لماكنت باجتماع نسائي كانت وحده تشكي لي من زوجة اخوها وتتكلم(مع اني ماائيد ان الواحد يتكلم عن احد لكن من باب حل مشكله فاظنه بكذا مسموح)
المهم
البنت كانت تقولي ان زوجة اخوها ماتاتمن اخوها ابدا على فلوسها
للعلم ان الزوجه موظفه ولها راتب ومن هذا الشئ يعتبر عندها بطاقة صراف
وتقول البنت ان زوجة اخوها استغربت كيف ائتمنت زوجها على بطاقة الصراف بمعنى انها كيف تعلمه بالرقم السري
من هالمشكله جت الفكره لهذا الموضوع………….(i)
لكل من قراء موضوعي
سؤال
هل انتي او انت تاتمن الطرف الاخر على بطاقة الصراف يعني الرقم السري للبطاقه تكون معلومه عند الثاني وكذلك لكل شئ يحتمل الخصوصيه بامور الحياة مثل رصيدك بالبنك واشياء كثيره
انا عن نفسي اشوف ان انسان ائتمنته على حياتي شئ طبيعي اني بائتمنه على فلوسي وعلى جميع الارقام السريه
يعني بمعنى اوضح لايمكن يكون بيني وبينه خصوصيات الا في اشياء معينه
انتم شرايكم؟؟
للعلم انا احتفظ بارقام السريه لزوجي في هاتفي وهو كذلك واعرف رصيده كم ويعرف رصيدي ابد مافيه اي مشكله
الصرااحه الي ماتاتمن زوجها عنقودها هذي زوجه مريضه ومو واثقه فزوجها
مشكوه حبيبتي عالموضوع موااضيعج ماشالله دايما مميزه
وزي ماقلتوا شخص ائتمنه على حياتي كيف ماائتمنه على فلوسي؟؟
بالنسبه الي انا مابيني وبين زوجي ارقام سريه
وحتى ارقامه السريه عطاني اياها علما باني ماطلبتهم منه
اسمحي لي هذي المراه يا انها تعشق الفلوس حتى اكثر من نفسها
ياانها ماتحب زوجها
مع إني شفت مثال حي من فترة يمكن ست شهور وحده مأمنه زوجها كل شيء وواثقه فيه…
وفي يوم من الأيام شافت سياره lexus على باب بيتهم سألت زوجها.. مين إللي يحط سيارته على باب بيتنا…
قال لها ما أحد هذي سيارتي…
وهي عندها علم إن زوجها ما عنده هذا مبلغ إنه يشتري سياره عادية…
كيف يشتري سياره بمبلغ وقدره……
لما شيكت حسابها شافته صفر ريال سعودي…
والله صدمتها مش عشان الفلوس راحت عشان زوجها إللي خانها إيش بتكون؟؟؟
قعدت في المستشفى فترة طويله من أثر الصدمه…
الله يعينها إن شاء الله… الحين أحسها مهلوسه شويه…
انا موظفة وزوجي يعرف الرقم السري لبطاقتي ويعرف كل شي عن راتبي وكم عندي وكم يعطوني اهلي وغيره … وانا نفس الشي لان فيه ثقة متبادلة بينا .. احيانا ما اقدر اطلع اقول له اسحب لي من البطاقة مبلغ معين وهو لو انا فلست ( وهذا اللي دائما يصير ) بطاقته تكون عندي ويوم اروح السوق واصرف منها
اذا الوحدة واثقة من زوجها وحياتهم مع بعض مبنية على التفاهم والثقة والتعاون اكيد هالشي عندها عادي … وفي نفس الوقت ما انصح وحدة علاقتها بزوجها مهزوزة وعندهم مشاكل كثيرة وفيه مشاكل في التعامل المادي بينهم ومين اللي يصرف ومين اللي يجيب اغراض البيت … انصحها انها تحتفظ برقمها السري وحسابها البنكي لنفسها
لان احيانا تصير مشاكل ويستغل طيبة زوجته او ضعفها ويسرقها .. طبعا تسمى سرقة اذا بياخذ شقاها وتعبها وهو مو مريحها مثل القصة اللي قالت عنها بنت قمر
الحمدلله تربينا في بيت تحكمه الثقة بين الام والاب وانتقل هالشي لنا والله لايغير علينا
المضحك في الموضوع،، أن زوجي يشتغل بالبنك يعني حتى لو خشيت عنه حساباتي راح يطلعها بنفسه وهو في مكانه بضغطة زر…
هلا يا اختي..
أنا بالنسبة لي بطاقتي بعض الأحيان عندي وبعض الأحيان عند زوجي..
وبطاقة زوجي بعد ساعات عندي وساعات عنده..
والحمد لله ما بينا سر ولا شي..
وقولي للي ما تأمن زوجها على فلوسها شلون أمنتي روحك وقلبك وجسدك اللي هما اغلى من كل غالي ونفيس عليه .. وانتي ما تأمنين على فلوسك؟؟
انا الصراحه لين الحين الله ما كتب اني اتزوج ………….. بس لو الله كتب لي ( انشاء الله)
اكيد مثل ما قالوا البنات شخص امنته على نفسي و على حياتي اكيد بأمنه على فلوسي
و مثل ما قالت RoOoOmy_M
الحمدلله تربينا في بيت تحكمه الثقة بين الام والاب وانتقل هذا الشي لنا
بس لو رحتي البنك في يوم من الايام ولقيتي المحترم ساحب كل راتبج وراتبه صارفه على وناسته ومتعته انتي اشراح تسوين بعدها راح تاخذيم البطاقة
منه ولا لأ اشلون :think::think: اشلون تاخذينها وانتي امنتي حياتج وجسدج وقلبج وروحج له ….:mad2::mad2: خليكم من الكلام الفاضي
مو كل زوج أمين ويصون زوجته وفلوس زوجته فيهم وا يستاهلون يعرفون اشكثر راتبها الشهري …(6)(6)(6) والزوج اللي فعلا أمين ويستاهل الثقة
ما ياخذ البطاقة من زوجته ولا يفكر يقول لها في يوم من الايام وين راتبج ليش ما تساعديني في البيت أهو عارف ان مصرف البيت من كل شي عليه
والزوجة راتبها لها مو له وإذا آنا غلطانة ردوا علي………………..:clap: