أخواتي العرايس .. بغيت تفيدوني شلون أعتني بشعري في شهر العسل .. لأن تعرفون راح يكون رطب بسبب الماي أغلب الأوقات :21_207:.. وجزاكم الله ألف خير ..
جففي شعرك بجفف الهواء الي بيكون في حمام الفندق او بالهير داري العادي وحطي بديل الزيت او زيت لوز حلو للشعر ولفيه على اصابعك للكيرلي
او قسميه اربع اقسام بعد ماتجففي شعرك كامل وافرديه بالسيشوار وحطي سيروم
واستخدمي شامبو وبلسم مناسب لشعرك
وحمام زيت العشر دقائق
حبيبتي اخذي معاج شامبو و بلسم للاستخدام اليومي من الصيدليه او استخدمي شامبو أطفال + اي بلسم
عشان ما يرهق الشعر للاستحمام اليومي
و مثل ما قالت اختي استخدمي مجفف الشعر اللي ( تكرمين ) بالحمام
او اخذي مجفف شعر معاج
لكن لا تتركينه مبلل لانه بيتقصف بسرعه
تسبحي كل يوم عادي لكن لازم تنشفينه عل الأقل فروة الرأس
تجنبا للزكام و الصداع + عشان الحفاظ على رونق الشعر
خصوصا اذا كنتي متحجبه و لبستي الحجاب و شعرج مبلل
بيتقطع و بيخمر
فأنصحج بشامبو يومي او شي للأطفال و لازم تجففينه =)
+ لا تنسين تاخذين معاج حمام زيت سريع اذا كنتي بتطولين بشهر العسل لمدة اسبوعين او اكثر
اخذي من لوريال اللي يناسب شعرج عشان يظل يلمع و ما يبهت من كثر الغسيل
و ربيي يوفقج =)