Baby p!nK & Chocolate Lo0ok 2024.

السلام عليكم و رحمة الله و بركاته
🙂

اليوم يا بنات انا يايبية لكم هالموضوع و فيه لوك يديد انا ابتكرته مؤخرًا و كالعادة صورت الادوات لكم
و رسمت لكم النتيجة بالنهاية

و أحب بالبداية أشكر الأخت الشمس اللي ساعدتني برسم الرموش .. شكرًا شمووسة

أول شي لازم أعترف 😮 و أقول لكم بكل صراحة انه طقم الفرش اليديد اللي شريته ما استخدمته بهاللوك .. لاني متحسفة عليه .. لوول .. الحمدلله و الشكر .. و اكتفيت بايدي و بالفرش القديمة

نبدأ اللوك

بعد ما تغسلين وجهج بماء دافي و صابون .. و تجففينه
حطي الحليب على بشرتج و خليها ترتاح لمدة 3 – 5 دقايق
مسحي بشرتج بالتونيك و القطن

وزعي البيس على بشرتج و خليها تتشرب البيس عدل
و الحين غطي عيوبج بالكونسيلر عدل و اذا كنتي تعانين من سواد تحت العين لا تبالغين بوضع الكونسيلر لانه راح يصير دوائر رمادية من بعيد
الحين وزعي كريم الأساس على ويهج و رقبتج بالتساوي (انا أستخدم ديرماكول…رووعة و تغطية خييااال)

بما انه اساس ديرماكول ثقييل فاني أضطر اني بعد ما أحطه أمسحة بورقة كلينيكس قبل لا أكمل مكياجي

وزعي لوز باودر على ويهج و رقبتج بالتساوي << انا أستخدم بورجوا .. ممتااازة

أحين ننتقل لمكياج العيون
حطي لوز باودر بكمية كبيرة تحت عيونج .. لازالة الفائض بسهولة بالنهاية

حطي شدو وردي لؤلؤي على عظمة حواجبج

اخي شدو وردي فااتح (baby pink) و وزعيه على كامل الجفن العلوي.

الحين أخذي شدو بني, و حطيه على زاوية العين الخارجية فقط و درجيه مع الشدو الوردي عدل

و سحبي الشدو البني الى زاوية العين الخارجية اللي تحت و خليه يصير بس عالاطراف

الحين أخذي أي لاينر سائل لونه بني, و خطي الجفن العلوي من أول الى آخرة, و اذا تحبين, ممكن تضيفين عليه قلتر من نفس اللون << انا استخد هذا من ماركة جست غولد .. رووعة روووعة

انتقلي للجفن السفلي

باستخدام قلم كحل أسود << بهالخطوة استخدمت كحل سمايلنغ..سواد خطييييير!!!
خطي جفنج السفلي من الأول الى الآخر, لكن ارسمي زاوية و وصلي الكحل الى طرف جفنج العلوي
(هالخطوة تشبه حركة الشدو..كل شي فوق و شوية تحت – اما مع اكحل كل شيي تحت و شوية فوق )

الحين.. على زاوية العين الخارجية, حطي شوووية شدو أسود و ادمج الكحل و الشدو البني و الشدو الأسود مع بعض, و انتي تدمجين, طلعي الالوان الى برا
(راح يصير كأنه سموكي لكن بس عالطرف! )
اختمي مكياج عيونج بالـ عاقف الرموش و الماسكارا

عاقف الرموش .. او lash curler لازم تستخدمينه قبل لا تحطين الماسكارا .. لانه اذا استخدمتيه بعد الماسكارا فيه خطر على رموش بانها راح تتسااقط و يتغير شكلها .. اسألي مجرب

الحين البلاشر:
حطي شويية قلوس على ظاهر ايدينج و و شوية بلاشر و اخليطهم عدل و وزعي الخليط على خدج

شوفي تفاصيل هالفكرة في هالرابط
http://www.3roos.com/forums/t378931.html

الروج..
لوني شفايفج بمحدد فوشي, و حطي روج فوشي
و فوقه حطي قلوس بيج

مع نهاية اللوك, اخذي بودرة برونز أو غامقة و باستخدام فرشة كبيرة, وزعي البودرة بخفة على جبهتج, عظمة الانف و الذقن و أيضًا عظمة الفكين .. هالحركة يا بنات حلوه لتعطي الظلال الطبيعية لويهج مهما كان الأساس ثقيل و بنفس الوقت تعطي لمسة برونزية

باستخدام فرشاة المروحة.. أزيلي الفائض من المكياج و بالكلينكس امسحي ويهج بخفة علشان تتجانس الألوان بشكل طبيعي أكثر (لكن لا تلمسين عيونج أبددددددددددددددددًا)

النتيجة

و هذه نهاية اللوك .. أتمنى أكون كفيت و فيت بالشرح .. لانه الصور مو واضحه عدل .. و ان شاءالله بس يصير عندي كاميرا زينة ما راح أقصر معاكم بصور أحسن 😮

لا تنسوني من الردود الحلوه

الموضوع غير منقول

تحياتي للجميع