولها اعصابك تكون متوتره
بعدين الوضع يصير شي ثاني واتمنى ربي يوفقك في حيااتك
اختك ميرو
انا سويت فضيحة
بعدني ماشفتهم
حتى بعدهم ماوصلوا
ويلست اصيييح
عاد لا تسؤلوني ليييييييش مادري
2222222222
هاذي خطوبه جيه الله يستر الملجة
فانا داخله وكل تفكيري لو تتم هالخطبه انو ياااااااااي اول شوفه كانت عيد ميلادي..
المهم سولف شوي بعدين قالي مبروك
<<<بقصد التخرج
انا قلت الله يبارك فيك بس وش دراك
<<<احسبه يقصد عيدميلادي لان كل تفكيري فيه
قال وش دراني بإيش..
قلت ان اليوم عيدميلادي<<<<<<<<يازينك ساكته2 ههههههههههههه
ههههههههههه الحين كل مايكلمني يقول انك متعنيه تعلميني انه عيد ميلادك عشان اجيب لك هديه
وانا والللللللله مو قصدي بس عاد شنسوي:shy:
222 تحححححفه انتي كذا
MIss.B
لا تحطين مكياج كثير وخليك على طبيعتك زي ماقالوا البنات 🙂 صح بترتبكين عادي انا دخت عليهم ووجهي صار اصفر 2 لأني استحي مرره من ابوي خاصه ان خطيبي ولد عمتي 😮 اهم شي لا تتكلفين بأي شي :shy: والله يوفقك ويسعدك انشالله 🙂
في الرؤية الشرعية الي قبل الملكة ..يصير البنت تدخل على الخاطب وهي مظهرة شعرها ولا لازم تكون محجبة لانه للحين ماتمت الملكة ؟؟؟
وبعدين احس لو يشوفني من غير مااعدل شعري واكحل عيوني بيطلع شكلي مثل المريضة ويمكن يهون الرجال..:down:
ماانكر اني ملكة جمال مثل مايقولون :rolleyes::rolleyes::rolleyes::o:o:o (قولوا ماشاءالله) بس اعتقد الوحدة يوم تتحجب وماتبين شعرها ولاتحط شي بوجها شكلها يكون تعبان ووجهه اصفر ولاشرايكم..
بعدين انا افكر يوم بيشوفني مااسوي مثل مايسوون الناس تدخل العروس تقدم شاي مادري شربات عقب تظهر..احس الحركة بايخة…انا انشاءالله بدق الباب بقوة وبقول السلاااااااااااااام عليكم..وبدخل بكل جراة وبيلس عداله وبقوله شحالك وبسولف ..
اما حركات المستحا هذي ماتعجبني…الواحد يكون عفوي وجريء وواثق من نفسه احلى…ولا شرايكم يابنات؟
يا اني بغيت اموووووت من الخجل والخوف
تدرون اني من كثر خجلي هو كمان خجل واحس بيده
وهي ترتجف يعني خليته يخجل2
بس بصراحه يوم ولا اروع
انا كنت حاطه ميك اب خفيف كحل وظل خفيييف وروج وردي
مع انه قد شافني زمان بدون الميك اب واعجب فيني(ماشاء الله علي):cool2:
المهم اني كنت شبه فاقدة الوعي:s2
أنا قبل ما ادخل عليه،، وقفت دقيقه كامله عند الباب اضحك ضحك هستيري222 و امي معصبه و تقولي اثبتي لا ينكب العصير:pain:
:cool2: عاد دخلت و انا واثقه من نفسي و عطيت اخوي صينية العصير ،،كانت ثقيله و جلست جنب البابا
بس كنت اتكلم معاه عادي،،و مو حاسه اني ارتجف او ان وجهي احمر:shy:
و ماكنت حاطه ميك آب ،،إلا لأن الماما اصرررت علي حطيت شوية أساس حتى ما كثرت..
أما اللبس،،تنوره طويله و قميص بس كانت اكمامه قصيره :cool2:
هجير الشووووووق،،،، في الرؤية الشرعيه ما تتحجب المخطوبه،،لأن الخاطب المفروض يرى منها ما يحب:o يعني تبينين جمالك من غير تصنع أو تهتك
<<==مدري شلون طلعت مني هالكلمه،،احسها كبيره:eek2:
MISS B اهم شي قبل ما تطلعين عليه هو او اهله تصلين صلاة الاستخاره
عشان إذا كان فيه خير يتمم ربي الموضوع و ما تندمين في يوم من الأيام،،،
و كلكم يا بنات لازم تصلون صلاة الاستخاره قبل ما يصير اي شي
فتكوووووا بعافيه:smile: