بنات فزعتكم بليز
انا رحت صالون عند وحده مغربيه عشان اصبغ شعري قبل العيد بيوم < مغامره غبيه ادري
المهم الكوفيره حسبي الله عليها قامت تمدح لي الصبغه وتقول انها طلبيه من برا وتمدح شغلها ..وكل ما اقولها ابي كذا او كذا تسكتني وتقول انا عارفه شغلي
المهم صبغتلي شعري ماعدا الجذور وجلست يمكن اقل من نص ساعه وقالت تعالي عشان اصبغ الجذور وجلست شوي بعدين غسلت لي شعري
شعري طلع تايقر يابنات ..الجذور لون وباقي الشعر لون ..وبعض الخصل مصبوغه كامله
قلت لها ايش هذا ؟؟
قالت لي عشان توني غاسله لك اصبري عليه ..مايتوحد لون الشعر الا مع الايام يفتح ويصير لونهم واحد ..وانا صدقت عشان ماعندي خبره بالصبغات ..وكان فيه كم خصله سوداء قالت تعالي بصبغهم واحط عليها قصدير واذا جيتي البيت غسليها ..المهم وهي تصبغ تحط الخصله على بعضها وتلط عليها الصبغه زي الي تبي تخلص ومدري عجلتها على ايش على ان مافيه زباين ..والبلا يوم غلست الخصل طلعت افتح من باقي الشعر وزي التايقر شي ملون بالعرض وشي نفس لون شعري :badly:
حتى قصتها لي زي وجهها اقولها مدرج وتقص لي دائري من ورا ومن قدام جنب طويل وجنب قصير
بالمختصر
شعري هو هو لا توحد لونه ولا ترقع
عيدت بشعر مشوه ..وياخسارة ال 300 ريال الي دفعتها
ومن قهري رجعت لها عشان ترجع لي على الاقل نصف قيمة الي دفعت وابرد حرتي شوي ..قامت تقل ادبها علي وتصارخ وتقول ما ابي اسمع منك كلام العيب منك انتي لانك صابغه بني غامق من قبل .. الي برا بالشارع سمعوها على اني اكلمها بصوت واطي واقولها انا اكلمك بشويش كلميني بشويش ..راحت تعلي صوتها اكثر ..وبغت تاكلني لما قلت لها
عطيني رقم صاحبة الصالون
اسلوبها جدا سئ …وانصح صاحبة الصالون تمسكها الباب ..اذا تبي يصير عندها زباين لاني دخلت مرتين عندها ولاحصلت ولا زبونه
والصالون اسمه اعتدال الي بشارع سلمان الفارسي-حي النهضه -الرياض
وانا ما اتبلى على احد وربي كل الي قلته صحيح ..بس ما ابي احد يطيح بيدها ويدفع لهالجشعه فلوس وشغلها اي كلام ..والله حرام لهف فلوس الاوادم على غير سنع
انتبهو يابنات مو تسوون نفس غلطتي وتسلمون انفسكم لناس مو مضمونه
والحين قولو لي وش اسوي بشعري ما ابي اصبغ غامق لان طول عمري وشعري غامق وابي اوحد اللون بس يكون فاتح
واسفه على الاطاله
الصالون هذا لو عندنا جان غصبا عنها ترجع تصبغ شعرج او ترجع فلوسج
هي الغلطانه حتى لو كنتي صابغه شعرج من قبل ما يخصه بس الظاهر انه هي ما عندها خبره
الله يعينج ..
انزين انتي اصبغي الحين باي لون ثاني يكون غامج علشان يغطي العيوب مثلا اختاري البني و مدام شعرج صاير تايغر
http://forums.3roos.com/showthread.php?t=480397&page=49
واكيد.. ( دي دو الحلوه ) راح ترد عليج
في مشكلتج
.
حسبي الله عليهاا
المفرووض رحتي لمشغل تعرفيينه او احد يمدح شغله
اتوقع لو تصبغيينه غاامق يمكن تقدرين ترقعيين شعرك..
وبعدها صبغته ببني غامق
والحمدلله غطى العيوب شوي
ووحد لونهم
اتمنى اكون افدتكـ
انا صبغت شعري بني غامق ووحدت اللون ..بصراحه ماصبرت على شكله وهو مرقع ..وخفت ارجع اصبغ في صالون وتتكرر معي المشكله 
جزاكم الله خير وماقصرتو